1
2Fekau ki he fānau a Isileli, koeuhi ke nau omi kiate koe ae lolo olive lelei kuo tuki ki he māma, koeuhi ke ulo lelei mau ai be ae māma.
3E teuteu ia e Elone i tua i he buibui oe fuakava i he fale fehikitaki oe kakai, mei he efiafi ki he bogibogi e fai mau ai be ia i he ao o Jihova; koe fekau fai mau be ia i ho mou toutagata kotoabe.
4Ke teu mau ai be eia ae gaahi foi māma ki he tuuga māma tabu i he ao o Jihova.
5Bea ke too ae mahoaa lelei, o gaohi aki ae foi ma e hogofulu ma ua: e ai ae oma e ua i he foi ma be taha.
6Bea te ke fokotuu ia i he otu e ua, ke taki ono i he otu be taha, ki he balebale maonioni i he ao o Jihova.
7Bea te ke ai ki he otu fakatouoji be ae laibeno moonia, koeuhi ke i he ma ia koe mea fakamanatu, io, koe feilaulau kuo gaohi aki ae afi kia Jihova.
8E ai ia o teuteu i he ao o Jihova o fai mau be i he sabate kotoabe, kuo too ia mei he fānau a Isileli i he fuakava oku taegata.
9Bea e ia Elone ia mo hono gaahi foha; bea ke nau kai ia i he botu maonioni: he koe mea maonioni lahi kiate ia i he gaahi feilaulau kia Jihova kuo gaohi aki ae afi i he fekau tuu mau.
10Bea nae alu kituaa moe fānau a Isileli ae tama ae fefine Isileli, ka ko ene tamai koe tagata Ijibite; bea koe tama ae fefine Isileli, moe tagata Isileli, naa na fekuki fakataha i he abitaga:
11Bea nae kabe ae tama ae fefine Isileli ki he huafa o Jihova o lea kovi. Bea naa nau omi ia kia Mosese, (bea koe higoa o ene fa‘e, ko Selomiti, koe ofefine o Tibili i he faahiga o Tani:)
12Bea naa nau tuku haijia ia, ke oua ke nau ilo ae finagalo o Jihova ki ai.
13Bea nae folofola a Jihova kia Mosese, o behe,
14Koia kuo kabe, omi ia kituaa mei he abitaga; bea ko kinautolu kotoabe nae fanogo ki ai ke hilifaki ho nau nima ki hono ulu, bea ke tologaki ia e he fakataha kotoabe aki ae maka.
15Bea ke lea koe ki he fānau a Isileli, o behe, Koia oku kabe‘i hono Otua e fua eia ene agahala.
16Bea koia oku ne kabe‘i ae huafa o Jihova, koe mooni e tamate‘i ia, e tologaki ia aki ae maka e he kakai kotoabe: koe muli ia be koia kuo tubu i he fonua, oka kabe‘i eia ae huafa o Jihova e tamate‘i ia.
17Bea koia oku ne tamate‘i ha tagata e tamate‘i mooni ia.
18Bea koia oku ne tamate‘i ha manu e totogi ke tatau ia; koe manu ki he manu.
19Bea kabau e fakamele‘i e ha tagata hono kaugaabi; e fai kiate ia o hage koia kuo ne fai;
20Koe lavea ki he lavea, koe mata ki he mata, koe nifo ki he nifo: o hage ko ene fakamele‘i ha tagata, e behe be hono fai kiate ia.
21Bea koia oku ne tamate‘i ha manu, e atu ke tatau ia: bea koia oku ne tamate‘i ha tagata, e tamate‘i ia.
22Ke mou ma‘u ae fono be taha, ki he muli, mo ia oku i ho mou fonua: he ko au ko Jihova ko ho mou Otua.
23Bea nae lea a Mosese ki he fānau a Isileli, koeuhi ke nau omi aia nae kabe kituaa mei he abitaga, o tologaki aki ia ae maka. Bea nae fai e he fānau a Isileli o hage koe fekau a Jihova kia Mosese.