KOE TOHI A SAKALAIA 3:1-10 TON1884 - Bible AI

¹1 Oku fakaha ae fakamoui oe Jiaji i he mea faka tātā nae fai kia Josiua. 8 Oku talaofa kia Kalaisi koe Vaa. BEA naa ne fakaha kiate au a Josiua, koe taulaeiki lahi, oku tuu i he ao oe agelo a Jihova; bea tuu a hono fili ko Setani i hono botu toomatau, ko hono tukuaki‘i.

²Bea nae behe a Jihova kia Setani, E Setani ke valoki‘i koe e Jihova, io, a Jihova aia kuo ne fili a Jelusalema, ke ne valoki‘i koe! ikai koe botubotu‘i afi eni, kuo hamuji mai mei he afi?

³Ka koeni, nae kofu aki a Josiua ae gaahi kofu fakalielia, i he ene tuu i he ao oe agelo.

⁴Bea nae lea ia kiate kinautolu nae tutuu i hono ao, o behe, Vete meiate ia ae gaahi kofu fakalielia; bea naa ne behe kiate ia, Vakai, kuou bule ke mole atu meiate koe a hoo gaahi hia, bea teu totogi mo fakakofu aki koe ae kofu foou.

⁵Bea neu behe, Tuku ke nau ai ki hono ulu ae bale fakasanisani; bea koia naa nau ai ha bale fakasanisani ki hono ulu, bea nae ai moe gaahi kofu kiate ia. Bea nae tuu ofi ai ae agelo a Jihova.

⁶Bea nae fakababau mai e he agelo a Jihova kia Josiua, o behe,

⁷Oku behe e Jihova oe gaahi kau tau; kabau te ke eveeva i hoku gaahi hala, bea kabau te ke fai ki he eku fekau, behe, te ke toki fakamāu foki i hoku fale, bea te ke tauhi foki a hoku gaahi lotoa, bea teu vahe‘i ha gaahi botu ke ke eveeva fakataha ai mo kinautolu oku tau tutuu ai ni.

⁸Fanogo eni E Josiua koe taulaeiki lahi, akoe, mo hoo kauga gaue oku nofo i ho ao: he koe kau tagata oku fai ki ai ae ofo; he vakai, teu fakaha e au a eku tamaioeiki koe VAA.

⁹Koeuhi, vakai ki he maka aia kuou ai i he ao o Josiua; e i he maka e taha ae mata e fitu; vakai teu togi e au ae togi e fai ki ai, oku behe e Jihova oe gaahi kau tau, bea teu ave ae agahala ae fonua koia i he aho be taha.

¹⁰Oku behe e Jihova oe gaahi kau tau, koe aho koia e feuiaki ae tagata taki taha ki hono kaugaabi i he lolo vaine moe lolo fiki.