KOE TOHI A JOBE 7:1-21 TON1884 - Bible AI

¹1 Oku fakaha e Jobe oku totonu ene holi ki he mate. 12 Oku ne lea ki he ene feiga, 17 moe leohi ia e he Otua. IKAI oku ai ae kuoga kuo tuutuuni ki he tagata i mamani? bea tatau hone gaahi aho moe gaahi aho oe gaue uga?

²O hage koe holi lahi ae tamaioeiki ki he malumalu, bea hage koe amanaki ae gaue uga ki he totogi o ene gaue:

³Oku behe, kuo tuku ke aaku ae gaahi mahina mamahi, bea kuo tuutuuni kiate au ae gaahi bo fakamamahi.

⁴O kau ka tokoto hifo, oku ou behe, teu tuu hake afe, kuo oji ae bo? bea oku ou fiu i he fetafokifokiaki o a‘u ki he maa ae aho.

⁵Kuo kofu aki hoku jino ae uaga moe gaahi koga kelekele; kuo mafahifahi hoku kili, bea kuo fakalielia.

⁶Ko hoku gaahi aho oku vave i he faoga filo oe tagata lalaga, bea oku fakaoji ia tae ha amanaki lelei.

⁷Ofa ke manatu‘i koe matagi a eku moui: e ikai toe mamata a hoku mata ki he lelei.

⁸Koe mata oia kuo ne mamata kiate au e ikai toe mamata mai: oku iate au ho fofoga, beau ikai leva.

⁹O hage koe fakamovetevete o mole atu ae ao: oku behe, ko ia oku alu hifo ki he faitoka e ikai toe alu hake.

¹⁰E ikai toe foki ia ki hono fale, bea e ikai toe ilo‘i ia e hono botu.

¹¹Koia e ikai teu taofi ki hoku gutu; teu lea i he ogojia o hoku laumalie; teu lāuga i he mamahi o hoku laumalie.

¹²He ko ha tahi au be koe tofuaa, koeuhi kuo ke fakanofo ha leo kiate au?

¹³O kau ka behe, E fakafiemalie‘i au e hoku mohega, e fakajiijii hoku mamahi e hoku tokotoaga;

¹⁴Oku ke fakailifia‘i au aki ae gaahi miji, bea ke fakalilika‘i au i he gaahi mea ha mai:

¹⁵Koia oku fili ai e hoku laumalie ae jijina, moe mate i he eku moui.

¹⁶Oku ou fākalilia ki ai; e ikai teu fie moui ai be: tuku ai be au; he koe vaiga be a hoku gaahi aho.

¹⁷He koeha ae tagata, oku ke hakeaki‘i ai ia? bea koeuhi ke ke tuku bau ho loto kiate ia?

¹⁸Bea koeuhi ke ke aahi ki ai i he bogibogi kotoabe, mo ahiahi‘i ia i he kihi‘i feituulaa jii kotoabe?

¹⁹E fefe hono fuoloa moe ikai te ke alu iate au, be tuku be au ke oua mua keu folo hifo hoku ifo?

²⁰Kuou fai agahala; koeha teu fai kiate koe, akoe koe fakamoui oe kakai? koeha kuo ke fokotuu ai au koe fakailoga ma au, keu hoko ai koe kavega kiate au be?

²¹Bea koeha oku ikai ai ke ke fakamolemole eku agahala, bea too atu eku fai hala? he koeni teu mohe be i he efu; bea te ke kumi au i he bogibogi, ka e ikai teu i ai au.