LEVITIKO 3:1-17 TON1884 - Bible AI

¹1 Koe feilaulau fakalelei mei he faga manu lalahi, 6 oe faga manu jii, 7 ae lami, 12 be koe hoji. BEA kabau ko ene feilaulau koe feilaulau fakalelei, bea kabau oku atu ia mei he faga manu lalahi; kabau ko ha tagata be ha fefine, e atu ia, i he ao o Jihova tae hano mele.

²Bea e hilifaki eia hono nima ki he ulu o ene feilaulau, bea e tamate‘i ia i he mataba oe fale fehikitaki oe kakai; bea koe gaahi foha o Elone koe kau taulaeiki te nau luluku fakatakamilo ae feilaulauaga aki ae toto.

³Bea e atu eia i he feilaulau oe feilaulau fakalelei ae feilaulau kuo gaohi aki ae afi kia Jihova; ae bunukete, moe gako kotoabe oku i loto,

⁴Bea moe kofuua e ua, moe gako oku i ai, aia oku i he gutukete, bea koe ahu i oluga i he ate, moe kofuua, e too ia o ave.

⁵Bea e tutu ia e he gaahi foha o Elone, i he fuga feilaulauaga moe feilaulau tutu, aia kuo hili ki he fefie oku i he afi; koe feilaulau ia kuo gaohi aki ae afi, koe mea namu kakala kia Jihova.

⁶Bea kabau ko ene feilaulau koe feilaulau fakalelei kia Jihova, mei he faga manu jii, koe tagata be koe fefine, e atu ia tae hano mele.

⁷Kabau oku ne atu ha lami ko ene feilaulau, behe te ne atu ia i he ao o Jihova.

⁸Bea e hili eia hono nima ki he ulu o ene feilaulau, bea e tamate‘i ia i he mata fale fehikitaki oe kakai, bea e luluku takatakai aki hono toto ae fuga feilaulauaga e he gaahi foha o Elone.

⁹Bea e atu eia i he feilaulau oe fakalelei ae feilaulau kuo gaohi aki ae afi kia Jihova: ko hono gako o ia, mo hono iku kotoa e too o motuhi mei he tuugaiku: moe bunukete, moe gako kotoabe oku i loto,

¹⁰Moe kofuua e ua, moe gako oku i ai, aia oku i he gutukete, moe ahu i oluga i he ate, moe kofuua, e too ia o ave.

¹¹Bea e tutu ia e he taulaeiki i he fuga feilaulauaga: koe meakai ia oe feilaulau kuo gaohi aki ae afi kia Jihova.

¹²Bea kabau koe koji a ene feilaulau, bea e atu ia i he ao o Jihova.

¹³Bea e hili eia hono nima ki hono ulu, o tamate‘i ia i he mata fale fehikitaki oe kakai: bea e luluku takatakai aki hono toto o ia e he gaahi foha o Elone ae fuga feilaulauaga.

¹⁴Bea e atu eia mei ai a ene feilaulau, koe feilaulau kuo gaohi aki ae afi kia Jihova; koe bunukete, moe gako kotoabe oku i loto,

¹⁵Moe kofuua e ua, moe gako oku i ai, aia oku i he gutukete, moe ahu i oluga i he ate, moe kofuua, e too ia o ave.

¹⁶Bea e tutu ia e he taulaeiki ki he fuga oe feilaulauga: koe meakai ia oe feilaulau kuo gaohi aki ae afi, koe mea namu kakala: oku a Jihova ae gako kotoabe.

¹⁷Koe tuutuuni taegata ia ki ho mou gaahi toutagata i ho mou gaahi nofoaga, koeuhi ke oua naa mou kai gako be koe toto.