KOLOSE 3:1-25 TON1884 - Bible AI

¹1 Oku eginaki e Baula ae botu koia te tau kumi ki ai a Kalaisi. 5 Oku ne ako ke nau tautea ae jino, 10 ke tukuage ae tagata motua, bea ke ai a Kalaisi, 12 oku ako ki he ofa, moe agavaivai, moe gaue lelei kehekehe. BEA kabau kuo mou toe tuu mo Kalaisi, mou kumi ki he gaahi mea oku i oluga, aia oku nofo ki ai a Kalaisi ki he nima toomatau oe Otua.

²Mou faa tokaga ki he gaahi mea i oluga, kae ikai ki he gaahi mea i mamani.

³He kuo mou mate, bea oku fufu hoo mou moui mo Kalaisi i he Otua.

⁴Oka fakaha mai a Kalaisi, koe tau mouiaga, te mou toki ha ai mo ia foki i he nāunāu.

⁵Koia mou tamate‘i ho mou gaahi kubu oku i mamani; koe feauaki, moe gaue uli, moe fakalielia, moe holi kovi, moe manumanu, aia koe tauhi tama-bua:

⁶He koeuhi koe gaahi mea behe oku hoko ai ae houhau oe Otua ki he fānau talagataa:

⁷Aia naa mou aeva ai foki i mu‘a, i hoo mou moui ki ai.

⁸Ka koeni oku mou jiaki aeni kotoabe foki; ae ita, moe lili, moe fakafajifaji, moe kabekabe, moe lea uli mei ho mou gutu.

⁹Oua naa mou felohiaki, he kuo mou jiaki ae tagata motua mo ene gaahi gaue;

¹⁰Bea kuo mou ai ae tagata foou, aia kuo fakafoou i he ilo, o fakatatau ki hono tatau o ia naa ne fakatubu ia:

¹¹Aia oku ikai ai ha Kiliki be ha Jiu, ha kamu be ha taekamu, ha muli, be ha Sitia, ha bobula, be ha tauataina: ka ko hono katoa kotoa a Kalaisi, bea oku ne i he mea kotoabe.

¹²Koia ko kimoutolu, koe maonioni moe ofeina, mou ai, o tāu moe kakai fili ae Otua, ae manavaofa, moe agalelei, moe loto agavaivai, moe agamalu, moe kataki fuoloa;

¹³O fetoutou fekatakiaki be, mo fefakamolemoleaki be, o kabau oku ai ha taha oku koviia ia ki ha taha: o hage koe fakamolemole e Kalaisi akimoutolu, ke behe be akimoutolu.

¹⁴Bea ke ufiufi aki ae gaahi mea ni kotoabe ae ofa, aia koe noo oe haohaoa.

¹⁵Bea tuku ke bule i ho mou loto ae melino oe Otua, aia nae uiui‘i akimoutolu ki ai foki i he jino be taha; bea ke mou fakafetai.

¹⁶Ke nofoia o lahi aubito akimoutolu e he folofola a Kalaisi i he boto kotoabe; bea mou feakonakiaki mo fetokoniaki i he gaahi same, moe lea malie, moe gaahi hiva fakalaumalie, o hiva moe ofa i ho mou loto ki he Eiki.

¹⁷Bea iloga aia oku mou fai i he lea be i he gaue, fai kotoabe i he huafa oe Eiki ko Jisu, o fakafetai ki he Otua koe Tamai iate ia.

¹⁸Ae kau fefine, fakavaivai akimoutolu ki ho mou unoho o moutolu, he oku gali ia i he Eiki.

¹⁹Ae kau tagata, ofa ki ho mou unoho, bea oua naa fai aga fakaita kiate kinautolu.

²⁰Ae fānau, fai talagofua ki hoo mou mātua i he mea kotoabe: he oku lelei lahi ia ki he Eiki.

²¹Ae gaahi tamai, oua naa mou fakafiufiu ki hoo mou fānau, telia naa nau fiu ai.

²²Ae kau tamaioeiki, fai talagofua i he mea kotoabe ki ho mou eiki fakakakano; oua naa i he gaue fakamamata be, o hage koe kau fakamalie ki he tagata; ka i he loto totonu, o manavahe ki he Otua:

²³Bea iloga aia oku mou fai, fai loto lelei, o hage ki he Eiki, kae ikai ki he tagata:

²⁴I hoo mou ilo te mou ma‘u mei he Eiki ae totogi koe tofia: he oku mou tauhi ae Eiki ko Kalaisi.

²⁵Ka ko ia oku fai taetotonu, te na ma‘u o hage koe taetotonu kuo ne fai i bea oku ikai ha filifilimanako ki he kakai.