KOE TOHI A JONA 2:1-10 TON1884 - Bible AI

¹1 Koe lotu a Jona. 10 A hono fakamoui mei he ika. KOIA nae lotu ai a Jona kia Jihova ko hono Otua mei he kete oe ika.

²O ne behe, Naaku tagi i he eku mamahi kia Jihova, naa ne ogo‘i au; naaku tagi mei he loto faitoka, bea naa ke ogo‘i hoku le‘o.

³He ko koe naa ke li au ki he loloto, ki loto tahi; naaku i he loto moana: bea nae melemo hifo au i hoo gaahi galu bea mo hoo gaahi beau.

⁴Koia neu behe ai, kuo liaki atu au mei ho ao; ka ne ogo ia, teu toe jio ki ho fale tabu maonioni.

⁵Nae kabui au e he gaahi vai, io, o a‘u ki hoku laumalie: nae kabui takatakai au e he loloto, nae takatakai ae limu i hoku ulu.

⁶Naaku alu hifo ki he tefito oe gaahi mouga: bea nae takatakai au e he malohi oe mamani o taegata; ka ne ogo ia, kuo ke omi a eku moui mei he fakaauha, e Jihova ko hoku Otua.

⁷I he ene bogia hoku laumalie iate au naaku manatu kia Jihova; bea nae aau atu kiate koe a eku kole, ki ho afioaga maonioni.

⁸Ko kinautolu oku tokaga ki he gaahi vaiga loi, oku nau jiaki be ekinautolu a ho nau aloofeina.

⁹Ka ko au teu feilaulau aki kiate koe ae le‘o oe fakafetai; teu fai aia kuou fuakava ki ai. Oku mei a Jihova ae fakamoui.

¹⁰Bea nae folofola a Jihova ki he ika, bea naa ne buaki atu a Jona ki he fonua momoa.