KOE TOHI AE TAGATA MALAGA * 5:1-20 TON1884 - Bible AI

¹1 Ke oua e vaiga i he lotu; 8 koe taeaoga oe lāuga koeuhi koe fakamalohi; 9 koe vaiga oe koloa. 18 Koe fiefia i he koloa koe foaki ia ae Otua. TAUHI ho va‘e oka ke ka alu ki he fale oe Otua, bea lahi hake hoo fiefanogo i hoo fai ae feilaulau ae vale: he oku ikai te nau tokaga ki he kovi oku nau fai.

²Oua naa ke oho noa aki ho gutu, bea oua naa vave ho loto ke fakaha ha mea i he ao oe Otua: he oku i he lagi ae Otua, ka oku ke i mamani koe: koia ke jii ai hoo lea.

³He oku tubu ae miji mei he femouekina ki he gaue; bea oku ilo ae le‘o oe vale i he lahi o ene lea.

⁴Oka ke ka fuakava ki he Otua, oua naa ke fakatuai hoo fai ki ai; he oku ikai te ne leleiia i he vale; fai koe ki he mea kuo ke fuakava ki ai.

⁵Oku lelei hake ke oua aubito naa ke fuakava, i hoo fuakava kae ikai fai ki ai.

⁶Oua naa tuku ke fakahala‘i koe e ho gutu; bea oua naa ke behe i he ao oe agelo, ko hoo fai hala: koeha oku ke fakahouhau‘i ae Otua aki ho le‘o, bea te ne fakaauha ae gaue a ho nima?

⁷He oku lahi ae vaiga foki i he lahi oe miji moe lea oku lahi: ka ke manavahe koe ki he Otua.

⁸Kabau oku ke mamata ki he fakamalohi‘i oe majiva, bea moe mioi fakamalohi ae fakamāu moe fai totonu i ha vahe fonua, oua naa ke ofo ai: he ko ia oku maoluga taha i he maoluga kotoabe oku ne afio‘i ia; koeuhi oku ai aia oku maoluga hake iate kinautolu.

⁹Kae umaa foki koe tubu oe kelekele, koe mea ma ae kakai kotoabe: naa moe tu‘i oku tauhi ia mei he goue.

¹⁰Ko ia oku manako ki he siliva e ikai ke ne fiemalie i he siliva; be ko ia oku manako ki he koloa i he tubulaki o ene mea: koe vaiga foki eni.

¹¹Koeuhi i he tubulekina ae mea, oku tubu foki akinautolu oku nau kai ia: bea koeha hono lelei kiate kinautolu oku anautolu ia, ka koe nau mamata be ki ai aki ho nau mata?

¹²Oku fiemalie ae mohe ae tagata gaue, ne ogo be oku jii be oku lahi a ene kai: ka koe lahi oe mea ae koloaia koia oku ikai ke nau faa mohe ai.

¹³Oku ai ae kovi lahi kuou mamata ki ai i he lalo laa, aeni, ae tauhi koloa ke kovi ai akinautolu oku anautolu be ia.

¹⁴Ka oku maumau ae koloa koia i he feiga kovi; bea oku tubu iate ia ae foha, ka oku ikai ha mea i hono nima.

¹⁵O hage ko ene ha‘u mei he mānava o ene fa‘e, e behe a ene alu telefua atu o hage ko ene ha‘u, bea e ikai ha tubu o ene gaue te ne ma‘u ke ave i hono nima.

¹⁶Bea koe kovi foki eni oku lahi, a ene alu o tatau i he mea kotoabe mo ene ha‘u: bea koeha ae lelei oku ma‘u eia oku gaue ki he matagi?

¹⁷Oku kai eia i he fakabouli i he aho kotoabe, bea oku lahi ae mamahi moe tautea oku hoko kiate ia i hono mahaki.

¹⁸Vakai ki he mea kuou mamata ki ai: oku lelei mo totonu ki he tagata ke kai mo inu, bea ke fiefia i he lelei kotoabe o ene gaue, aia oku ne fai i he lalo laa, i he aho kotoabe o ene moui, aia kuo foaki e he Otua kiate ia; he ko hono inaji ia.

¹⁹Bea koe tagata kotoabe aia oku foaki ki ai e he Otua ae ma‘umea moe koloa lahi, bea moe malohi ke ne kai mei ai, bea ke ma‘u hono inaji, bea ke fiefia i he ene gaue; koe foaki ia ae Otua.

²⁰Bea e ikai te ne tokaga mamahi ia ki he gaahi aho o ene moui; koeuhi oku tauhi ia e he Otua, bea koia oku fiefia ai hono loto.