KOE TOHI AE TAGATA MALAGA * 1:1-18 TON1884 - Bible AI

¹1 Oku fakaha e he tagata malaga koe gaahi ulugaaga fakamama koe vaiga ia: 4 koeuhi oku feliliuaki ae mea kotoabe, 9 bea oku ikai ke tubu ha mea foou, bea oku galo ae gaahi mea motua, 12 bea kuo ilo eni e Solomone i he ene kumi ki he boto. KOE gaahi lea eni ae Tagata Malaga, koe foha o Tevita, nae tu‘i i Jelusalema.

²Vaiga oe vaiga, oku behe e he Malaga, vaiga oe vaiga, oku vaiga ae mea kotoabe.

³Koeha hono aoga ki he tagata o ene gaue kotoabe oku ne fai i he lalo laa?

⁴Oku mole atu ae toutagata e taha, kae ha‘u ae toutagata kehe: ka oku tuu mau ai be a mamani.

⁵Oku hobo hake foki ae laa, bea alu hifo, oku alu fakavave ia ki he botu nae hobo mei ai.

⁶Oku alu ae matagi ki he feituu toga, bea toe liliu ki he tokelau: oku fakatakamilo mau ai be ia, bea toe alu foki i hono gaahi aluaga.

⁷Oku to atu ki tahi ae gaahi vaitafe kotoabe; ka oku ikai ke bito ai ae tahi; bea koe botu oku tubu mei ai ae vaitafe oku toe foki atu ia ki ai.

⁸Oku fonu ae mea kotoabe i he gaue; oku ikai faa fakamatala ia e he tagata: bea oku ikai fiu ae mata i he jio, be koe teliga i he fanogo.

⁹Koe mea aia oku talu mei mua, koia ia e kei i ai; bea koe mea oku fai ni koia be e fai; bea oku ikai ha mea foou i he lalo laa.

¹⁰He oku ai ha mea e totonu ke behe ki ai, Vakai, koeni ae mea foou? nae i ai be ia i he kuoga i mua, aia nae mua iate kitautolu.

¹¹Oku ikai ha fakamanatu ki he gaahi mea i mua, bea e ikai ha manatu ki he gaahi mea oku hoko mai ni, be koia e hoko amui.

¹²Ko au koe Malaga, naaku tu‘i au ki Isileli i Jelusalema.

¹³Bea naaku fai i hoku loto ke kumi bea hakule keu boto i he mea kotoabe oku fai i he lalo lagi: he kuo tuku ae feiga ni e he Otua ke fakamamahi aki ae fānau ae tagata.

¹⁴Kuou mamata ki he gaue kotoabe oku fai i he lalo laa; bea vakai, koe vaiga ae mea kotoabe moe fakamamahi ki he laumalie.

¹⁵Koe mea bikobiko oku ikai faa fakatotonu, bea koia oku ikai katoa e ikai faa lau ia.

¹⁶Naaku fakakaukau i hoku loto ooku, o behe, Vakai, kuou hoko o ma‘umea lahi, be. oku ou ma‘u lahi hake ae boto iate kinautolu kotoabe naa nau i mua iate au i Jelusalema; io, nae fakaboto‘i lahi hoku loto i he boto moe ilo.

¹⁷Bea naaku tuku hoku loto ke ilo ae boto, bea ke ilo moe he moe vale: beau ilo‘i foki ia koe fakamamahi ki he laumalie.

¹⁸He oku lahi ae mamahi i he boto oku lahi: bea ko ia oku fakatubu a ene ilo oku ne fakatubu moe mamahi.