KOE TOHI AE TAGATA MALAGA * 7:1-29 TON1884 - Bible AI

¹1 Koe gaahi mea faitoo eni ki he vaiga: koe higoa oku ogolelei, 2 moe agavaivai, 7 moe faa kataki, 11 moe boto. 23 Koe faigataa oe boto. OKU lelei lahi ae higoa oku ogoogolelei i he mea namu kakala oku mahuiga lahi; bea oku lelei ae aho oe mate i he aho oe fanau‘i.

²Oku aoga lahi hake ae alu ki he fale oku i ai ae tagilāulāu, i he alu ki he fale oku fai katoaga: he koe ikuaga ia oe kakai kotoabe; bea e mamafa ia ki he loto oona oku kei moui.

³Oku lelei lahi ae mamahi i he kata, he oku fakaajili ae lelei oe loto i he mamahi oe mata.

⁴Oku i he fale oe mamahi ae loto oe boto; ka oku i he fale oe fiefia ae loto oe vale.

⁵Oku lelei hake ae fanogo ki he valoki mei he boto, i he fanogo ae tagata ki he hivehiva ae kau vale.

⁶He oku hage koe makalakala ae akau talatala i he lalo kulo, oku behe ae kata ae vale: he koe vaiga foki ia.

⁷Koe mooni oka fakamalohi ae tagata boto oku vale ai ia; bea oku maumau‘i ae loto i he ma‘u ae foaki.

⁸Oku lelei hake ae ikuaga o ha mea i hono kamataaga: bea oku lelei lahi aia oku loto faa kataki iate ia oku loto fielahi.

⁹Oua naa ke ita vave i ho laumalie: he oku nofo ae ita i he fatafata oe kau vale.

¹⁰Oua naa ke behe, Koeha nae lelei lahi ai ae gaahi aho i mua i he gaahi aho ko eni? he oku ikai te ke fai fakabotoboto i hoo fehui ki he mea ni.

¹¹Oku lelei ke ma‘u ae tofia bea ma‘u moe boto, bea oku aoga ia kiate kinautolu oku mamata ki he laa.

¹²He koe boto koe ugaaga ia, bea koe koloa koe ugaaga mo ia: ka ko hono lelei lahi oe ilo, oku foaki e he boto ae moui kiate kinautolu oku ma‘u ia.

¹³Tokaga ki he gaue ae Otua: he kohai oku faa fakatotonu aia kuo ne gaohi ke bikobiko?

¹⁴Ke ke fiefia i he aho oe lelei, ka ke fakalaulauloto i he aho oe kovi: he kuo fokotuu foki e he Otua ae taha ki he taha koeuhi ke oua naa ilo e he tagata ha mea e fai amui.

¹⁵Kuou mamata ki he mea kotoabe i he gaahi aho o eku vale: oku ai ae tagata oku agatonu, ka oku mate be mo ene maonioni, bea oku ai aia oku agahala, ka oku tologa a ene moui i he ene fai hala.

¹⁶Oua naa lahi fau hoo maonioni; bea oua naa ke kumi ki he boto lahi fau: he koeha te ke fakaauha ai koe ekoe be?

¹⁷Oua naa lahi fau hoo fai kovi, be te ke vale: he koeha te ke mate ai i he heeki hoko ho aho?

¹⁸Oku lelei ke ke buke ki he mea ni: io, oua naa too ho nima mei he mea ni: he ko ia oku manavahe ki he Otua e hao ia mei he gaahi mea ni kotoabe.

¹⁹Oku lahi ae tokoni e he boto kiate ia oku boto, i ha kau tagata malohi e toko hogofulu oku nofo i ha kolo.

²⁰He oku ikai i mamani ha tagata agatonu oku fai lelei, bea tae halaia.

²¹Bea oua foki naa ke tui ki he lea kotoabe oku lea aki; telia naa ke fanogo oku lauikovi‘i koe e hoo tamaioeiki.

²²He oku ke ilo foki i ho loto kuo liuga lahi a hoo lauikovi ekoe ae kakai kehe.

²³Koe gaahi mea ni kotoabe kuou ilo i he boto: naaku behe, teu boto au, ka nae mamao ia iate au.

²⁴Koe mea oko mamao atu, bea loloto lahi, kohai e faa ilo ki ai?

²⁵Naaku tuku hoku loto ke ilo mo hakule, bea ke kumi atu ki he boto, mo hono uhiga oe gaahi mea, bea ke ilo ae kovi oe vale, io, ae vale moe he.

²⁶Bea oku ou ilo oku kona lahi hake i he mate ae fefine koia oku tatau hono loto moe tauhele moe kubega, bea ko hono nima oku hage koe gaahi ha‘i: ka koia ia oku lelei i he ao oe Otua, e hao ia mei ai; ka e moua ae agahala kiate ia.

²⁷Vakai, kuou ilo eni, oku bene e he Tagata Malaga, i he eku ahiahi taki taha ae mea kotoabe, ke ilo hono uhiga:

²⁸Aia oku kei kumi ki ai e hoku laumalie, ka oku heeki ai teu ma‘u: koe tagata e toko taha kuou ilo i ha toko afe; ka oku ikai teu ilo iate kinautolu kotoabe ha fefine e toko taha.

²⁹Vakai, koeni be ae mea kuou ilo‘i, nae gaohi ae tagata e he Otua i he agatonu; ka kuo nau kumi ki he gaahi filioi lahi.