LEVITIKO 21:1-24 TON1884 - Bible AI

¹1 Koe fai butu ae kau taulaeiki. 6 Ki he e nau maonioni. 7 Ki he e nau gaahi fakamau unoho. 17 Koe kau taulaeiki oku ai ho nau gaahi mele, ke oua naa fai gaue akinautolu. BEA nae folofola a Jihova kia Mosese, Lea ki he kau taulaeiki koe gaahi foha o Elone, o behe kiate kinautolu, Oua naa fakauli‘i ha toko taha koeuhi koe bekia oku i hono kakai:

²Ka koeuhi ko hono kaiga mooni, oku ofi kiate ia, koeuhi ko ene fa‘e, bea mo ene tamai, bea mo hono foha, bea mo hono ofefine, bea mo hono tokoua,

³Bea koeuhi ko hono tuofefine koe tāuboou, aia oku ofi kiate ia, bea kuo heeki ai hano unoho; oku gofua ene tae maa koeuhi koia.

⁴Kae oua naa ne fakauli‘i ia koeuhi ko ha taha eiki i hono kakai, ke ne taemaa ai.

⁵E ikai te nau tekefua ho nau ulu, be tele hono botu tuliki oe kava, be fai ha tafatafa‘i i ho nau jino.

⁶Te nau maonioni ki ho nau Otua, kae oua naa fakaogokovi‘i ae huafa o ho nau Otua: he koe gaahi feilaulau kia Jihova oku gaohi i he afi, bea oku nau atu ae ma a ho nau Otua; koia e maonioni ai akinautolu.

⁷E ikai te nau fakamau unoho mo ha fefine faa feauaki, be ha taelotu; bea oua naa nau ma‘u ae fefine kuo tukuage mei hono unoho: he oku maonioni ia ki hono Otua.

⁸Koia ke ke fakamaonioni‘i ia; he oku ne atu ae ma a ho Otua; e maonioni ia kiate koe: he ko au Jihova, oku ou fakamaonioni‘i akimoutolu, oku ou maonioni.

⁹Bea koe ofefine o ha taulaeiki, kabau oku ne fakahala‘i eia ia i he fai feauaki, oku ne fakahala‘i ene tamai: e tutu aki ia ae afi.

¹⁰Bea koia oku taulaeiki lahi i hono gaahi kaiga, aia nae ligi ki hono ulu ae lolo oe fakanofo, bea kuo fakatabu‘i ke ai ae gaahi kofu, e ikai too eia hono tatā, be hae hono kofu;

¹¹Bea e ikai te ne alu ia ki ha jino oku mate, be fakahala‘i eia ia koeuhi ko ene tamai, be ko ene fa‘e;

¹²Bea e ikai alu ia kituaa i he fale tabu, be fakahala‘i ae fale tabu o hono Otua; he koe tatā oe lolo tākai o hono Otua oku iate ia: Ko au ko Jihova.

¹³Bea te ne fili eia hono unoho koe tāuboou.

¹⁴Koe fefine baea, be koe fefine fakamavae, be koe taelotu, be koe feauaki, ko kinautolu ni e ikai te ne fili: kae ma‘u eia ha taahine mei hono kakai ko hono unoho.

¹⁵Bea e ikai te ne fakahala‘i eia hono hako i he lotolotoga o hono kakai: he ko au ko Jihova oku ou fakamaonioni‘i ia.

¹⁶Bea nae folofola a Jihova kia Mosese, o behe,

¹⁷Lea kia Elone, o behe, Koia i ho hako i ho nau toutagata kotoabe, oku iate ia hano mele, oua naa unuunu mai ia ke atu ae ma a hono Otua.

¹⁸He koe tagata koia oku ai hano mele, oua naa unuunu mai ia: koe tagata kui, be koe ketu, be koia oku ihu lafalafa, be ai haane aga oku kehe,

¹⁹Be ha tagata oku veefaji, be nima faji,

²⁰Ae tuabiko be koe kihi, be hagatamakia hono mata, be koe kama, be koe mogumagu, be koe tagabula.

²¹Iloga ae tagata i he fānau a Elone koe taulaeiki oku iate ia ha mele, ke oua naa unuunu mai ia ke atu kia Jihova ae feilaulau kuo gaohi aki ae afi: oku iate ia hano mele; e ikai ofi mai ia ke atu ae ma a hono Otua.

²²E kai eia ae ma a hono Otua, io, ae maonioni lahi, bea moe maonioni be.

²³Ka koeuhi be e ikai te ne alu ki he loto buibui, be hoko o ofi ki he feilaulauaga, koeuhi oku iate ia hano mele; ke oua naa fakahala‘i eia hoku gaahi botu tabu: he ko au ko Jihova oku ou fakamaonioni akinautolu.

²⁴Bea nae tala ia e Mosese kia Elone, bea ki hono gaahi foha, bea ki he fānau kotoabe a Isileli.