KOE TOHI A SAKALAIA 6:1-15 TON1884 - Bible AI

¹1 Koe ha mai ae meateka e fa. 9 Koe fakaha aki ae gaahi tatā fakatu‘i o Josiua, ae fale tabu moe buleaga o Kalaisi koe Vaa. BEA naaku tafoki, o haga hake hoku mata, beau jio, bea vakai, nae ha ae saliote e fa oku ha‘u mei he vahaa oe ogo mouga e ua; bea koe ogo mouga, koe mouga balasa.

²Nae i he uluaki saliote ae faga hosi kulokula; bea koe faga hose uliuli i hono ua oe saliote;

³Bea nae i hono tolu oe saliote ae faga hosi hinehina, bea koe faga hosi bulebule mo kulokula nae i hono fa oe saliote.

⁴Koia naaku behe ai ki he agelo aia naa ma talanoa mo au, E hoku eiki koeha ena?

⁵Bea nae tali o behe mai e he agelo Koe laumalie ia e fa oe gaahi lagi, aia oku alu atu mei he e nau tutuu i he ao o Jihova o mamani kotoabe.

⁶Oku alu ae faga hose uliuli oku i ai ki he gaahi botu fakatokelau, bea oku muimui ki ai aia oku hinehina; ka a alu ae bulebule ki he fonua ki he botu toga.

⁷Bea nae alu atu ae kulokula o ahiahi ia ke fealuaki fano i mamani: bea naa ne behe, Alu atu koe mo eveeva fano i mamani. Bea koia naa nau fealuaki fano i mamani.

⁸Hili ia naa ne ui kiate au mo ne lea kiate au, o behe, Vakai, ko kinautolu na kuo alu ki he botu fakatokelau, kuo nau fakafiemalie‘i hoku laumalie ki he fonua i he tokelau.

⁹Bea nae hoko mai ae folofola a Jihova kiate au, o behe,

¹⁰Lau mai ha niihi mei he kau bobula, io mei he faahiga o Hilitai mo Tobija, bea mo Jitaia, akinautolu kuo ha‘u mei Babilone, bea ke ha‘u koe i he aho be koia, bea ke hu atu ki he fale o Josaia koe foha o Sefanaia;

¹¹Bea ke too ha siliva mo ha koula, bea gaohi ha gaahi tatā fakatu‘i, bea ai ia ki he ulu o Josiua koe foha o Josataki, koe taulaeiki lahi;

¹²Bea lea kiate ia o behe, Oku behe mai ae folofola a Jihova oe gaahi kau tau, Vakai, ki he tagata aia oku higoa koe VAA; e tubu hake ia i hono botu; bea koia ia te ne laga ae fale tabu o Jihova:

¹³Io, koia ia te ne laga ae fale tabu o Jihova; bea koia ia e fua a hono nāunāu, bea te ne nofo mo bule i hono nofoa fakatu‘i, bea e taulaeiki ia i hono nofoaga fakatu‘i: bea e iate kinaua fakatouoji ae alea fakamelino.

¹⁴Bea koe gaahi tatā fakatu‘i e tuku kia Helemi, bea mo Tobija, mo Jitaia, bea kia Heni, koe foha o Sefanaia, koe mea fakamanatu i he fale tabu o Jihova.

¹⁵Bea e ha‘u akinautolu oku mei he mamao, ke nau laga ae fale tabu o Jihova, bea te mou ilo kuo fekau au kiate kimoutolu, e Jihova oe gaahi kau tau. Bea e hoko eni, o kabau te mou tokaga fakamatoato ki he le‘o e Jihova, ko ho mou Otua.