KOE TOHI AE TAGATA MALAGA * 8:1-17 TON1884 - Bible AI

¹1 Ke fakaabaaba ki he gaahi tu‘i. 6 Ke tau tokaga ki he tuutuuni ae Otua. 12 Oku lelei hake ae maonioni i he lolotoga ae kovi, i he kau agahala lolotoga e nau lelei. 16 Oku taefaailo‘i ae gaue ae Otua. KOHAI oku hage koe tagata boto? bea kohai oku ne ilo ae fakamatala o ha mea? koe mea i he boto oku malama mai ae mata oe tagata, bea e liliu ai ae malohi a hono mata.

²Oku ou eginaki‘i koe ke ke fai ki he fekau ae tu‘i, bea ke fai ia koeuhi koe fuakava ae Otua.

³Oua naa alu atu fakavave i hono ao: oua naa ke kau i ha mea kovi; he oku fai eia a ene faiteliha.

⁴Koe mea oku lea ki ai ae tu‘i oku i ai ae malohi: bea kohai e faa behe kiate ia, Koeha oku ke fai?

⁵Ko ia oku fai ki he fekau e ikai ilo eia ha kovi: bea oku ilo‘i e he loto oe boto ae aho tuutuumalie bea moe fakamāu.

⁶Koeuhi oku ai ae aho moe fakamāu oe gaue kotoabe, koia oku mamafa ai ae kovi ae tagata kiate ia.

⁷He oku ikai te ne ilo ae mea e hoko: bea kohai oku faa tala kiate ia be e hoko afe?

⁸Oku ikai ha tagata oku ma‘u ae malohi ki he laumalie ke ne taofi mau ki he laumalie; bea oku ikai iate ia ha malohi i he aho oe mate: bea oku ikai ha tukuage mei he tau koia; bea e ikai fakahaofi e he kovi akinautolu kuo nau maheni ai.

⁹Koe mea ni kotoabe kuou mamata ki ai, beau tuku hoku loto ki he gaue kotoabe oku fai i he lalo laa: oku ai ae aho oku bule ae tagata e toko taha ki he toko taha ka e kovi ai ia.

¹⁰Bea naaku mamata foki ki he tanu oe agahala, aia nae faa alu mo ha‘u mei he botu oe maonioni, bea nae galo akinautolu i he kolo naa nau fai behe ai: koe vaiga foki eni.

¹¹Koeuhi oku ikai fakatootoo ae fai oe tautea ki he gaue kovi, koia oku tuku bau ai ae loto oe fānau ae tagata ke fai kovi.

¹²Ka ne ogo ae fai ke liuga teau ae kovi ae agahala, bea fakatologa hono aho, ka oku ou ilo mooni e hoko ae lelei kiate kinautolu oku manavahe ki he Otua, akinautolu oku manavahe i hono ao.

¹³Ka e ikai ha lelei ki he agahala, bea e ikai tologa mau ai be hono gaahi aho, he koe ata ia: koeuhi oku ikai te ne manavahe i he ao oe Otua.

¹⁴Oku ai ae vaiga oku fai i he mamani: aeni, oku ai ae kakai agatonu, oku hoko ae mea kiate kinautolu o fakatatau ki he gaue ae agahala; bea behe, oku ai ae kakai agahala, oku hoko kiate kinautolu o fakatatau ki he gaue ae maonioni: bea naaku behe, koe vaiga foki eni.

¹⁵Bea naaku toki fakamalo ki he fakafiemalie, koeuhi oku ikai ha mea oku lelei hake ki he tagata i he lalo laa, ka ko ene kai, mo inu, mo fakafiefia: he koia e nofo mau mo ia i he ene gaue i he aho kotoabe o ene moui, aia oku foaki e he Otua kiate ia i he lalo laa.

¹⁶I he eku tuku hoku loto ke ilo ae boto, bea mamata ki he gaue kotoabe oku fai i he mamani: (he oku ai aia oku ikai jio hono mata ki he mohe i he aho be i he bo:)

¹⁷Bea naaku mamata ki he gaue kotoabe ae Otua, oku ikai faa ilo‘i e he tagata ae gaue oku fai i he lalo laa: he ne ogo ae fai feiga hono kumi e he tagata, e ikai te ne ilo ia; koeni foki; naa moe tagata boto oku mahalo te ne ilo‘i, e ikai faa ma‘u ia eia.