KOE TOHI A SAKALAIA 9:1-17 TON1884 - Bible AI

¹1 Oku malu‘i e he Otua a hono Jiaji. 9 Oku eginaki‘i a Saione ke ne fiefia koeuhi koe haele mai a Kalaisi, mo hono buleaga melino. 12 Oku fakaha e he Otua ae ikuna moe fakamoui e fai. KOE kikite, moe folofola a Jihova ki he fonua ko Hetaleke, mo Tamasikusi, aia e hoko ia ki ai: he oku afio ae fofoga o Jihova ki he tagata, bea moe faahiga kotoabe o Isileli.

²Bea e kau ai mo Hamati; a Taia, mo Saitone foki, ne ogo e na boto lahi.

³Bea kuo laga e Taia hono kolo malohi, bea kuo ne tanaki ae siliva, o hage koe efu, bea moe koula lelei, o hage koe belebela oe gaahi hala.

⁴Vakai, e li ia kitua e Jihova, bea te ne ta‘i a hono malohi i tahi; bea e fakaauha ia e he afi.

⁵E mamata a Asikeloni ki ai, bea te ne manavahe; e jio foki ki ai a Kesa, bea te ne mamahi aubito, aia, bea mo Ekiloni; koeuhi e fakama‘i a ene amanaki; bea e auha ae tu‘i mei Kesa, bea e ikai kakai a Asikeloni.

⁶Bea e nofo ae hako oe muli i Asitoti, bea teu motuhi ae fielahiaga oe kau Filisitia.

⁷Bea teu taofi ae toto mei hono gutu, moe gaahi mea fakalielia mei hono vahaa nifo: ka koia e toe i ai, io, aia be, te ne kau ki ho tau Otua, bea te ne hage koe bule i Juta, bea e tatau a Ekiloni moe tagata Jebusi.

⁸Bea teu nofo takatakai i hoku fale, koe uhi koe kau tau, mo ia oku alu atu ai, bea koeuhi koia oku foki mai: bea e ikai toe alu atu ai ha taha fakamalohi o taegata: he koeni, kuou mamata aki a hoku mata ooku.

⁹Ke ke fiefia lahi e ofefine o Saione; kalaga e ofefine o Jelusalema: vakai, oku ha‘u ho tu‘i kiate koe, oku agalelei ia, bea oku iate ia ae fakamoui; oku ne agavaivai, bea oku heka ki he asi, moe uhiki oe asi.

¹⁰Bea teu motuhi ae saliote mei Ifalemi, moe hose mei Jelusalema, bea e motuhi moe kaufana ki he tau; bea te ne lea aki ae melino ki he hiteni; bea ko hono buleaga e mei he tahi ki he tahi, bea mei he vaitafe o a‘u ki he gaahi gataaga o mamani.

¹¹Bea ko koe foki, koeuhi koe toto o hoo fuakava, kuou tukuage ai hoo kau bobula, mei he luo aia oku ikai i ai ha vai.

¹²Mou foki mai ki he hufaga malohi, akimoutolu oku bobula ka e amanaki lelei: koe mooni oku ou fakaha he aho ni, teu totogi ke liuga ua kiate koe:

¹³O kau ka teke a Juta maaku, mo ai a Ifalemi ki he kaufana, beau hakeaki‘i ho gaahi foha, e Saione, ke tuu, e Kalisi, ki ho gaahi foha oou beau gaohi koe ke ke hage koe heleta a ha tagata malohi.

¹⁴Bea e ha mai oku afio a Jihova iate kinautolu, bea e buna ene gahau o hage koe uhila; bea e ifi ae mea lea e Jihova, koe Otua, bea te ne haele i he ahiohio mei he feituu toga.

¹⁵E malu‘i akinautolu, e Jihova oe gaahi kau tau; bea te nau fakaauha mo ikuna aki ae maka i he makata; bea te nau inu, bea te nau logoaa o hage ko ha kona i he uaine; bea te nau fonu o hage koe gaahi kumete, i he gaahi tuliki oe feilaulauaga.

¹⁶Bea e fakamoui akinautolu e Jihova koe Otua, i he aho koia o hage ko ha faga sibi, a hono kakai: bea te nau hage ko ha gaahi maka mahuiga i ha tatā fakatu‘i oku hiki hake koe fuka i hono fonua.

¹⁷Koeuhi, vakai ki hono lahi o ene agaofa, mo hono lahi o ene toulekeleka! E fakafiefia ae kau talavou e he koane, bea koe kau finemui e he uaine foou.