LEVITIKO 22:1-33 TON1884 - Bible AI

¹1 I he tae maa ae kau taulaeiki ke oua naa nau ala ki he gaahi mea maonioni. 6 E fakamaa fefe‘i akinautolu. 10 Koia oku i he fale oe taulaeiki oku gofua ke kai ae gaahi mea maonioni. 17 Ke tae hano mele ae gaahi feilaulau. 26 Ko hono motua oe mea feilaulau. 29 Koe fono ki he kai oe feilaulau fakafetai. BEA nae folofola a Jihova kia Mosese, o behe,

²Lea kia Elone bea ki hono gaahi foha, koeuhi ke nau fakamavae akinautolu mei he gaahi mea maonioni ae fānau a Isileli, bea ke oua naa nau fakahala‘i hoku huafa maonioni i he gaahi mea koia oku nau fakatabu‘i kiate au: Ko au ko Jihova.

³Tala kiate kinautolu, Koia iate kimoutolu i ho mou hako kotoabe i ho mou gaahi toutagata, oku alu ki he gaahi mea maonioni, aia oku fakatabu‘i e he fānau a Isileli kia Jihova, ka oku ne tae maa, e motuhi ae laumalie koia mei hoku ao: Ko au ko Jihova.

⁴Koe tagata koia i he hako o Elone oku kilia, be mahaki koe au; oua naa kai ia i he gaahi mea maonioni, kae oua ke maa ia. Bea mo ia oku ala ki ha mea tae maa i he mate, be i ha tagata oku au noa hono mahaki;

⁵Be ha taha oku ala ki ha mea totolo, aia e hoko o tae maa ai, be i ha tagata aia e hoko o bihia ai, i he mahaki oku tae maa ai ia;

⁶Koe tagata kuo ala ki ha mea behe e tae maa ia o a‘u ki he efiafi, bea e ikai kai eia ae gaahi mea maonioni, kae oua ke kaukau hono jino i he vai.

⁷Bea ka to ae laa, e toki maa ia, bea kai eia ae gaahi mea maonioni; he koeuhi ko ene mea kai ia.

⁸Koia oku mate mahaki be, be koia kuo haehae e he manu, oua naa ne kai ia ke fakahala ai ia: Ko au ko Jihova.

⁹Koia ke nau tauhi eku gaahi tuutuuni ni, telia naa nau halaia ai, bea mate ai, o kabau oku nau fakahala‘i ia: Ko au ko Jihova oku ou fakamaonioni‘i akinautolu.

¹⁰E ikai kai e ha muli ki he gaahi mea maonioni: koe aunofo ae taulaeiki, be koe tamaioeiki uga gaue, e ikai kai ia i he mea maonioni.

¹¹Bea kabau e fakatau ha toko taha e he taulaeiki aki ene baaga, e gofua ene kai aana, bea mo ia kuo fanau i hono fale: te na kai i he ene meakai.

¹²Bea kabau oku unoho ae ofefine oe taulaeiki moe tagata kehe, e ikai gofua a ene kai aana i he mea atu oe gaahi mea maonioni.

¹³Bea kabau koe fefine baea ae ofefine oe taulaeiki, be kuo fakamavae‘i bea ikai haa ne tamajii, bea kuo toe omi ia ki he fale o ene tamai, o hage ko ene kei jii, e kai ia i he meakai a ene tamai: kae oua naa kai ia e ha muli.

¹⁴Bea kabau e kai fainoa be e ha tagata ae mea maonioni, te ne fakalahi aki ia hono nima oe vahe o ia, bea atu ia ki he taulaeiki fakataha moe mea maonioni.

¹⁵Bea e ikai te nau fakahala‘i ae gaahi mea maonioni ae fānau a Isileli, aia oku nau atu kia Jihova:

¹⁶Be tuku akinautolu ke fua ae hia ae fai hala, i he e nau kai e nau gaahi mea maonioni: he ko au ko Jihova oku ou fakamaonioni‘i akinautolu.

¹⁷Bea nae folofola a Jihova kia Mosese, o behe,

¹⁸Lea kia Elone, bea ki hono gaahi foha, bea ki he fānau kotoabe a Isileli, bea ke behe kiate kinautolu, Iloga ae tagata i he fale o Isileli, be i he gaahi muli i Isileli, oku loto ke atu ene mea ofa i he ene gaahi fuakava, bea ki he ene gaahi mea oku atu loto ataatā be, aia oku nau atu kia Jihova koe feilaulau tutu:

¹⁹Ke mou atu o fai loto lelei be, ae manu tagata tae hano mele mei he faga bulu be koe faga sibi, be koe faga koji.

²⁰Ka koia oku ai hano mele, oua naa mou atu ia; koeuhi e ikai leleiia ai akimoutolu.

²¹Bea koia oku ne atu kia Jihova ae feilaulau oe gaahi mea fakamelino ke fakahoko aki ene fuakava, bea koe mea atu loto lelei i he faga bulu, be i he faga sibi, ke haohaoa ia koeuhi ke ma‘u lelei ia; oua naa i ai hano mele.

²²Koe kui, be koe faji, be koe mutu, be koe mea fufula, be koe kama, be koe mogumagu, oua naa mou atu mei ai kia Jihova, be fai aki ia ha feilaulau tutu aki ae afi ki he fuga feilaulauaga o Jihova.

²³Koe bulu be koe lami oku i ai ha mea kovi, be oku taehaohaoa i ha mea e taha, e gofua ke atu ia koe feilaulau loto ataatā ia: ka e ikai ma‘u lelei ia i he fuakava.

²⁴Oua naa mou atu kia Jihova aia kuo fakavolu, be kuo taomia, be kuo mafeji, be kuo mahifi; bea oua naa mou fai ha feilaulau aki ia i ho mou fonua.

²⁵Bea oua naa ke atu i he nima o ha muli ae mea kai a ho mou Otua i he gaahi mea ni; koeuhi oku i ai e nau kovi, bea oku i ai ae gaahi mele: e ikai aoga ia ma amoutolu.

²⁶Bea nae folofola a Jihova kia Mosese, o behe,

²⁷Oka fanau‘i ha bulu, be ha sibi, be ha koji, tuku ia ke aho fitu mo ene fa‘e: bea mei he aho valu o fai ai be e ma‘u lelei be ia koe feilaulau kuo gaohi aki ae afi kia Jihova.

²⁸Bea kabau ko ha bulu fefine ia be ha sibi fefine, oua naa mou tamate‘i ia mo hono uhiki i he aho be taha.

²⁹Bea ka mou ka loto ke atu ha feilaulau fakafetai kia Jihova, atu ia i he loto ataatā lelei be.

³⁰I he aho be koia e kai ia ke oji; oua naa mou tuku hono toe ki he abogibogi; Ko au ko Jihova.

³¹Koia ke mou tauhi ai eku gaahi fekau, mo fai ki ai; Ko au ko Jihova.

³²Bea oua naa mou fakahala‘i hoku huafa maonioni; kae abajia kiate au ae fānau a Isileli: Ko au ko Jihova aia oku ou fakatabu‘i akimoutolu;

³³Naaku omi akimoutolu mei he fonua ko Ijibite, ke hoko ko ho mou Otua: Ko au ko Jihova.