KOE TOHI AE TAGATA MALAGA * 2:1-26 TON1884 - Bible AI

¹1 Koe taeaoga oe kumi ki he lelei akamafma. 12 Oku lelei hake ae boto i he vale, ka oku tatau ho na ikuaga. 18 Koe taeaoga oe gaue ae tagata, he oku ikai ilo be e ma‘u ia ehai. 24 Koe mea lelei ke tau fiefia i he e tau gaue; ka koe foaki ia ae Otua. NAAKU behe ki hoku loto, Vakai eni, teu ahiahi‘i koe ki he fiegutuhua, koia ke ke fiefia koe i he fakava; bea vakai, koe vaiga foki eni.

²Naaku behe ki he kata, Koe faha ia: bea ki he fiegutuhua, Oku aoga ia ki he ha?

³Naaku fai i hoku loto keu faa inu uaine, kae kumi foki hoku loto ki he boto; bea ke buke atu ki he vale, koeuhi keu ilo be koeha oku lelei ke fai e he fānau ae tagata i he aho kotoabe oe nau moui i he lalo lagi.

⁴Naaku fai ae gaahi gaue lahi; naaku laga hoku gaahi fale; bea naaku to eku gaahi goue vaine:

⁵Naaku to eku gaahi goue moe gaahi akau oku fua, bea naaku to i ai ae faahiga akau fua kehekehe kotoabe.

⁶Naaku gaohi ae gaahi ano vai, ke fakatafe ki he botu oku tubu i ai ae gaahi akau:

⁷Naaku ma‘u ae kau tamaioeiki moe kau kaunaga, bea nae fanau‘i ae kau tamaioeiki i hoku fale; bea naaku ma‘u foki o lahi ae faga manu iki, mo ia oku lalahi, bea nae lahi hake a eku ma‘umea iate kinautolu kotoabe nae i mua iate au i Jelusalema.

⁸Bea naaku tanaki foki kiate au ae siliva moe koula, bea moe koloa mahuiga lahi oe gaahi tu‘i moe botu fonua kehekehe: beau ma‘u ae kau tagata faiva moe kau fefine faiva, moe mea fakafiefia kotoabe oe fānau ae tagata, moe gaahi mea faiva i ho nau faahiga kehekehe.

⁹Koia naaku hoko koe lahi au, beau tubu o lahi hake iate kinautolu kotoabe nae i mua iate au i Jelusalema: bea nae ma‘u be foki a eku boto iate au.

¹⁰Bea koe mea kotoabe nae manako ki ai hoku mata nae ikai teu taofi ia mei ai, nae ikai teu taofi hoku loto mei ha fiefia; he nae fiefia hoku loto i he eku gaue kotoabe: bea ko hoku inaji ia i he eku gaue kotoabe.

¹¹Bea naaku toki mamata ki he gaue kotoabe kuo fai e hoku nima, moe gaue naaku ogojia i hono fai: bea vakai, koe vaiga ia kotoabe moe fakamamahi ki he laumalie, bea oku ikai hano aoga i he lalo laa.

¹²Bea naaku tafoki au ke mamata ki he boto, moe he, moe vale: he koeha ha mea e faa fai e he tagata oku muimui ki he tu‘i? aia be kuo oji hono fai.

¹³Bea naaku toki mamata oku lelei lahi hake ae boto i he vale, o hage koe lelei hake oe māma ki he bouli.

¹⁴Koe mata oe boto oku i hono ulu; ka oku eveeva ae vale i he bouli: bea naaku mamata e au koe mea be taha oku hoko kiate kinautolu kotoabe.

¹⁵Bea naaku toki behe ai i hoku loto, hage koia oku hoko ki he vale, koia foki oku hoko kiate au; bea koeha ia kuou boto lahi hake ai? bea naaku toki behe i hoku loto. Ta koe vaiga foki eni.

¹⁶He oku ikai lahi hake ae fakamanatu ki he boto i he manatu ki he vale o taegata: koeuhi koe mea oku ai ni e galo ia i he aho kimui. Bea oku fefe ae mate ae boto? oku hage be ia koe vale.

¹⁷Koia naaku fehia ki he moui; koeuhi koe gaue oku fai i he lalo laa oku fakamamahi kiate au: he koe vaiga ae mea kotoabe moe fakamamahi ki he laumalie.

¹⁸Io, naaku fehia ki he eku gaue kotoabe naaku ogojia ai i he lalo laa: koeuhi teu tuku be ia ki he tagata oku muimui iate au.

¹⁹Bea kohai oku ne ilo be ko ha boto ia be ko ha vale? ka e bule eia ki he gaue kotoabe kuou gaue ai mo fakaha aki a eku boto i he lalo laa. Koe vaiga foki eni.

²⁰Koia naaku alu fano ai ke fakataeamanaki hoku loto ki he eku gaue kotoabe naaku fai i he lalo laa.

²¹He oku ai ae tagata oku fai ene gaue i he boto, moe ilo, bea moe totonu; ka te ne tuku be ia koe inaji o ha tagata oku ikai gaue ki ai. Koe vaiga foki eni, bea koe kovi lahi.

²²He oku ma‘u ae ha e he tagata mei he ene gaue, moe mamahi a hono loto, aia kuo ne ogojia ai i he lalo laa?

²³He ko hono gaahi aho kotoabe koe mamahi ia, bea ko ene feiga koe fakamafajia; io, naa moe bo oku ikai fakafiemalie hono loto. Koe vaiga foki eni.

²⁴Oku ikai ha mea oku lelei hake ki he tagata ka ko ene kai mo inu, bea ke fakafiefia‘i hono loto i he lelei o ene gaue. Naaku mamata foki ki he mea ni, kuo foaki mai ia mei he nima oe Otua.

²⁵He kohai oku faa kai, bea kohai oku fakatootoo lahi hake ki ai iate au?

²⁶He oku foaki e he Otua ki he tagata aia oku lelei i hono ao, koe boto, moe ilo, moe fiefia: ka oku ne foaki ki he agahala ae feiga ke tanaki mo fokotuu, ka ne foaki ia kiate ia oku lelei i he ao oe Otua. Koe vaiga foki eni moe fakamamahi ki he laumalie.