KOE TOHI A NEHEMAIA 11:1-35 TON1884 - Bible AI

¹1 Koe nofo ae kau bule niihi ki Jelusalema akinautolu nae loto be ki ai, mo kinautolu nae vahe ki ai i he fai talotalo. 3 Koe tohi o ho nau higoa. 20 Ko hono toe nae nofo i he gaahi kolo kehe. BEA nae nofo i Jelusalema ae kau bule oe kakai: bea nae fai ae talotalo e hono toe oe kakai ke omi ae tagata e taha mei he toko hogofulu ke nofo i Jelusalema, koe kolo maonioni, bea ke nofo ae vahe e hiva ki he gaahi kolo kehe.

²Bea nae tabuaki e he kakai ae kau tagata kotoabe, aia nae atu fiemalie be akinautolu ke nofo i Jelusalema.

³Bea koe kau tuu kimua eni oe buleaga nae nofo i Jelusalema: ka i he gaahi kolo o Juta nae nofo taki taha i hono tofia i ho nau gaahi kolo, io, a Isileli, moe kau taulaeiki, moe kau Livai, moe kau Netenimi, moe fānau ae kau tamaioeiki a Solomone.

⁴Bea nae nofo i Jelusalema ae niihi oe fānau a Juta, bea moe fānau a Benijimani. I he fānau a Juta; ko Ataia, koe foha o Usia, koe foha o Sakalia, koe foha o Amalia, koe foha o Sifatia, koe foha o Malelili, i he fānau a Belesi;

⁵Mo Maaseia koe foha o Baluki, koe foha o Koliose, koe foha o Hasaia, koe foha o Ataia, koe foha o Joaialibi, koe foha o Sakalia, koe foha o Siloni.

⁶Koe gaahi foha kotoabe o Belesi nae nofo i Jelusalema naa nau toko fageau moe tolugofulu ma valu koe kau tagata to‘a malohi.

⁷Bea koe gaahi foha eni o Benijimani; ko Selu koe foha o Mesulami, koe foha o Joeti, koe foha o Bitaia, koe foha o Kolaia, koe foha o Maaseia, koe foha o Itieli, koe foha o Jisaia.

⁸Bea nae hoko moia a Kabei, mo Salei, koe toko hivageau moe toko uofulu ma valu.

⁹Bea ko Joeli koe foha o Sikili ko ho nau bule ia; mo Juta koe foha o Senua ko hono toko ua ia nae bule ki he kolo:

¹⁰I he kau taulaeiki; ko Jitaia koe foha o Joaialibi, mo Jakini.

¹¹Ko Selaia koe foha o Hilikia, koe foha o Mesulami, koe foha o Satoki, koe foha o Milaioti, koe foha o Ahitube, koe bule ia ki he fale oe Otua.

¹²Bea ko ho nau kaiga aia nae fai ae gaue oe fale naa nau toko valugeau moe toko uofulu ma ua: mo Ataia koe foha o Jilohami, koe foha o Belalia, koe foha o Amisi, koe foha o Sakalia, koe foha o Basuli, koe foha o Malisia,

¹³Mo hono gaahi kaiga, koe kau tuu kimua i he gaahi tamai, koe toko uageau moe toko fagofulu ma ua: mo Amasai koe foha o Asalili, koe foha o Ahasai, koe foha o Misilemoti, koe foha o Imeli,

¹⁴Mo ho nau gaahi kaiga, koe kau tagata to‘a malohi, koe teau moe toko uofulu ma valu: bea ko ho nau bule ko Sabitieli, koe foha oe toko taha i he kau tagata lahi.

¹⁵Bea i he kau Livai foki: ko Simaia koe foha o Hasubi, koe foha o Asili-kami, koe foha o Hasabea, koe foha o Buni;

¹⁶Ko Sabitei, mo Josabati, koe tuu ki mua oe kau Livai, nae bule akinaua ki he gaue i tua oe fale oe Otua.

¹⁷Ko Matania koe foha o Maika, koe foha o Sabiti, koe foha o Asafi, koe tuu kimua ia ke kamata ae fakafetai i he lotu: mo Bakibuki koe toko ua i hono gaahi kaiga, mo Abita koe foha o Samua, koe foha o Kalali, koe foha o Jitutuni.

¹⁸Koe kau Livai kotoabe i he kolo maonioni, koe toko uageau moe toko valugofulu ma fa.

¹⁹Bea koe kau leo mataba foki, ko Akubi, mo Talimoni, mo ho na gaahi kaiga nae tauhi ae gaahi mataba, nae toko teau ma fitugofulu ma ua.

²⁰Bea ko hono toe o Isileli, oe kau taulaeiki, moe kau Livai, nae nofo i he gaahi kolo kotoabe o Juta, o taki taha kotoabe i hono tofia.

²¹Ka nae nofo ae kau Netenimi i Ofili: bea ko Siha mo Kisiba nae bule ki he kakai Netenimi.

²²Bea koe bule foki ki he kau Livai i Jelusalema, ko Usi koe foha o Bani, koe foha o Hasabea, koe foha o Matania, koe foha o Maika. I he gaahi foha o Asafi, koe kau hiva naa nau bule ki he gaue ae fale oe Otua;

²³He koe fekau ae tu‘i kiate kinautolu, ke ai ae vahega e taha ma ae kau hiva, ki he aho taki taha.

²⁴Bea ko Bitaia koe foha o Mesesabeli, i he fānau a Sela koe foha o Juta, nae tali fekau eia ki he tu‘i i he gaahi mea oku kau ki he kakai.

²⁵Bea koeuhi koe gaahi botu nofoaga kakai, moe nau gaahi goue, nae nofo ai ae fānau niihi a Juta i Keja‐aliba, bea i he gaahi botu kakai oia, bea ki Tiboni, bea i he gaahi botu kakai oia, bea i Jekabisili, bea i he gaahi botu kakai oia.

²⁶Bea i Jesua, bea i Molata, bea ki Betefeleti.

²⁷Bea i he kolo ko Suali, bea i Beasiba, bea i he gaahi botu kakai oia,

²⁸Bea i Sikilaki, bea i Mikona; bea i hono gaahi botu kakai,

²⁹Bea i Eni‐limoni, bea i Salia, bea i Jamuti,

³⁰Mo Sanoa, mo Atulami, bea i ho nau gaahi botu kakai, i Lakisi, bea i he gaahi tafagafaga oia, i Aseka, bea i he gaahi botu kakai oia. Bea naa nau nofo mei Beasiba o hoko ki he telea o Henomi.

³¹Koe gaahi fānau a Benijimani foki mei Keba nae nofo i Mikimasi, mo Aija, mo Beteli, bea i ho nau gaahi botu kakai,

³²Bea i Anatoti, mo Nobi, mo Anania,

³³Mo Hasoa, mo Lama, mo Kitimi,

³⁴Mo Loti, mo Ono, koe telea oe kau tufuga.

³⁵Bea nae i Juta mo Benijimani ae vahega oe kau Livai.