LEVITIKO 26:1-46 TON1884 - Bible AI

¹1 Ki he tauhi otua loi. 2 Koe lotu. 3 Hono lelei oe fai talagofua. 14 Ko hono kovi oe liaki ae fekau. 40 Oku fakaha e he Otua e manatu‘i eia akinautolu oku fakatomala. E IKAI te mou gaohi ha mou otua loi, be ha fakatātā kuo togitogi, bea oua naa mou fokotuu hake ha mea fakatātā ke tuu, bea e ikai te mou fokotuu hake ha fakatātā maka i ho mou fonua, ke bunou hifo ki ai: he ko au Jihova ko ho mou Otua.

²Ke mou tauhi hoku gaahi sabate, bea fai fakaabaaba ki hoku fale tabu: Ko au ko Jihova.

³Kabau oku mou alu i he eku gaahi tuutuuni, bea tauhi eku gaahi fekau, bea fai ki ai;

⁴Teu tuku ai kiate kimoutolu ae uha i hono faahita‘u lelei, bea e tubu i he fonua a hono fua, bea e tubu mei he gaahi akau oe goue ho nau gaahi fua.

⁵Bea e hoko atu ho mou kuoga haha ki he tatao oe vaine, bea koe tatao vaine e hoko atu ia ki he tūtū‘i: bea te mou kai hoo mou ma bea makona, bea nofo fiemalie be i ho mou fonua.

⁶Bea teu foaki ae melino ki he fonua, bea te mou tokoto hifo, bea e ikai fakamanavahe‘i akimoutolu e ha toko taha: bea teu fakaseesee ae faga manu kovi mei he fonua, bea e ikai alu ae heleta o aji i ho mou fonua.

⁷Bea te mou tuli ho mou gaahi fili, bea te nau to i he heleta i ho mou ao.

⁸Bea e tuli e ho mou toko nima ae toko teau, bea koe toko teau o moutolu e hola ai ae toko mano: bea e higa ho mou gaahi fili i ho mou ao i he heleta.

⁹He teu tokaga kiate kimoutolu, o tabuaki akimoutolu, o fakatokolahi akimoutolu, o fakatuu mau eku fuakava mo kimoutolu.

¹⁰Bea te mou kai ae mea motua, bea omi ae mea motua koeuhi koe mea foou.

¹¹Bea teu fokotuu hoku fale fehikitaki iate kimoutolu: bea e ikai fehia hoku laumalie kiate kimoutolu.

¹²Bea teu eveeva iate kimoutolu, bea ko ho mou Otua au, bea te mou hoko ko hoku kakai.

¹³Ko au ko Jihova ko ho mou Otua, aia nae omi akimoutolu mei he fonua ko Ijibite, koeuhi ke oua naa mou nofo bobula kiate kinautolu; bea naaku feji‘i ae noo o hoo mou haamoga, o gaohi akimoutolu ke mou alu totonu.

¹⁴Bea kabau e ikai te mou tokaga kiate au, bea ikai fai ae gaahi fekau ni;

¹⁵Bea kabau te mou liaki eku gaahi tuutuuni ni, bea kabau e fehia ho mou laumalie ki he eku gaahi fakamāu, bea ikai te mou fai eku gaahi fekau kotoabe, ka mou liaki eku fuakava:

¹⁶Ko au foki teu fai eni kiate kimoutolu; Teu tuku kiate kimoutolu ae fakailifia, moe fakaauaujino, moe bubuke vela, aia e fakakui ai ho mata, bea ne laga‘i ae mamahi i loto: bea te mou tūtū‘i taeaoga hoo mou gaahi tega, koeuhi e kai ia e ho mou gaahi fili.

¹⁷Bea teu jio fakafulofula kiate kimoutolu, bea e tamate‘i akimoutolu i he ao o ho mou gaahi fili: e bule kiate kimoutolu akinautolu oku fehia kiate kimoutolu; bea te mou hola ka oku ikai tuli akimoutolu e ha toko taha.

¹⁸Bea kabau te mou jiaki kotoabe ia, o ikai jii tokaga kiate au, bea teu toki tautea akimoutolu ke tatuo fitu i hoo mou gaahi agahala.

¹⁹Bea teu feji‘i ae laukau o ho mou malohi; bea teu gaohi ho mou lagi ke hage koe ukamea, mo ho mou kelekele ke hage koe balasa:

²⁰Bea e fakaoji taeaoga ho mou malohi: koeuhi e ikai tuku hake e he fonua hono tubu, bea e ikai tubu i he gaahi akau oe fonua ho nau fua.

²¹Bea kabau te mou alu kehe be, bea ikai tokaga kiate au; teu omi kiate kimoutolu ae mamahi ke tatuo fitu o fakatatau mo hoo mou gaahi agahala.

²²Bea teu omi ae gaahi manu fekai kiate kimoutolu, aia e kaihaaji hoo mou fānau meiate kimoutolu, bea fakaauha hoo mou faga manu, o fakatokojii akimoutolu; bea e vaoa ho mou gaahi halamotua.

²³Bea kabau e ikai te mou tui kiate au i he gaahi mea ni o liliu ai, ka mou agatuu kiate au;

²⁴Behe teu alu hake foki kiate kimoutolu, bea teu tautea akimoutolu ke tatuo fitu i hoo mou gaahi agahala.

²⁵Bea teu omi ae heleta kiate kimoutolu, aia te ne totogi kiate kimoutolu i hono maumau‘i o eku fuakava: bea ka mou ka katoa fakataha i hoo mou gaahi kolo, teu fekau ae mahaki lahi kiate kimoutolu; bea e tukuage akimoutolu ki he nima oe fili.

²⁶Bea hili eku feji‘i ae tokotoko o hoo mou ma, koe kau fefine e toko hogofulu te nau ta‘o hoo mou ma i he gotoumu be taha, bea te nau toe atu fakatuhotuha be hoo mou ma kiate kimoutolu: bea te mou kai, kae ikai makona.

²⁷Bea kabau e ikai te mou tui kiate au ne ogo a eku fai eni kotoabe, ka mou fai kehe be kiate au:

²⁸Bea teu toki alu kehe be au iate kimoutolu i he houhau lahi: bea ko au, io, ko au teu tautea akimoutolu ke tatuo fitu i hoo mou gaahi agahala.

²⁹Bea te mou kai ae jino o ho mou gaahi foha, moe jino o ho mou gaahi ofefine te mou kai.

³⁰Bea teu maumau‘i ho mou gaahi botu maoluga, bea ta hifo hoo mou gaahi mea fakatātā, o laku ho mou gaahi agaaga ki he agaaga o ho mou gaahi otua loi, bea teu fākalilia kiate kimoutolu.

³¹Bea teu gaohi hoo mou gaahi kolo ke lala, bea teu tuku liaki be ho mou gaahi fale tabu, bea e ikai teu nanamu ki he namu kakala o hoo mou mea namu kakala.

³²Bea teu fakalala ae fonua; bea ko ho mou gaahi fili aia oku nofo ai te nau ofo ki ai.

³³Bea teu fakahe‘i akimoutolu ki he gaahi fonua taelotu, bea teu toho ae heleta ke tuli aki akimoutolu: bea e lala ho mou fonua, bea e liaki ho mou gaahi kolo.

³⁴Bea e toki ma‘u malie be e he fonua hono gaahi sabate, lolotoga a ene lala, ka oku mou i he fonua o ho mou fili akimoutolu; io, e toki mālōlō ae fonua, bea ma‘u be hono gaahi sabate.

³⁵Lolotoga hono tuku liaki ia e mālōlō; koeuhi nae ikai mālōlō ia i ho mou gaahi sabate, lolotoga a hoo mou nofo ki ai.

³⁶Bea kiate kinautolu oku moui mo toe iate kimoutolu teu tuku ae vaivai ki ho nau loto i he gaahi fonua o ho nau fili; bea koe mumuhu oe louakau viligia te ne tulia akinautolu; bea te nau hola o hage koe hola mei he heleta; bea te nau higa i he ikai tuli akinautolu e ha toko taha.

³⁷Bea te nau to o fetaotaomi be akinautolu, o hage koe to i he ao oe heleta, ka oku ikai ha toko taha oku tulia akinautolu: bea e ikai te mou ma‘u ha malohi ke tuu i he ao o ho mou fili:

³⁸Bea te mou auha i he gaahi fonua taelotu, bea koe fonua o ho mou gaahi fili te ne kai o oji akimoutolu.

³⁹Bea ko kinautolu oku toe iate kimoutolu te nau fakaaau o oji i he e nau hia i he fonua o ho mou fili: bea i he hia ae nau gaahi tamai foki te nau fakaaau o mole ai.

⁴⁰Kabau te nau vete e nau gaahi hia, bea moe hia ae nau gaahi tamai, moe nau gaahi fai hala aia kuo nau agahala ai kiate au, bea behe mai foki, kuo nau alu o agatuu kiate au;

⁴¹Bea kuou alu o fai kehe kiate kinautolu, bea kuou omi akinautolu ki he fonua o ho nau fili; kabau kuo toki fakavaivai a ho nau loto taekamu, bea nau ma‘u loto lelei ae tautea oe nau gaahi hia:

⁴²Behe teu manatu ai ki he eku fuakava kia Jekobe, bea mo eku fuakava mo Aisake, bea mo eku fuakava foki mo Ebalahame teu manatu‘i; bea teu manatu‘i ae fonua.

⁴³E tuku liaki be foki ae fonua ekinautolu, bea te ne ma‘u malie hono gaahi sabate, i he ene tuku liaki be ekinautolu: bea te nau tali lelei ae tautea oe nau hia: koeuhi, io, koe mea i he e nau liaki eku gaahi fono, bea koe mea i he e nau fehia ki he eku gaahi tuutuuni.

⁴⁴Ka ne ogo aeni kotoabe, oka nau ka i he fonua o ho nau fili, e ikai teu liaki akinautolu, bea e ikai teu fehia kiate kinautolu, ke fakaoji aubito akinautolu, bea ke liaki eku fuakava mo kinautolu: he ko au ko Jihova ko ho nau Otua.

⁴⁵Ka teu manatu koeuhi ko kinautolu, ki he fuakava ae nau uluaki mātua, aia naaku omi mei he fonua ko Ijibite i he ao oe kakai taelotu, koeuhi keu hoko ai ko ho nau Otua: Ko au ko Jihova.

⁴⁶Ko eni ae gaahi tuutuuni moe gaahi fono, moe gaahi fekau, aia nae fokotuu e Jihova ke kau kiate ia moe fānau a Isileli i he mouga ko Sainai i he nima o Mosese.