KOE TOHI A MAIKA 6:1-16 TON1884 - Bible AI

¹1 Koe fakamāu e he Eiki, koe mea i he taeofa, 6 moe tae ilo, 10 moe fai tae totonu, 16 bea moe tauhi tamabua. MOU fanogo mai ki he mea oku folofola ki ai a Jihova; Tuu hake, bea ke fai i he ao oe gaahi mouga, bea ke fanogo ae gaahi tafugofuga ki ho le‘o.

²Fanogo akimoutolu ae gaahi mouga ki he fakamāu ae Eiki, mo kimoutolu ae gaahi tuuga malohi o mamani; he oku ai ae fakamāu ae Eiki mo hono kakai, bea te ne fakamatala mo Isileli.

³E hoku kakai, koeha kuou fai kiate koe? bea kuou fakafiu‘i koe i he ha? fakamatala mai.

⁴He neu omi koe mei he fonua ko Ijibite, bea neu huhui koe mei he fale oe kau tamaioeiki, bea neu fekau a Mosese, mo Elone, mo Miliami ke alu i ho ao.

⁵E hoku kakai, manatu eni ki he mea nae fakakaukau ki ai e Belaki, koe tu‘i o Moabe, bea mo ia nae tali aki e Belami koe foha o Beoli, mei Sitimi, o a‘u ki Kilikali; koeuhi ke mou ilo ae maonioni a Jihova.

⁶Teu unuunu atu moe ha kia Jihova, mo fakatomabee au i he ao oe Otua Maoluga? teu alu ki hono ao moe gaahi feilaulau tutu, moe faga uhiki bulu oku taha ta‘u?

⁷E fiemalie a Jihova i he gaahi toko afe oe sibi tagata, be i he gaahi vaitafe lolo e taha mano? e atu eku uluaki, koeuhi ko eku gaahi hia; ae fua o hoku jino, koeuhi koe agahala a hoku laumalie?

⁸Kuo ne fakaha kiate koe, e tagata aia oku lelei; bea koeha oku amanaki e Jihova iate koe, ka koeuhi ke ke fai totonu mo ke loto ki he ofa, mo ke aeva mo ho Otua i he agavaivai?

⁹Koe le‘o o Jihova oku ui ki he kolo, bea e mamata ki ho huafa e he tagata boto: fanogo akimoutolu ki he mea ta, bea mo ia kuo ne tuutuuni ia.

¹⁰Oku kei i he fale oe agahala ae koloa oe agahala, moe mea fua nounou aia oku fakalielia?

¹¹Teu lau akinautolu koe maa ka oku i ai ae gaahi mea fakamamafa kākā, bea moe kato mea fakamamafa kākā?

¹²He oku bito i he fakamalohi ae kau tagata koloaia i ai, bea kuo lea loi ae kakai oia; bea oku kākā a ho nau elelo i ho nau gutu.

¹³Koia foki teu fakamamahi‘i koe i ho faa ta‘i, i he gaohi koe ke lala, koeuhi ko hoo gaahi agahala.

¹⁴Te ke kai, ka e ikai te ke makona; bea e i ho lotolotoga a hoo fakahifo ki lalo; bea te ke buke ka e ikai te ke fakahaofi; bea koia oku ke fakahaofi, teu tukuage ki he heleta.

¹⁵Te ke tūtū‘i ka e ikai te ke tuuji; te ke malaki ae olive, ka e ikai te ke tākai koe aki ae lolo; bea moe uaine melie, ka e ikai te ke inu uaine.

¹⁶He kuo mau be ae gaahi fono a Omili, bea moe gaahi gaue ae fale o Ehabi, bea oku mou eveeva i he e nau gaahi fakakaukau; koeuhi keu gaohi kimoutolu ke lala, bea moe kakai oia koe fakaiseisa: koia te mou fua ai ae manuki o hoku kakai.