LEVITIKO 27:1-34 TON1884 - Bible AI

¹1 Koia oku fai eia ha fuakava e taha e a Jihova ia. 2 Ko hono fakatatau oe tagata. 9 Ki he manu oku atu moe fuakava. 14 Ki he fale. 16 Koe goue mo hono huhui o ia 28 Oua naa huhui ha mea tabu. 32 Oua naa fakakahe ae tukuhau. BEA nae folofola a Jihova kia Mosese, o behe,

²Lea ki he fānau a Isileli, o tala kiate kinautolu, Oka fai e ha tagata ha fuakava mamafa, e a Jihova ae tatau oe mea koia te ke lau ekoe.

³Bea ko hoo fakatatau ae tagata mei he ta‘u e uofulu o ene motua o a‘u ki he ta‘u e onogofulu o ene motua, io, ko hoo fakatatau koe sikeli siliva e fitugofulu, o fakatatau ki he sikeli oe fale tabu.

⁴Bea kabau koe fefine ia, ko hoo fakatatau, koe sikeli e tolugofulu.

⁵Bea kabau koe ta‘u e nima ene motua o a‘u ki he ta‘u e uofulu, bea ko hoo fakatatau ki he tagata koe sikeli e uofulu, bea ki he fefine koe sikeli e hogofulu.

⁶Bea kabau koe mahina be taha ene motua o a‘u ki he ta‘u e nima ene motua, bea ko hoo fakatatau ki he tagata koe sikeli siliva e nima, bea ko hoo fakatatau ki he fefine koe sikeli siliva e tolu.

⁷Bea kabau oku onogofulu ta‘u moe ta‘u niihi ene motua; kabau koe tagata, ko hoo fakatatau ki ai koe sikeli e hogofulu ma nima, bea ki he fefine koe sikeli e hogofulu.

⁸Bea kabau oku majiva aubito ia i he mea kuo ke lau, bea te ne fakaha ia i he ao oe taulaeiki, bea e fakatatau ia e he taulaeiki; bea ke fai e he taulaeiki i he ene fakatatau, o tāu mo hono mafai o ia aia naa ne fuakava.

⁹Bea kabau koe manu, aia oku omi e he kakai o atu kia Jihova, koia kotoabe oku foaki e ha tagata i he mea behe kia Jihova e tabu ia.

¹⁰E ikai te ne fakakehe ia, be fetogi ia, ae lelei ki he kovi, be ha kovi ki he lelei: bea kabau oku ne fetogi ae manu aki ae manu, bea koia mo ia nae fetogi aki ia e fakatou tabu ia.

¹¹Bea kabau koe manu tae maa ia, aia oku ikai te nau fai aki ha feilaulau kia Jihova, te ne toki atu ae manu i he ao oe taulaeiki:

¹²Bea ke fakatatau ia e he taulaeiki, be oku lelei be oku kovi: bea hage ko hoo fakatatau e koe oku taulaeiki koia be e fai.

¹³Bea kabau oku loto ia ke huhui ia, bea e fakalahi aki ia hono nima oe vahe ki hoo fakatatau.

¹⁴Bea kabau oku fakatabu‘i e ha tagata hono fale ke maonioni ia kia Jihova, bea ke fakatatau ia e he taulaeiki, be oku lelei ia be kovi: bea hage koia oku fakatatau ia ki ai, e mau be ia.

¹⁵Bea kabau oku loto aia naa ne fakatabu‘i ia ke huhui hono fale, bea e fakalahi aki ia hono nima oe vahe oe koloa o hoo fakatatau, bea e oona ia.

¹⁶Bea kabau oku fakatabu‘i e ha tagata kia Jihova ha botu goue i hono botu fonua, bea ko hoo fakatatau, e fakatatau ki he tega o ia: koe oma e taha oe tega‘i baale e fakatatau ia ki he sikeli siliva e nimagofulu.

¹⁷Kabau oku ne fakatabu ene goue mei he ta‘u oe jiubeli, e tuu mau ia o tatau mo hoo fakatatau.

¹⁸Bea kabau oku ne fakatabu‘i ene goue ka kuo hili ae jiubeli, bea e lau e he taulaeiki ae baaga kiate ia o fakatatau ki he gaahi ta‘u oku toe, io, o a‘u atu ki he ta‘u oe jiubeli, bea e fakajiijii ia mei hoo fakatatau.

¹⁹Bea koia naa ne fakatabu‘i ae goue, kabau oku tokaga ia ke huhui ia, bea ke fakalahi aki eia ia hono vahe nima oe koloa o hoo fakatatau, bea e hoko ia kiate ia.

²⁰Bea kabau oku ikai loto ia ke huhui ae goue, bea kabau kuo ne fakatau ia ki he tagata e taha, e ikai toe huhui ia.

²¹Ka koe goue i hono tukuage i he jiubeli, e tabu ia kia Jihova, o hage na goue kuo fakatabu‘i: e hoko ia ke oe taulaeiki.

²²Bea kabau oku ai ha tagata oku ne fakatabu‘i kia Jihova ae goue naa ne fakatau, aia oku ikai i he gaahi goue o hono tofia;

²³Bea e toki lau kiate ia e he taulaeiki hono fakatatau, io, o hoko ki he ta‘u oe jiubeli: bea te ne atu eia i he aho koia hoo fakatatau, koe mea tabu kia Jihova.

²⁴Bea i he ta‘u oe jiubeli e toe hoko ae goue kiate ia nae fakatau ia mei ai, io, kiate ia nae oona ae botu fonua koia.

²⁵Bea e fai o tāu moe sikeli oe fale tabu a hoo gaahi fakatatau kotoabe: e i he sikeli e taha ae kela e uofulu.

²⁶Ka koe gaahi uluaki fanau ae faga manu, aia oku totonu ke a Jihova ae uluaki tubu, ke oua naa fakatabu‘i ia e ha tagata e toko taha; be koe bulu ia, be ko ha sibi; oku a Jihova ia.

²⁷Bea kabau oku i he manu tae maa ia, bea e huhui ia o fakatatau ki hoo fakatatau, bea te ne fakalahi aki ia hono nima o hono vahe o ia: bea kabau e ikai huhui ia, bea e fakatau ia o hage ko hoo fakatatau.

²⁸Ka koe mooni e ikai fakatau be huhui ha mea e taha, aia kuo fakatabu‘i e ha tagata kia Jihova i he mea kotoabe oku ne ma‘u, i he tagata, be i he manu, be i he goue o hono botu fonua: koe mea fakatabu‘i kotoabe oku maonioni lahi ia kia Jihova.

²⁹E ikai huhui ha mea kuo fakatabu‘i aia kuo fakatabu e he tagata; ka e tamate‘i mooni ia.

³⁰Bea ko hono hogofulu oe vahe kotoabe oe fonua, be koe mea i he tega oe fonua, be i he gaahi fua oe akau oku a Jihova ia: oku maonioni ia kia Jihova.

³¹Bea kabau oku tokaga e ha tagata ke huhui ae mea niihi i hono hogofulu oe vahe, e fakalahi aki eia ia hono nima oe vahe o ia.

³²Bea koe mea i hono hogofulu oe vahe i he faga manu lalahi, be i he faga manu jii, io, i he manu kotoabe oku alu i lalo i he vaaakau, e maonioni hono hogofulu kia Jihova.

³³E ikai te ne kumi ke ilo be oku lelei be oku kovi ia, bea e ikai te ne fetogi ia: bea kabau oku ne fetogi ia, bea koia mo ia nae fetogi aki e fakatou maonioni ia; e ikai huhui ia.

³⁴Ko eni ae gaahi fekau, aia nae fekau e Jihova kia Mosese ki he fānau a Isileli i he mouga ko Sainai.