LEVITIKO 11:1-47 TON1884 - Bible AI

¹1 Koe faga manu oku gofua ke kai, 4 moe manu oku ikai gofua. 9 Moe gaahi ika. 13 Moe gaahi manu kabakau. 29 Koe gaahi mea totolo aia oku tae maa. BEA nae folofola a Jihova kia Mosese mo Elone, o ne behe kiate kinaua,

²Lea ki he fānau a Isileli, o behe, Ko eni ae gaahi manu aia te mou kai i he gaahi manu oku i he fuga o mamani.

³Iloga aia i he faga manu oku mavaeua hono bejibeji, bea va‘e mafahi, bea oku toe lamulamu agaua ene kai, te mou kai ia.

⁴Ka koe niihi i ai oku lamu agaua ene kai, mo vaeua ae va‘e e ikai te mou kai: o hage koe kameli, koeuhi oku ne toe lamu ene kai, ka oku ikai mavahevahe ae va‘e: oku tae maa ia kiate kimoutolu.

⁵Bea moe koni, koeuhi oku ne toe lamu ene maaga, ka oku ikai mavae ua ae va‘e; oku tae maa ia kiate kimoutolu.

⁶Bea koe hea, koeuhi oku ne toe lamu ene kai, ka oku ikai mavae ua hono bejibeji: oku tae maa ia kiate kimoutolu.

⁷Bea koe buaka, oku mavahevahe hono bejibeji, bea va‘e mafahi, ka oku ikai fakahake ene kai o toe lamu ia; oku tae maa ia kiate kimoutolu.

⁸Oua naa mou kai ho nau jino, be ala ki ho nau kakano; oku tae maa ia kiate kimoutolu.

⁹Koeni ia te mou kai i he gaahi mea oku i he gaahi vai: iloga aia oku i he vai oku ne ma‘u ae kaboga, moe uno, i he tahi moe gaahi vaitafe, koia te mou kai.

¹⁰Bea koe mea i tahi, bea i he gaahi vaitafe, oku ikai ma‘u ae kaboga moe uno, i he gaahi mea kotoabe oku gau‘e i he vai, be ko ha mea e taha oku moui i he gaahi vai, koe mea kovi ia kiate kimoutolu:

¹¹Io, e iate kimoutolu ia koe mea fakalielia: oua naa mou kai ho nau jino, bea ko ho nau kakano koe mea fakalielia ia kiate kimoutolu.

¹²Iloga aia i he gaani vai oku ikai hano kaboga be uno, ke iate kimoutolu ia koe mea fakalielia.

¹³Bea koeni ia i he gaahi manu kabakau e tabu kiate kimoutolu; e ikai te mou kai ia, he koe mea fakalielia ia kiate kimoutolu: koe ikale, moe osifaleji, moe osibale,

¹⁴Moe volita, moe kaite i hona faahiga.

¹⁵Ae leveni kotoabe i ho nau faahiga,

¹⁶Moe ositaleji, moe taiseni oe bouli, moe koku, moe taiseni i hono faahiga,

¹⁷Moe lulu iki, moe komolaniti, moe lulu lahi,

¹⁸Moe suani, moe lofa, moe Lahami,

¹⁹Moe sitoaka, moe motuku i hono faahiga, moe labiuigi, moe beka.

²⁰Koe gaahi manu kabakau oku totolo, o alu i ho nau va‘e, koe mea fakalielia ia kiate kimoutolu.

²¹Ka koe gaahi mea ni te mou kai i he gaahi mea buna oku totolo, o alu i hono va‘e, aia oku ma‘u ae va‘e i oluga i ho nau va‘e, ke hobo aki i he kelekele;

²²Io, koeni, ia i ai te mou kai; koe hee lalahi i ho nau faahiga, koe solami i ho nau faahiga, moe kakoli i ho nau faahiga, moe kakabi i ho nau faahiga:

²³Ka koe gaahi manu buna kotoabe oku totolo, aia oku vee fa: koe mea fakalielia ia kiate kimoutolu.

²⁴Bea te mou tae maa koeuhi koia: he koia e ala ki ho nau agaaga e tae maa ia o a‘u ki he efiafi.

²⁵Bea koia e too ha botu o ho nau jino e fo eia hono gaahi kofu, bea e tae maa ia o a‘u ki he efiafi.

²⁶Koe jino oe manu kotoabe oku vahe ua hono bejibeji ka oku ikai va‘e mafahifahi, be toe lamu ene kai, oku nau tae maa kiate kimoutolu: koia kotoabe oku ala ki ai e tae maa ia.

²⁷Bea iloga aia i he gaahi manu kotoabe oku alu i hono aofiva‘e o fakavee fa; oku nau tae maa kiate kimoutolu: koia oku ala ki ho nau jino e tae maa ia o a‘u ki he efiafi.

²⁸Bea koia oku ne fua ho nau jino e fo eia hono gaahi kofu, bea tae maa ia ke oua ke efiafi: oku nau tae maa kiate kimoutolu.

²⁹Koe gaahi mea ni oku totolo i he kelekele, oku tae maa kiate kimoutolu; koe uiseli, moe kuma, moe fonu babalagi i hono faahiga.

³⁰Moe felite, moe fokai, moe moko, moe sineli, moe mole.

³¹Ko eni ia oku tae maa kiate kimoutolu i he mea oku totolo; koia e ala ki ai ka kuo mate, e tae maa ia o a‘u ki he efiafi.

³²Bea iloga ha mea e to ki ai ha taha iate kinautolu ka kuo mate, e tae maa ia; be koe ibu akau ia, be koe kofu, be koe kili, be koe kato, ha ibu, be ha mea e taha oku fai aki ha gaue, oku tonu ke tuku ia ki he vai, bea tuku ke tae maa ia o a‘u ki he efiafi; bea e fakamaa ai ia.

³³Bea iloga ha ibu umea aia e to ha nau taha ki ai, koia oku i ai e tae maa ia; bea te mou foa‘i ia.

³⁴Iloga ae mea kai oku gofua ke kai, bea kuo to ki ai ae vai koia e tae maa ia; bea koe mea inu kotoabe aia oku gofua ke inu i he gaahi ibu behe, e tae maa ia.

³⁵Bea iloga ha mea e to ki ai ha koga o ho nau jino, e tae maa ia; be koe gotoumu, be koe hiliga kulo, e maumau‘i ia; he oku nau tae maa, bea te nau tae maa kiate kimoutolu.

³⁶Ka koeuhi koe vai moui, be ha luo oku i ai ae vai lahi, e maa ia: ka koia oku ala ki ho nau jino e tae maa ia.

³⁷Bea kabau e to ha botu o ho nau jino ki he tega‘i akau aia oku tuku ki he to ta‘u, e maa ia.

³⁸Bea kabau kuo ligi ha vai ki he gaahi tega, bea to ki ai ha botu o ho nau jino ki ai, e tae maa ia kiate kimoutolu.

³⁹Bea kabau oku mate mahaki ha manu, aia oku gofua ke kai: koia oku ala ki hono jino, e tae maa ia o a‘u ki he efiafi.

⁴⁰Bea koia oku ne kai mei hono jino, e fo hono kofu, bea e tae maa ia o a‘u ki he efiafi; mo ia foki oku ne fua hono jino o ia, e fo eia hono kofu, bea e tae maa ia o a‘u ki he efiafi.

⁴¹Bea koe mea totolo kotoabe oku totolo ki he kelekele koe mea tae maa ia; e ikai kai ia.

⁴²Iloga aia oku gaolo ki hono kete, mo ia kotoabe oku alu vee fa, mo ia i he gaahi mea totolo i he kelekele oku lahi hono va‘e, e ikai te mou kai ia; he oku nau tae maa.

⁴³Oua naa mou fakalielia‘i akimoutolu aki ha mea e taha oku totolo; bea oua naa fakauli‘i akimoutolu i ai, koeuhi ke mou tae maa ai.

⁴⁴He ko au ko Jihova ko ho mou Otua: koia te mou fakamaonioni‘i akimoutolu, bea te mou maonioni; he oku ou maonioni: bea oua naa mou uli‘i akimoutolu aki ha mea totolo e taha oku totolo i he fuga kelekele.

⁴⁵He ko au Jihova oku ou omi akimoutolu mei he fonua ko Ijibite, ke hoko ko ho mou Otua: koia te mou maonioni ai, he oku ou maonioni.

⁴⁶Ko eni ae fono ki he gaahi manu lahi, bea ki he faga manu kabakau, bea ki he mea moui kotoabe oku gau‘e i he gaahi vai, moe gaahi mea totolo kotoabe i he fuga kelekele.

⁴⁷Ke fai kehekehe ki he mea tae maa moe mea maa, bea ki he manu oku gofua ke kai moe manu oku ikai gofua ke kai.