KOE TOHI A TANIELA 10:1-21 TON1884 - Bible AI

¹1 Oku mamata a Taniela ki he mea ha mai hili ene akavaivai‘i ia. 10 I he ene mamahi mo manavahe oku fakafiemalie‘i ia e he agelo. I HONO tolu oe ta‘u o Kolesi koe tu‘i o Beasia, nae ai ha mea nae fakaha kia Taniela, aia nae higoa ko Belitisasa; bea nae mooni ae mea, ka nae fuoloa ae kuoga nae tuutuuni ki ai, bea naa ne boto i he mea, bea nae iate ia ae ilo‘i oe mea ha mai.

²I he gaahi aho koia, ko au Taniela neu mamahi i he uike katoa e tolu.

³Nae ikai teu kai ae ma melie, bea nae ikai i hoku gutu ae kanomate be ha uaine, bea nae ikai jii teu tākai au, kae oua ke kakato ae uike e tolu.

⁴Bea i hono uofulu ma fa oe aho oe uluaki mahina, i he eku nofo i he vee vaitafe lahi, aia oku ui ko Hitikeli;

⁵Neu haga hake ai hoku mata o jio, bea vakai, koe tagata nae kofu aki ae tubenu lelei, bea nae noo hono nootaga vala aki ae koula lelei o Ufasi:

⁶Ko hono jino foki nae hage koe belili, bea ko hono mata nae hage koe uhila, bea mo hono ogo mata nae hage koe ogo māma afi, bea ko hono nima mo ono va‘e, nae ulo o tatau moe balasa kuo fakagigila, bea ko hono le‘o i he ene lea, nae hage koe le‘o oe toko lahi.

⁷Bea ko au Taniela neu mamata toko taha be ki he mea ha mai: he koe kau tagata nae i ai mo au nae ikai te nau mamata ki he mea ha mai; ka nae hoko ae manavahe lahi kiate kinautolu, koia naa nau hola ke fakafufu akinautolu.

⁸Koia nae tuku toko taha be au, bea neu mamata ki he mea lahi ni nae ha mai, bea nae ikai toe ha malohi jii iate au: he nae liliu iate au a eku matamata lelei o fakalielia, bea nae ikai teu kei ma‘u ha malohi.

⁹Ka naaku fanogo be ki he le‘o o ene gaahi lea: bea i he eku fanogo ki he le‘o o ene gaahi lea, nae lolotoga ia ae mohe mau a hoku mata, o fakafoohifo hoku mata ki he kelekele.

¹⁰Bea vakai, nae ala mai ha nima kiate au, mo ne fokotuu au ki hoku ogo tui mo hoku aofi nima.

¹¹Bea ne behe mai kiate au, E Taniela, koe tagata ofeina lahi, ke ke ilo ae gaahi lea aia oku ou lea aki kiate koe, bea ke tuu tonu: he kuo toki fekau au kiate koe. Bea hili ene lea aki ae lea ni kiate au, neu tuu tetetete be.

¹²Bea ne toki behe mai kiate au, Oua naa ke manavahe, Taniela: he kuo talu ae uluaki aho aia naa ke tuku bau ai ho loto ke ilo, bea naa ke fakamamahi‘i koe i he ao oe Otua, nae ogo‘i hoo gaahi lea, bea koeuhi ko hoo gaahi lea kuou ha‘u au.

¹³Ka nae taofi au e he Eiki oe buleaga o Beasia, i he gaahi aho e uofulu ma taha: ka e vakai, nae ha‘u a Maikale, koe toko taha ia oku tuu ki mua, ke tokoni au; bea neu nofo ai moe gaahi tu‘i o Beasia.

¹⁴Bea koeni, kuou ha‘u ke fakaha kiate koe, ae mea e hoko ki hoo kakai i he gaahi aho fakamui: he oku kau ae mea ha mai ki he gaahi aho lahi.

¹⁵Bea i he ene lea behe kiate au, neu foohifo hoku mata ki he kelekele, bea neu logo be.

¹⁶Bea vakai, koe toko taha nae hage ko ha taha i he gaahi foha oe tagata, nae ala mai ki hoku lougutu: bea neu toki mafaa hoku gutu, o lea, bea neu behe kiate ia nae tuu i hoku ao, E hoku Eiki, koe mea i he mea ha mai, kuo toe foki mai eku mamahi kiate au, bea oku ikai teu kei ma‘u ha malohi.

¹⁷He koeuhi e faa alea fefe ae tamaioeiki o hoku Eiki ni, mo hoku Eiki ni? he ko au eni, nae fakafokifa oku ikai toe ha malohi iate au, bea kuo oji foki mo eku mānava.

¹⁸Bea nae toe ha‘u ha taha o hage ko ha tagata, o ala mai kiate au, o ne fakamalohi au,

¹⁹Bea ne behe mai eia, E tagata ofeina lahi, oua naa ke manavahe: fiemalie be koe, bea ke malohi, io, ke ke malohi. Bea i he ene lea kiate au neu malohi, bea neu behe, ke lea be a hoku Eiki, he kuo ke fakamalohi au.

²⁰Bea nae toki behe eia, Oku ke ilo hono uhiga o eku ha‘u kiate koe; bea koeni, teu foki atu ke tau moe tu‘i o Beasia: bea i he eku alu atu, vakai e ha‘u ae eiki o Kalisi.

²¹Ka teu fakaha kiate koe aia oku tohi i he tohi tabu mooni: bea oku ikai mo ha niihi oku kau mo au i he gaahi mea ni, ka ko Maikale ko hoo mou eiki.