KOE TOHI A JOBE 8:1-22 TON1884 - Bible AI

¹1 Oku fakaha e Bilitati oku agatonu ae Otua i he ene fai ki he kakai o fakatatau moe nau gaue. 8 O ne fakamooni aki ae gaahi talatubua i mua ae fakaauha oe malualoi. 20 Oku ne fakaha oku totonu ae gaue ae Otua kia Jobe. BEA nae toki tali e Bilitati mei Suaa, o ne behe,

²E fefe hono fuoloa o hoo lea behe be? bea tatau moe matagi malohi ae gaahi lea a ho gutu?

³He oku fakahala e he Otua ae fakamāu? be fakahala‘i e he Mafimafi ae agatonu?

⁴Kabau kuo agahala a hoo fānau kiate ia, bea kuo ne liaki akinautolu koe mea i he e nau fai hala;

⁵Kabau te ke kumi vave ki he Otua, bea fai hoo faa hu tāumau ki he Mafimafi;

⁶Kabau kuo ke maa mo agatonu; koe mooni e a hake ia maau, bea te ne gaohi ke monuia ae nofoaga o hoo maonioni.

⁷Ne ogo ae jii a ho kamataaga, ka e fakalahi aubito ho ikuaga.

⁸Koeni, oku ou kole kiate koe, ke ke fehui ki he kuoga i mua, bea ke teu‘i koe ke ke eke ki he e nau gaahi tamai:

⁹(He oku oe aneafi be akinautolu, bea tae ilo ha mea, koeuhi oku tatau ho tau gaahi aho i mamani moe ata:)

¹⁰Ikai e akonaki‘i koe ekinautolu, o tala kiate koe, bea hua aki mai ae gaahi lea mei ho nau loto?

¹¹E faa tubu ae mohuku oe anovai ka i he kelebulu be? e faa tubu ae kaho ka i he vai be?

¹²He oku lolotoga ene kei mata, o ikai ta, oku tomua mae ia i he akau kotoabe.

¹³Oku behe be ae aluaga okinautolu oku fakagalo‘i ae Otua; bea koe amanaki ae malualoi e auha ia:

¹⁴Ko ene amanaki e tuuji ia, bea ko ene falalaaga koe matamata kubega oe hina.

¹⁵E faaki ia ki hono fale, ka e ikai tuu ia: e buke mau eia ki ai, ka e ikai te ne tologa.

¹⁶Oku mauiui ia i he mata oe laa, bea tubu hono vaa i he ene goue.

¹⁷Ko hono gaahi aka oku fefihifihitaki i he tafugofuga, o ilo‘i ae botu makamaka.

¹⁸Kabau te ne fakaauha ia mei hono botu, bea e toki fakafiji ia, o behe, Nae ikai teu mamata kiate koe.

¹⁹Vakai, koe fiefia eni a hono hala, bea e toe tubu ae niihi mei he kelekele.

²⁰Vakai, e ikai jiaki e he Otua ha taha haohaoa, bea e ikai tokoni‘i eia ae kau fai kovi:

²¹Kae oua ke ne fakabito ho gutu i he kata, mo ho lougutu i he fiefia.

²²Ko kinautolu oku fehia kiate koe e fakakofu aki ae ma; bea e fakaauha ae nofoaga oe agahala.