KOE TOHI A JOELI 3:1-21 TON1884 - Bible AI

¹1 Koe fakamāu ae Otua ki he gaahi fili o hono kakai. 9 E ilo‘i ae Otua i he ene fakamāu. 18 Ko ene tabuaki ki he jiaji. VAKAI, koeuhi i he gaahi aho koia, bea i he kuoga koia, aia teu toe omi ai ae bobula o Juta mo Jelusalema,

²Teu tanaki foki ae gaahi buleaga kotoabe, bea teu omi ki lalo akinautolu ki he telea o Jihosafate, bea teu fakamāu‘i akinautolu koeuhi ko hoku kakai, bea mo hoku tofia ko Isileli, aia kuo nau fakamovetevete ki he gaahi buleaga, bea vahe‘i hoku fonua.

³Bea kuo nau talotalo ki hoku kakai: bea kuo nau foaki ha tamajii ke ma‘u aki ha fefine feauaki, bea nau fakatau ae taahine ma ae uaine, koeuhi ke nau inu.

⁴Io, bea koeha amoutolu ke mo fai mo au, e Taia mo Saitone, bea moe matātahi kotoabe o Balesitaine? te mou totogi kiate au? bea kabau te mou totogi mai, e matuaki vave mo tootoo eku toe atu hoo mou totogi ki ho mou tumuaki;

⁵Koeuhi kuo mou ave eku siliva mo eku koula, bea kuo mou ave ki ho mou gaahi fale fakaeiki a eku gaahi mea matamatalelei mo aoga:

⁶Koe fānau foki a Juta, bea moe fānau a Jelusalema kuo mou fakatau ki he kakai Kalisi, koeuhi ke mou fakahe mamao akinautolu mei ho nau mata fonua.

⁷Vakai, teu hiki akinautolu mei he botu ne mou fakatau akinautolu ki ai, bea teu toe atu hoo mou totogi ki ho mou tumuaki:

⁸Bea teu fakatau ho mou gaahi foha mo ho mou gaahi ofefine ki he nima oe fānau a Juta, bea te nau fakatau akinautolu ki he kakai Sabea, ki ha kakai mamao atu: he kuo behe e Jihova.

⁹Fanogonogo eni ki he gaahi Jenitaile, Teuteu ae tau, faka a ae kau tagata malohi, tuku ke unu mai ae kau tagata tau kotoabe; ke nau alu hake:

¹⁰Tuki aki hoo mou huo toho ae gaahi heleta, bea mo hoo mou gaahi hele auhani ae gaahi tao: ke behe e he vaivai, oku ou malohi:

¹¹Fakataha akimoutolu, bea ha‘u akimoutolu koe kau hiteni, bea tanaki takatakai akimoutolu: E Jihova, ke hifo i hena hoo kau malohi:

¹²Ke a ae hiteni, bea alu hake ki he telea o Jihosafate: he teu nofo i ai ke fakamāu‘i ae hiteni oku nofo takatakai.

¹³Ai ae hele tuuji, he kuo motua ae ta‘u: ha‘u, bea alu hifo; he kuo bito ae tataoaga, oku mahuohua ae gaahi buha fakatali; koeuhi oku lahi e nau agahala.

¹⁴Koe fuu toko lahi, koe fuu toko lahi i he telea oe fakamāu: he oku ofi ae aho o Jihova i he telea oe fakamāu.

¹⁵E fakabouli ae laa moe mahina, bea e ikai ulo ae gaahi fetuu.

¹⁶E uulu a Jihova mei Saione, bea e fakaogo hono le‘o mei Jelusalema; bea e lulululu ae lagi mo mamani: ka ko Jihova koe amanaki leleiaga ia o hono kakai, bea koe malohiaga oe fānau a Isileli.

¹⁷Bea te mou ilo ai ko au ko Jihova, ko ho mou Otua oku afio i Saione, ko hoku mouga tabu: bea e toki maonioni a Jelusalema, bea e ikai toe alu iate ia ha muli.

¹⁸Bea e behe i he aho koia, koe gaahi mouga te nau to‘i‘i ae uaine foou, bea e tafe ae huhua i he gaahi tafugofuga, bea koe gaahi vaitafe kotoabe o Juta e tafe ai ae vai, bea koe matavai e ba mai mei he fale o Jihova, bea fakavai ae telea o Sitimi.

¹⁹E lala a Ijibite, bea e hoko a Itomi koe toafa kuo lala, koeuhi koe fakamalohi ki he fānau a Juta, he kuo nau liligi ae toto taehalaia i ho nau fonua.

²⁰Ka e nofo a Juta o taegata, bea mo Jelusalema mei he toutagata ki he toutagata.

²¹Koeuhi teu fakamaa ae toto i ai oku heeki ai teu fakamaa: he oku afio a Jihova i Saione.