KOE TOHI A NEHEMAIA 5:1-19 TON1884 - Bible AI

¹1 Nae lāuga e he kakai Jiu i he mea kehekehe. 6 Koe valoki e Nehemaia ae kau tagi totogi lahi, bea nae fekau ke nau fai ae fuakava ke toe atu. 14 Ko ene fai agaofa aki a ene mea aana. BEA nae lāuga lahi ae kakai mo ho nau gaahi unoho ki ho nau gaahi kaiga koe kakai Jiu.

²He nae ai ae niihi nae lea o behe, Ko kimautolu, ko ho mau gaahi foha, mo ho mau gaahi ofefine oku mau toko lahi: koia oku mau too hake ai ae uite ma anautolu, koeuhi ke mau kai, bea moui.

³Nae ai moe niihi naa nau lea, o behe, Kuo mau ma‘u baaga koeuhi ko ho mau gaahi fonua, moe goue vaine, moe gaahi fale, koeuhi ke mau fakatau ae uite, koe mea i he hoge.

⁴Bea nae i ai ae niihi foki nae behe, Kuo mau no ae gaahi baaga ma ae tukuhau ae tu‘i, bea fakamoua ki ai ho mau gaahi fonua moe goue vaine.

⁵Ka koeni ko ho mau kakano oku tatau moe kakano o ho mau kaiga, moe mau fānau oku hage koe nau fānau: bea, vakai, oku mau fakabobula‘i ho mau gaahi foha, mo ho mau gaahi ofefine ke hoko koe kau tamaioeiki, bea koe niihi o ho mau ofefine kuo fakahoko ni ki he fakabobula: bea oku ikai te mau mafai ke huhui akinautolu; he koe kau tagata kehe kuo ma‘u ho mau fonua moe mau goue vaine.

⁶Bea neu ita lahi i he eku fanogo ki he e nau tagi moe gaahi lea ni.

⁷Bea neu fakalaulau loto, beau valoki ae gaahi houeiki, moe kau bule, beau behe kiate kinautolu, Oku mou ma‘u totogi lahi, taki taha mei hono tokoua. Bea neu fokotuu hake ae fuu toko lahi ke taofi kiate kinautolu.

⁸Bea neu behe kiate kinautolu, Kuo fai ekimautolu o fakatatau moe mau mafai, ae huhui o ho mau kaiga koe kakai Jiu, aia nae fakatau ki he kakai hiteni; bea te mou fakatau koa a ho mou gaahi kaiga? be e fakatau koa akinautolu kiate kimautolu? Bea naa nau logo be, o ikai ilo ha mea ke lea aki.

⁹Bea neu behe foki, Koia oku mou fai oku ikai lelei: ikai oku gali ke mou alu be i he manavahe ki ho tau Otua telia ae manuki oe hiteni ko ho tau gaahi fili?

¹⁰E totonu foki ka ne ko au mo hoku kaiga mo eku kau tamaioeiki, ke mau tala totogi kiate kinautolu i he baaga moe uite: oku ou kole kiate kimoutolu ke tau tuku mua ae tagi totogi ni.

¹¹Oku ou kole kiate kimoutolu, mou toe atu kiate kinautolu he aho ni, ho nau fonua, moe nau goue vaine, moe nau goue olive, mo ho nau gaahi fale, mo hono teau oe vahe oe nau gaahi baaga, moe uite, moe uaine, moe lolo, aia oku mou tagi ke ma‘u malohi iate kinautolu.

¹²Bea naa nau behe mai, Te mau toe atu, bea e ikai te mau tala ha mea e taha ki ai; koia te mau fai o hage ko hoo lea. Bea neu ui ke ha‘u ae kau taulaeiki, beau fakafuakava akinautolu, koeuhi ke nau fai o fakatatau ki he lea babau ni.

¹³Bea naaku tubetube‘i hoku kofu foki, o behe, Ke tubetube‘i behe e he Otua ae tagata kotoabe mei hono fale, bea mei he ene gaue, aia oku ikai fakamooni ki he lea ni, io, ke tubetube‘i fa kitua, bea liaki. Bea nae behe e he fakataha kotoabe, Emeni, mo nau fakafetai kia Jihova. Bea nae fai e he kakai o fakatatau ki he lea ni.

¹⁴Bea koeni foki, talu ae kuoga koia nae fakanofo au ko ho nau bule i he fonua o Juta, mei he ta‘u e uofulu o hoko ki he ta‘u e tolugofulu ma ua o Atakisekisi koe tu‘i, aia koe ta‘u e hogofulu ma ua, ko au mo hoku kaiga nae ikai te mau kai ae mea kai ae bule.

¹⁵Ka koe gaahi bule nae i mua iate au nae moua ki ai ae kakai, bea naa nau ma‘u iate kinautolu ae ma moe uaine, moe sikeli siliva e fagofulu; io, koe nau kau tamaioeiki naa nau bule ki he kakai: ka nae ikai teu behe, koe mea i he manavahe ki he Otua.

¹⁶Koe mooni neu fai mau be i he gaue ae a maka ni, bea nae ikai te mau fakatau ha botu fonua: bea nae tanaki fakataha a eku kau tamaioeiki kotoabe i ai ki he gaue.

¹⁷Bea nae i he eku keinagaaga foki ae kau Jiu e toko teau moe nimagofulu, moe kau bule, kae umaa akinautolu nae ha‘u kiate kimautolu mei he hiteni oku tuu takatakai iate kimautolu.

¹⁸Bea koeni koe mea nae teu kiate au i he aho kotoabe, koe bulu e taha moe sibi lelei e ono; bea moe faga moa nae teu‘i kiate au, bea tuo taha i he aho e hogofulu nae omi ae tokonaki oe gaahi uaine kehekehe: bea ne ogo ae mea lahi ni kotoabe, nae ikai teu ma‘u ae magiji ae bule, koeuhi nae māfajia lahi ae kakai ni.

¹⁹E hoku Otua, ke ke manatu‘i au keu lelei ai, o fakatatau ki he mea kotoabe naaku fai ma ae kakai ni.