KOE TOHI AE TAGATA MALAGA * 10:1-20 TON1884 - Bible AI

¹1 Koe fakaha ae boto moe vale. 16 Koe lea oku kau ki he bule, 18 moe fakabikobiko, 19 moe koloa. 20 Ke fakaabaaba ae loto ki he gaahi tu‘i. OKU fakanamuku e he lago kuo mate ae mea namu lelei ae tagata faitoo: bea oku behe ae vale jii o ha taha oku ogoogoa a ene boto mo ene agatonu.

²Koe loto oe tagata boto oku i hono nima toomatau; ka oku i hono toohema ae loto oe vale.

³Io, koe mooni, oka eveeva ae vale i he hala kuo mole hono loto, bea oku ne tala ki he kakai kotoabe koe vale be ia.

⁴Kabau e tubutamaki ae loto oe bule kiate koe, oua naa ke hiki mei hoo gaue; he oku fakamolemole ae kovi lahi e he tali agavaivai.

⁵Oku ai ae kovi kuou mamata ki ai i he lalo laa, koe fai hala oe bule:

⁶Kuo hakeaki‘i ae vale ke maoluga, bea nofo ae koloaia i he botu māulalo.

⁷Kuou mamata ki he heka hose ae kau tamaioeiki, kae eveeva i he fuga kelekele ae fānau ae tu‘i o hage ha kau tamaioeiki.

⁸Koia oku keli ae luo e to ia ki ai: bea koia oku maumau‘i ae a, e uu ia e he gata fekai.

⁹Ko ia oku hiki ae gaahi maka e lavea ai ia; bea ko ia oku ta akau e tuutamaki ai.

¹⁰Kabau oku beku ae toki, bea ikai fakaalo, oku tononu ke ne ai aki ia ae malohi lahi; ka oku aoga ae boto ke fakahinohino.

¹¹Koe mooni e uu ae gata oka ikai fakalalata; bea oku tatau mo ia ae tagata faa lea.

¹²Oku lelei ae lea mei he gutu oe tagata boto; ka e fakaauha ae vale e hono lougutu oona.

¹³Koe kamataaga oe lea a hono gutu koe vale ia; bea koe ikuaga o ene lea koe bauu moe faha.

¹⁴Oku fonu foki ae vale i he lea: oku ikai faa fakaha mai e ha tagata ae mea e hoko; bea koe mea e hoko i he hili a ene moui ni, kohai ha taha e faa tala ia kiate ia?

¹⁵Oku ogojia ae vale taki taha kotoabe i he ene gaue, koeuhi oku ikai te ne ilo be oku fefe ene alu ki he kolo.

¹⁶E fonua, e malaia akoe, i he kei tamajii a ho tu‘i, bea keinaga i he kei bogibogi a ho houeiki bule!

¹⁷E fonua, oku ke monuia, o kabau ko ho tu‘i koe foha ia oe houeiki, bea keinaga ho houeiki i he feituulaa totonu, ke nau malohi kae ikai ke kona ai!

¹⁸Koe mea i he fakabikobiko lahi oku fakaaau ke motua ae fale; bea i he tae gaue ae nima oku tutulu ae fale.

¹⁹Oku gaohi ae katoaga ke tubu ai ae kata, bea oku fakafiefia e he uaine; ka oku aoga ae baaga ki he mea kotoabe.

²⁰Oua naa lea kovi ki he tu‘i, oua aubito naa ke mahalo ki ai; bea oua naa lea kovi ki he koloaia i ho botu mohe: koeuhi e fakaogo atu ho le‘o e he manu buna oe atā, bea e tala ae mea e he manu oku kabakau.