KOE TOHI A MAIKA 1:1-16 TON1884 - Bible AI

¹1 Oku fakaha e Maika ae houhau oe Otua kia Jekobe koeuhi ko ene tauhi tamabua. 10 Oku eginaki ke nau fakatomala. KOE folofola a Jihova aia nae hoko kia Maika, koe tagata Molesi, i he gaahi aho o Jotami, mo Ahasi, mo Hesekaia, koe gaahi tu‘i o Juta, aia naa ne mamata ai nae kau ki Samelia mo Jelusalema.

²Fanogo akimoutolu ae kakai kotoabe; fakafanogo e mamani, mo ia kotoabe oku i ai: bea tuku ke talatalaaki‘i akimoutolu e he Eiki koe Otua, koe Eiki mei hono fale tabu.

³He, vakai, oku haele mai a Jihova mei hono botu, bea te ne haele mai mo tuu i he botu maoluga o mamani.

⁴Bea e vela o vai ae gaahi mouga i lalo iate ia, bea e mafahi ae gaahi telea, hage koe bulu i he ao oe afi, be hage koe vai oku liligi i ha botu tahifohifo.

⁵Oku hoko ae gaahi mea ni, koeuhi koe agahala a Jekobe, bea koeuhi koe gaahi hia ae fale o Isileli. Koeha ae agahala a Jekobe? ikai ko Samelia? bea koeha ae gaahi botu maoluga o Juta? ikai ko Jelusalema?

⁶Koia teu gaohi a Samelia ke hage ha buke oe goue, bea hage koe gaahi vaa akau oku to i he goue vaine: bea teu liligi ae gaahi maka oia ki he telea, bea teu fakaha a hono gaahi tuuga.

⁷Bea koe gaahi tamabua kuo togi i ai, e laiki, bea koe gaahi totogi kotoabe oia, e tutu aki ae afi, bea koe gaahi tamabua koia teu fakalala: he naa ne tanaki ia mei he totogi oe muitau, bea e foki ia ki he totogi oe muitau.

⁸Koia teu tagilāulāu mo ioho, teu alu veteki be mo telefua: teu tagi o hage ha faga jiakali, bea tagi mamahi o hage koe faga lulu.

⁹He ko hono lavea oku tae faa fakamoui; he kuo hoko ia o a‘u ki Juta, kuo ne hoko ki he mataba o hoku kakai, io, ki Jelusalema.

¹⁰Oua naa fakaha ia i Kati, oua aubito naa mou tagi: i he fale o Afala, ke ke tekefili i he efu.

¹¹Mole atu akoe oku nofo i Safila, moe ma a ho telefua: nae ikai ke hu mai ae kakai o Senani i he tagi a Betesili; te ne ma‘u meiate kimoutolu a hono tuuga.

¹²He nae tatali amanaki be ki he lelei ae kau nofo i Maloti: ka nae hoko ae kovi mei a Jihova, ki he mataba o Jelusalema.

¹³E! akoe oku nofo i Lakisi, nootaki ae saliote ki he manu vee vave: koe kāmataga ia oe agahala ki he ofefine a Saione: he koe gaahi agahala a Isileli, nae ilo iate koe.

¹⁴Koia te ke age ae gaahi foaki ki Molesiti‐kati: e hoko ae gaahi fale o Akisibi, koe loi ki he gaahi tu‘i o Isileli.

¹⁵Ka teu omai ha foha hoko kiate koe, akoe oku nofo i Malesa: te ne ha‘u ki Atulami, koe nāunāu o Isileli.

¹⁶Fakatekefua mo koji koe, koeuhi ko hoo fānau fakabelebele‘i; fakalahi ho tula hage koe ikale; he kuo nau alu ki he bobula meiate koe.