LOMA 1:1-32 TON1884 - Bible AI

¹1 Oku fakaogolelei e Baula ae fili ia ki he kakai Loma. 9 mo ene holi ke hoko atu kiate kinautolu. 16 Koe ogoogolelei moe fakatonuhia oku fakailo ai. 18 Oku houhau ae Otua ki he gaahi agahala kotoabe. 21 Koe agahala ae kakai Jenitaile. KO AU BAULA koe tamaioeiki a Jisu Kalaisi, kuo fili koe abosetolo, mo vahe‘i ki he ogoogolelei ae Otua,

²(Aia naa ne fakailo i mu‘a i he ene kau balofita i he gaahi tohi maonioni,)

³Oku kau ki hono Alo ko Jisu Kalaisi ko ho tau Eiki, aia nae fakatubu hono jino i he hako o Tevita;

⁴Bea fakaha fakababau aki ae malohi, i he toetuu mei he mate, koe Alo ia oe Otua, o fakatatau ki he laumalie oe maonioni:

⁵Aia kuo mau ma‘u ai ae aloofa moe gaue fakaabosetolo, ke ai ha talagofua ki he tui i he gaahi buleaga kotoabe, koeuhi ko hono huafa:

⁶Bea oku mou iate kinautolu foki koe fili e Jisu Kalaisi:

⁷Kiate kimoutolu kotoabe oku i Loma, oku ofeina e he Otua, kuo ui ke maonioni: ke iate kimoutolu ae aloofa moe monuia mei he Otua koe tau Tamai, bea moe Eiki ko Jisu Kalaisi.

⁸Oku ou fuofua fakafetai ki hoku Otua ia Jisu Kalaisi koeuhi ko kimoutolu kotoabe, he oku ogoogoa hoo mou tui i mamani kotoabe.

⁹He koe Otua, aia oku ou tauhi aki hoku laumalie i he ogoogolelei o hono Alo, ko hoku fakamooni ia, oku ou fakamanatu‘i mau ai be akimoutolu i he eku gaahi lotu;

¹⁰O kole taetuku, o kabau e mafai, keu lava‘i eni ha fonoga lelei kiate kimoutolu i he finagalo oe Otua.

¹¹He oku ou holi lahi ke mamata kiate kimoutolu, koeuhi keu atu kiate kimoutolu ha foaki fakalaumalie, koe mea ke fakatuu mau ai be akimoutolu;

¹²Koeuhi ke tau fiemalie fakataha mo kimoutolu, i he tui be taha a moutolu mo au.

¹³Bea koeni, e kaiga, oku ikai teu loto ke mou taeilo, nae liuga lahi eku tokaga keu alu atu kiate kimoutolu, koeuhi keu ma‘u ha fua iate kimoutolu foki, o hage koe gaahi Jenitaile kehekehe, ka kuo taofia au.

¹⁴Koe tuku totogi au ki he kakai Kiliki, moe kakai muli; ki he boto, moe taeboto.

¹⁵Koia oku ou loto keu malaga aki ae ogoogolelei kiate kimoutolu oku i Loma foki, o fakatatau ki he eku faa fai.

¹⁶He oku ikai teu ma i he ogoogolelei o Kalaisi: he koe malohi ia oe Otua ki he fakamoui kiate kinautolu kotoabe oku tui; o muomua ki he Jiu, bea ki he Kiliki foki.

¹⁷He oku fakamatala ai ae fakatonuhia‘i e he Otua i he tui ki he tui: o hage koia kuo tohi, Koe tonuhia e moui i he tui.

¹⁸He oku fakaha mei he lagi ae houhau oe Otua ki he taelotu moe taemaonioni kotoabe oe kakai, akinautolu oku taofi ki he mooni i he taemaonioni;

¹⁹Koeuhi koia oku ilogofua i he Otua kuo ha ia iate kinautolu; he kuo fakaha ia e he Otua kiate kinautolu;

²⁰He koe gaahi mea tae ha mai aana, aia ko ene mafimafi taegata mo hono Otua, kuo ilogofua ia i hono gaohi o mamani, oku ilo‘i ia mei he gaahi mea kuo gaohi; koia oku ikai ai ha nau haoaga:

²¹Koeuhi i he e nau ilo ae Otua, nae ikai te nau fakaabaaba be fakafetai, ke tāu moe Otua; ka nae hoko o vale e nau gaahi mahalo, bea fakabouli mo ho nau loto vale.

²²Bea i he e nau bole koe boto akinautolu, naa nau liliu ai koe vale,

²³O nau fetogi ae nāunāu oe Otua tae faa auauha aki ae fakatātā kuo gaohi ke tatau be moe tagata oku faa auauha, moe faga manu buna, moe faga manu vee fa, moe gaahi mea totolo.

²⁴Koia nae fakatukutuku‘i ai e he Otua akinautolu ki he fakalielia i he gaahi holi kovi a ho nau loto, ke fefa-kalielia‘i ho nau jino iate kinautolu:

²⁵Koe mea i he e nau fetogi ae Otua mooni aki ae loi, bea nae lahi hake e nau hu mo tauhi ki he mea kuo gaohi, kae jiaki ae Tubuaga, aia oku monuia o taegata, Emeni.

²⁶Koia nae fakatukutuku‘i ai akinautolu e he Otua ki he gaahi holi kovi: he naa moe nau kau fefine, naa nau liaki aia oku totonu, kae fai aia oku taetāu mo e tau aga:

²⁷Bea behe foki e he kau tagata, e nau jiaki ae kau fefine, o nau vela i he e nau feholi kovi aki iate kinautolu; o fefaiaki e he kau tagata aia oku taegali, bea naa nau ma‘u kiate kinautolu ae totogi totonu oe nau fai hala koia.

²⁸Bea i he ikai te nau loto ke ilo‘i ae Otua, nae fakatukutuku‘i akinautolu e he Otua ki he loto kovi, ke fai ae gaahi mea koia oku ikai gali;

²⁹Kuo fakafonu aki ae taemaonioni kotoabe, moe feauaki, moe agakovi, moe manumanu, moe fakafajifaji; o fonu i he meheka, moe fakabo, moe feiteitani, moe kākā, moe fajituu;

³⁰Koe kau fefanafanahi kovi, moe kau fakakovi, moe kau fehia ki he Otua, moe fakamalohi, moe laukau, moe kau bolebole, moe kau fakatubu oe gaahi mea kovi, moe talagataa ki he mātua:

³¹Koe taeboto, koe kau maumau fuakava, mo taema‘u ae ofa fakafeo-foofani koe agafakamolokau, moe taemanavaofa:

³²Akinautolu oku nau ilo ae tuutuuni ae Otua, kuo totonu ke mate akinautolu oku fai ae gaahi mea behe, bea oku ikai ke gata i he e nau fai behe be, ka oku nau kau malie foki mo kinautolu oku fai ia.