KOE TOHI A JOBE 9:1-35 TON1884 - Bible AI

¹1 I he fakamooni a Jobe ki he agatonu ae Otua, oku ne fakaha e ikai ha taha e faa taofi ia. 22 Ka oku ikai ha mai ae halaia ae tagata i he gaahi mamahi. BEA nae toki tali e Jobe, o ne behe,

²Oku ou ilo oku behe mooni ia: ka e tonuhia fefe ae tagata i he ao oe Otua?

³Kabau te na alea mo ia, e ikai te ne faa talia eia ha taha i he mea e afe.

⁴Oku boto ia i loto, bea lahi i he malohi: kohai kuo ne fakaagatuu ia kiate ia, bea monuia?

⁵Koia ia oku ne hiki ae gaahi mouga, kae ikai ke nau ilo: oku ne fulihi ia i hono houhau.

⁶Oku ne lulu‘i ae fonua mei hono botu, bea oku galulululu hono gaahi bou.

⁷Oku ne fekau‘i ae laa, bea ikai alu hake ia; bea ne tabuni hake ae gaahi fetuu.

⁸Oku ne folahi atu toko taha be ae gaahi lagi, bea oku ne haele i he gaahi beau oe tahi.

⁹Oku ne gaohi a Aakitulio, mo Olioni, mo Beliatisi, bea moe gaahi botu ki he feituu toga.

¹⁰Oku ne fai ae gaahi mea lahi o tae faa iloa; io, koe gaahi mea mana oku taefaalaua.

¹¹Vakai, oku haele ia i hoku tafaaki, ka oku ikai teu mamata ki ai: oku ne haele atu foki. ka oku ikai teu ilo‘i ia.

¹²Vakai, oku ne too atu, kohai e faa taofi ia? kohai e behe kiate ia, Koeha oku ke fai?

¹³Kabau e ikai taofi e he Otua ki hono houhau, e mabelu ki lalo iate ia ae kau tokoni fielahi.

¹⁴Kae fefe ai eku talia ia e au, beau fili eku gaahi lea ke alea mo ia?

¹⁵Aia e ikai teu talia, oka neu maonioni, ka teu hu tāumau ki hoko fakamāu.

¹⁶Ka neu ui, bea talia ia; kae ikai teu tui kuo ne ogo‘i hoku le‘o.

¹⁷He oku ne haaki au aki ae afā, bea ne fakalahi eku lavea tae hano uhiga.

¹⁸Oku ikai tuku eia keu mānava, ka oku ne fakabito au aki ae mamahi.

¹⁹Kabau teu lea ki he malohi, vakai, oku mafimafi ia: be ki he fakamāu, kohai te ne fakamooni kiate au?

²⁰Kabau teu fakatonuhia‘i au, bea ta e fakahala‘i au e hoku gutu ooku; be teu behe, Oku ou haohaoa, e fakamooni ia ki he eku halaia.

²¹Ne ogo a eku haohaoa, ka e ikai teu ilo ki hoku loto: teu fehia e au be ki be eku moui.

²²Koe mea ni be taha, oku ou fakamooni ki ai, Oku ne fakaauha ae haohaoa moe agahala.

²³Kabau e fakafokifa be ae ta‘i e he fakamamahi, e kata eia i he ahiahi‘i oe tae agahala.

²⁴Kuo tuku ae fonua ki he nima oe agahala: oku ne ufiufi ae mata o hono kau fakamāu; ka ikai, bea kofaa, be kohai ia?

²⁵Oku vave eni a hoku gaahi aho i he tagata fekau: oku buna atu ia, oku ikai ilo eia ha lelei.

²⁶Kuo mole ia o hage koe gaahi vaka gaholo: o hage koe ikale oku fakavave ki he kai.

²⁷Kabau teu behe teu fakagalo‘i a eku mamahi, teu jiaki eku māfajia, o fakafiemalie‘i au:

²⁸Ta teu ilifia i he eku gaahi mamahi tulibe, oku ou i‘oc e ikai te ke fakatonuhia‘i au.

²⁹Kabau oku ou agakovi, bea ta oku kei taeaoga be eku gaue?

³⁰He kabau teu kaukau au i he vai uha hinehina, o gaohi ke maa aubito hoku nima;

³¹Ka te ke li au ki he belebela, bea e fakalilia kiate au a hoku gaahi kofu ooku.

³²He oku ikai koe tagata ia, o hage ko au, koeuhi keu talia ia, bea ke ma fakataha i he fakamāu.

³³Bea oku ikai ha tagata fakalelei ho ma vahaa, ke ne hili hono nima kiate kimaua fakatouoji.

³⁴Ke too eia ene mea ta iate au, bea oua naa fakailifia‘i au e he ene manavahe:

³⁵Teu toki lea ai, o tae manavahe kiate ia; ka oku ikai teu behe eni.