KOE TOHI A JONA 1:1-17 TON1884 - Bible AI

¹1 Oku fekau a Jona ki Ninive, kae hola ia ki Tasisi. 4 Oku moua ia i he fuu havili, 11 Oku li ia ki tahi. 17 Oku folo ia e he ika. KOENI, nae hoko mai ae folofola a Jihova kia Jona, koe foha o Amitai, o behe,

²Tuu hake o alu ki Ninive, ae kolo lahi koia, bea ke kalaga ki ai; he kuo a‘u hake ki hoku ao ae nau agahala.

³Ka nae tuu hake a Jona ke hola ki Tasisi mei he ao o Jihova, bea ne alu hifo ai ki Joba; bea naa ne ilo ai ae vaka, nae teu folau ki Tasisi; koia naa ne atu ki ai ae totogi, o ne alu ai, ko ene alu mo kinautolu ki Tasisi, mei he ao o Jihova.

⁴Ka nae tuku atu e Jihova ae fuu matagi ki he tahi, bea nae havili aubito i he vaha, bea koia nae hage ka maumau ae vaka.

⁵Bea nae toki manavahe ae kau vaka, bea nae taki taha tagi ki hono otua, bea nae tolo kotoabe ae mea i he vaka, koeuhi ke maamaa. Ka kuo alu hifo a Jona ki he kaokao oe vaka; bea naa ne tokoto, o mohe mau.

⁶Koia ne ha‘u ai kiate ia ae eiki vaka o ne beheage kiate ia, Koeha hono uhiga o hoo behe, akoe oku mohe? tuu hake, ui ki ho Otua oou, hei ilo e manatu‘i akitautolu e he Otua, koeuhi ke oua naa tau mate.

⁷Bea naa nau febeheaki iate kinautolu, Koeni ke tau fai ha talotalo, koeuhi ke tau ilo be kohai ia kuo hoko ai ae kovi ni kiate kitautolu. Bea naa nau talotalo, bea totonu ae talotalo kia Jona.

⁸Bea naa nau behe ai kiate ia, Oku mau kole kiate koe, fakaha mai be koeha ae mea kuo hoko ai ae kovi ni kiate kitautolu; koeha hoo gaue aau? bea kuo ke ha‘u koe meife? kofeia ho fonua? bea oku ke oe kakai fe?

⁹Bea naa ne beheage kiate kinautolu, Koe tagata Hebelu au; bea oku ou manavahe kia Jihova koe Otua oe lagi, aia kuo ne gaohi ae tahi, bea moe fonua momoa.

¹⁰Bea nae toki to ai ae manavahe lahi ki he kau tagata, mo nau behe kiate ia. Koeha kuo ke fai ai ae mea ni? He nae ilo e he kau tagata a ene hola mei he ao o Jihova, he naa ne fakaha ia kiate kinautolu.

¹¹Koia naa nau behe ai kiate ia, Koeha te mau fai kiate koe, koeuhi kae laolao ae tahi kiate kitautolu? he nae hou ae tahi, bea havili lahi.

¹²Bea ne behe eia kiate kinautolu, Mou hiki hake au, bea li au ki tahi; koia ia e laolao ai ae tahi kiate kimoutolu: he oku ou ilo ko au be ia kuo hoko ai ae fuu havili ni kiate kimoutolu.

¹³Ka nae fekeli malohi ae kau tagata koeuhi ke nau lava ki uta: ka nae ikai te nau faa fai: he nae hou ae tahi, bea havili, bea tokai kiate kinautolu.

¹⁴Koia naa nau tagi ai kia Jihova, o behe, Oku mau kole kiate koe, E Jihova, oku mau kole kiate koe, ke oua naa mau mate, koeuhi koe moui ae tagata ni; bea oua naa tuku kiate kimautolu ae toto oe taehalaia: he ko koe, E Jihova, kuo ke fai ekoe a hoo faiteliha.

¹⁵Koia ne nau too hake a Jona, bea li atu ia ki tahi: bea nae gata ai leva ae hou ae tahi.

¹⁶Bea ne toki manavahe lahi aubito ae kau tagata kia Jihova, bea naa nau fai ae feilaulau kia Jihova, mo nau fai ae gaahi fuakava.

¹⁷Ka koeni, nae teuteu e Jihova ae fuu ika ke ne folo hifo a Jona. Bea nae aho tolu mo bo tolu a Jona i he kete oe ika.