LOMA 11:1-36 TON1884 - Bible AI

¹1 Oku ikai liaki e he Otua a Isileli kotoabe. 7 Nae fili ae niihi, bea fakafefeka ae niihi. 16 Oku amanaki lelei ki he e nau liliu o lelei. 18 Oku ikai lelei ke vikiviki ae Jenitaile kiate kinautolu: 26 he oku ai ha talaofa o hoo nau fakamoui. 33 Koe gaahi fakamāu ae Otua oku tae faa eke ke ilo. HE oku ou behe, Kuo jiaki e he Otua hono kakai? Ikai aubito. He koe Isileli foki au, mei he hako o Ebalahame, i he faahiga o Benijimani.

²Kuo ikai jiaki e he Otua hono kakai naa ne muaki ilo. Ikai te mou ilo ae lea ae tohi kia Ilaija? a ene hanu ki he Otua koeuhi ko Isileli, o behe,

³Eiki, kuo nau tamate‘i hoo kau balofita, bea nau holoki hifo a ho gaahi ejifeilaulau; bea oku ou toe toko taha be, bea oku nau kumi ki he eku moui.

⁴Ka koeha ae folofola nae tali aki ia e he Otua? Kuou fakatoe kiate au ae kau tagata e toko fitu afe, kuo ikai te nau tuulutui kia Beali.

⁵Bea koeni, oku behe foki i he kuoga ni, oku ai ae toega o fakatatau ki he fili i he ofa.

⁶Bea kabau oku i he ofa, bea ta oku ikai kei i he gaahi gaue: ka ikai, bea oku ikai kei ofa ae ofa. Bea kabau oku i he gaahi gaue ia, behe, oku ikai kei i he ofa ia: ka ikai, ta oku ikai kei koe gaue ae gaue.

⁷Ka koia bea ha? Kuo ikai lava‘i ia e Isileli aia ne ne kumi ki ai; ka kuo lava‘i ia e he kakai kuo fili, bea ko hono toe kuo fakafefeka,

⁸(O hage koia kuo tohi, Kuo tuku e he Otua kiate kinautolu ae laumalie tulemohe, koe mata kae ikai te nau mamata, moe teliga kae ikai te nau fanogo;) o a‘u ki he aho ni.

⁹Bea oku behe e Tevita, Ke hoko ho nau keinagaaga koe hele, moe tauhele, moe tūkiaaga, moe totogi, kiate kinautolu:

¹⁰Tuku ke fakabouli ho nau mata, ke oua naa nau mamata, bea mabelu mau ai be ho nau tua.

¹¹Bea oku ou behe, Kuo nau tūkia ke nau matuaki higa? Ikai aubito: ka i he e nau fai hala kuo hoko ae fakamoui ki he kakai Jenitaile, ke ue‘i akinautolu ki he fuaa.

¹²Bea koeni, kabau koe nau fai hala koe fakakoloaia ia o mamani, bea ko ho nau fakamajiva‘i koe koloaia oe kakai Jenitaile; bea e fefe‘i ai oka nau ka mahu?

¹³He oku ou lea kiate kimoutolu ae kakai Jenitaile, he koe abosetolo au oe kakai Jenitaile, bea oku ou fakaogolelei a eku gaue:

¹⁴O kabau teu mafai i ha mea ke ue‘i ke fuaa akinautolu oku o hoku kakano, beau fakamoui ho nau niihi.

¹⁵He kabau ko ho nau jiaki, koe fakalelei ia o mamani, bea koeha ho nau toe ma‘u mai, ka koe moui mei he mate?

¹⁶He kabau oku maonioni ae uluaki fua, oku behe foki mo hono kotoa: bea kabau oku maonioni ae tefito, oku behe moe gaahi vaa.

¹⁷Bea kabau ne motuhi ae vaa niihi, bea kuo fakahoko koe kiate kinautolu, ka koe olive vao be koe, bea ke ma‘u ekoe fakataha mo kinautolu hono tefito mo hono huhua oe akau koe olive;

¹⁸Oua naa ke bolebole ki he gaahi vaa. Bea ne ogo hoo bolebole, oku ikai ke moui ae tefito iate koe, ka ko koe i he tefito.

¹⁹Bea te ke behe nai, Ne motuhi ae gaahi vaa, koeuhi kae fakahoko au.

²⁰Koe mooni; koe mea i he taetui nae motuhi akinautolu, bea oku ke tuu koe i he tui. Oua naa ke loto lahi, ka ke manavahe:

²¹He kabau nae ikai mamae ae Otua ki he gaahi vaa totonu, vakai naa ikai te ne mamae kiate koe.

²²Koia vakai ki he agalelei moe houhau oe Otua: koe houhau kiate kinautolu nae higa; ka koe agalelei kiate koe, o kabau te ke tuu mau i he agalelei: ka ikai, bea e motuhi ai foki mo koe.

²³Bea ko kinautolu foki e fakahoko, o kabau e ikai te nau nofo mau i he taetui, he oku faa fai e he Otua ke toe fakahoko akinautolu.

²⁴He kabau nae tutuu koe mei he akau koe olive aia ko hono aga ke tubu vao be, bea fakahoko koe ki he olive lelei kae ikai tatau mo hono aga: e ikai faigofua hake ae fakahoko oe gaahi vaa mooni ki ho nau olive o nautolu?

²⁵He oku ikai teu loto, e kaiga, ke mou taeilo ae mea lilo ni, telia naa mou fielahi iate kimoutolu; kuo fakakui ae niihi o Isileli, kae oua ke hokojia hono fakakatoa mai oe kakai Jenitaile.

²⁶Bea e fakamoui a Isileli kotoabe: o hage koia kuo tohi, E ha‘u mei Saione ae Fakamoui, bea e fakafoki eia ae agahala mei a Jekobe:

²⁷He ko eku fuakava eni mo kinautolu, okau ka ave e nau gaahi agahala.

²⁸Koe gaahi fili akinautolu ki he ogoogolelei, kae aoga kiate kimoutolu: ka koe mea i he fili, kuo ofeina akinautolu koeuhi koe gaahi tamai.

²⁹He koe gaahi foaki moe ui ae Otua, oku ikai ha fakatomala ki ai.

³⁰He oku hage ko kimoutolu i mua, nae ikai te mou talagofua ki he Otua, ka ko eni kuo mou ma‘u ae aloofa koe mea i he e nau talagataa:

³¹Oku behe foki, oku ikai eni ke talagofua akinautolu ni, ka, koe mea i he aloofa kiate kimoutolu, te nau lava‘i foki ae aloofa.

³²He kuo tuku e he Otua ke moua akinautolu kotoabe ki he talagataa, koeuhi ka ne aloofa ki ai kotoabe.

³³Oiaue! hono loloto oe koloaia ae boto moe ilo ae Otua! oku tae faa eke a ene gaahi tuutuuni, bea tae faa iloa mo hono gaahi aluaga!

³⁴He kohai kuo ne ilo ae finagalo oe Eiki? be kohai kuo akonaki‘i kiate ia?

³⁵Bea kohai ne tomua foaki kiate ia, bea e toe totogi ia kiate ia?

³⁶He oku tubuga meiate ia, bea oku mau be iate ia, bea e iku kiate ia, ae gaahi mea kotoabe: aia ke i ai ae fakaabaaba o taegata. Emeni.