KOE TOHI A SAKALAIA 2:1-13 TON1884 - Bible AI

¹1 Koe mea i he ene tokaga‘i a Jelusalema oku fekau atu ai e he Otua ke fakafuofua ia. 6 Ae kuhui a Saione. 13 Koe talaofa e i ai ae Otua. NAAKU toe haga hake hoku mata, beau jio, bea vakai, koe tagata nae i hono nima ae afo koe fua.

²Bea naaku fehui kiate ia, Ko hoo alu ena kife? Bea naa ne behe mai kiate au, Ke fua a Jelusalema mo vakai be oku fefe hono māukubu, bea fefe mo hono loloa oia.

³Bea iloage nae alu atu ae agelo aia naa ma talanoa, bea alu atu moe agelo e taha ko hono fakafetaulaki.

⁴Bea ne behe mai kiate ia, Lele mo lea ki he tagata talavou na, o behe, E kakai a Jelusalema o tatau moe gaahi botu kakai oku ikai a‘i, koeuhi ko hono toko lahi oe kakai moe faga manu i ai:

⁵E oku behe e Jihova, Teu hage au koe a afi oku takatakai iate ia, bea ko au koe nāunāu i hono lotolotoga.

⁶E! E! hola mei he fonua i he botu tokelau, oku behe e Jihova! he kuou fakamovete akimoutolu o hage koe matagi ki he feituu e fa oe lagi: oku behe e Jihova.

⁷E Saione, fakamoui koe, akoe oku nonofo moe ofefine o Babilone.

⁸He oku behe e Jihova oe gaahi kau tau, Koe mea i he nāunāu kuo ne fekau atu au ki he gaahi buleaga aia nae maumau‘i keo: he koia oku ala kiate kimoutolu oku ne ala ki he kano‘i mata uli o hoku mata.

⁹He, vakai, teu tube‘i hoku nima kiate kinautolu, bea e vete akinautolu e he e nau kau tamaioeiki: bea te mou ilo ai kuo fekau au e Jihova oe gaahi kau tau.

¹⁰E taahine o Saione hiva mo fakafiefia: he oku behe e Jihova, vakai oku ou ha‘u, bea teu nofo i ho lotolotoga oou.

¹¹Bea e lahi ae buleaga e kau mo Jihova i he aho koia, bea nau hoko ko hoku kakai; bea teu nofo i ho lotolotoga oou, bea te ke ilo ai kuo fekau au kiate koe, E Jihova oe gaahi kau tau.

¹²Bea e ma‘u e Jihova a Juta, ko hono tofia, i he fonua maonioni, bea te ne toe fili a Jelusalema.

¹³Ke logo hifo ae kakai kotoabe i he ao o Jihova! ke kuo tuu hake ia mo hono afioaga maonioni.