KOLOSE 2:1-23 TON1884 - Bible AI

¹1 Oku ne kei eginaki ke nau tuu mau ia Kalaisi, 8 ke vakai ki he fieboto, moe gaahi talatubua launoa, 18 moe hu ki he kau agelo, 20 moe gaahi gaue i he lotu faka‐Jiu, aia kuo iku kotoabe ia Kalaisi. HE ko hoku loto ke mou ilo ae feiga lahi oku iate au kiate kimoutolu, bea kiate kinautolu i Leotisia, bea kiate kinautolu oku heeki ai te nau mamata ki hoku mata i he jino;

²Koeuhi ke fiemalie ho nau loto, kuo fehokotaki i he ofa, ki he koloa kotoabe oe fakababau lahi oe ilo, ki he fakaha oe mea fakalilolilo ae Otua, io, ae Tamai, bea mo Kalaisi;

³Aia oku fufu ai ae gaahi koloa kotoabe oe boto moe ilo.

⁴Bea oku ou behe ni, ke oua naa ai ha tagata te ne fakahala‘i akimoutolu i he lea fakaoloolo.

⁵He ne ogo oku ou mamao i he jino, ka oku ou iate kimoutolu i he laumalie, o fiefia o mamata ki hoo mou aga fakabotoboto, moe tuu mau o hoo mou tui kia Kalaisi.

⁶Koia i hoo mou ma‘u a Kalaisi Jisu koe Eiki, ke mou aeva iate ia:

⁷Kuo aka mo laga hake iate ia, bea fakatuumau i he tui, o hage koe ako-nekina akimoutolu, bea ke mou tubulekina ai i he fakafetai.

⁸Vakai naa taki fakahe akimoutolu e ha tagata e toko taha i he fieboto moe lau fakakākā, oku tāu moe talatubua ae tagata, o gali moe gaahi ulugaaga fakamama, ka oku ikai tāu mo Kalaisi.

⁹He oku nofo fakamoomooni kiate ia hono matuaki fonu oe Otua.

¹⁰Bea oku fakafonu akimoutolu iate ia, aia koe ulu oe bule kotoabe moe malohi:

¹¹Aia nae kamu ai foki akimoutolu i he kamu tae fai e he nima, i he jiaki oe jino oe gaahi agahala fakakakano i he kamu o Kalaisi:

¹²O tanu mo ia i he babitaiso, aia kuo mou toe tuu ai mo ia i he tui oku mei he gaue ae Otua, aia kuo ne foko-tuu hake ia mei he bekia.

¹³Bea ko kimoutolu, nae mate i hoo mou gaahi agahala moe taekamu o ho mou kakano, kuo ne fakamoui fakataha mo ia, i he ene fakamolemole hoo mou gaahi agahala kotoabe;

¹⁴O tamate‘i i he mate ae tohi nima oe gaahi tuutuuni aia nae tuu kiate kitautolu, aia nae taofi kiate kitautolu, o ne too aubito ia o tuki ki hono akau;

¹⁵Bea oji ene maumau ae gaahi bule moe gaahi malohi, naa ne fakailo fakaha atu akinautolu o vikiviki ai kiate kinautolu.

¹⁶Koia ke oua naa ai ha taha e fakaaga kiate kimoutolu i ha mea kai, be ha mea inu, be ki ha aho katoaga, be i ha tuu efiafi, be i he gaahi sabate:

¹⁷Aia koe gaahi ata oe mea oku ha‘u; ka ko hono jino oku ia Kalaisi.

¹⁸Ke oua naa kākā‘i akimoutolu e ha taha i hoo mou totogi, i he fie agavaivai moe lotu ki he kau agelo, i he kaunoa ki he gaahi mea nae ikai te ne mamata ai, moe fakafuofua lahi noabe ia i hono loto fakakakano,

¹⁹Bea oku ikai buke mau ki he Ulu, aia oku ma‘u mei ai ae tokoni ki he jino kotoa, i he gaahi kubu moe noo, bea kuo femautaki fakataha, oku tubu i he tubu faka‐Otua.

²⁰Koia kabau oku mou mate mo Kalaisi mei he gaahi ulugaaga fakamama, koeha oku mou moulaloa ai ki he gaahi tuutuuni, o hage oku mou moui fakamama, o fakatatau moe gaahi fekau moe gaahi akonaki ae tagata;

²¹Oua naa ala; oua naa kamata; oua naa milihi;

²²Aia e auha kotoabe i hono gaue aki?

²³Koe gaahi mea koia oku ai mooni hono matamata boto i he fiefie lotu, moe agavaivai, bea moe taetokaga‘i oe jino; ka oku ikai aoga, ka ki he fakafiemalie oe kakano.