1
2Nae ha‘u a Hanani, ko hoku kaiga e taha, aia moe kau tagata o Juta; bea naaku fehui kiate kinautolu ki he kau Jiu nae hoko o hao, aia nae toe i he fakabobula, bea ki Jelusalema.
3Bea naa nau behe kiate au, Ko kinautolu nae tuku i he fonua o ikai fakabobula‘i oku tuutamaki lahi bea ogokovi lahi: bea kuo holoki hifo foki ae a maka o Jelusalema, bea kuo tutu hono gaahi mataba aki ae afi.
4Bea i he eku fanogo ki he gaahi lea ni, naaku nofo hifo o tagi, bea fai fakamamahi i he aho niihi, beau aukai, mo lotu ki ke Otua oe lagi,
5O behe, Oku ou kole kiate koe e Jihova koe Otua oe lagi, koe Otua lahi mo fakamanavahe, oku ke tauhi ae fuakava moe agaofa ma anautolu oku ofa kiate ia bea tokaga o fai ki he ene gaahi fekau;
6Koeni ke tokaga a ho teliga, bea a ho fofoga, koeuhi ke ke fanogo ki he lotu a hoo tamaioeiki, aia oku ou lotu ai i ho ao ni, i he aho moe bo, koeuhi koe fānau a Isileli, aia kuo mau fai o agatuu kiate koe; ko au moe fale o eku tamai kuo mau fai agahala.
7Kuo mau fai kovi lahi kiate koe, bea nae ikai te mau tauhi a hoo gaahi fekau, be ko hoo gaahi tuutuuni, mo hoo gaahi fakamāu, aia naa ke fekau i hoo tamaioeiki ko Mosese.
8Oku ou kole kiate koe, ke manatu ki he folofola naa ke fekau ki hoo tamaioeiki ko Mosese, o behe, Kabau oku mou fai hala, teu fakamovetevete akimoutolu ki he gaahi buleaga:
9Bea kabau te mou tafoki kiate au, bea tauhi eku gaahi fekau, bea fai ki ai; ka ne ai ho mou niihi nae kabuji kituaa ki he gataaga mamao oe lagi, ke teu tanaki akinautolu mei ai, bea teu omi akinautolu ki he botu aia kuou fili ke tuku i ai hoku higoa.
10Bea ko hoo kau tamaioeiki eni, mo ho kakai, aia naa ke huhui i ho malohi lahi, bea i ho nima malohi.
11E Jihova, oku ou kole ni kiate koe, ke tokaga e ho fofoga ki he lotu a hoo tamaioeiki, bea ki he lotu a hoo kau tamaioeiki, aia oku holi ke manavahe ki ho huafa: oku ou kole kiate koe, ke ke tabuaki a hoo tamaioeiki he aho ni, bea ke tuku ke ma‘u eia ae agaofa i he ao oe tagata ni. He koe fua ibu au oe tu‘i.