LOMA 12:1-21 TON1884 - Bible AI

¹Koe gaahi agaofa ae Otua oku totonu ene ue‘i akitautolu ke tau ofa kiate ia. 3 Oua naa mahalo lelei lahi e ha tagata kiate ia, 6 kae tokaga na tagata kotoabe ki he faiva koia kuo tuku ia ki ai. 9 Oku totonu ke ai ae ofa moe gaahi gaue kehekehe iate kitautolu. 19 Oku taofi totonu ae fakafajifaji. KOENI, e kaiga, oku ou kole ai kiate kimoutolu, koe mea i he gaahi aloofa ogogofua ae Otua, ke mou atu ho mou jino koe feilaulau moui, mo maonioni, mo lelei ki he Otua, aia koe gaue oku tāu mo kimoutolu ke fai.

²Bea oua naa fakatatau akimoutolu ki he mamani: ka ke matuaki liliu akimoutolu i he fakafoou o ho mou loto, koeuhi ke mou ilo bau ae finagalo koia oe Otua, a hono lelei, mo hono aoga, mo hono haohaoa.

³He koe mea i he ofa kuo foaki kiate au, oku ou tala atu ai ki he tagata taki taha kotoabe oku iate kimoutolu, ke oua naa lelei lahi ene mahalo kiate ia i he mahalo oku totonu; ka ke mahalo fakabotoboto, o fakatatau ki hono lahi oe tui kuo vahe‘i e he Otua ki he tagata taki taha.

⁴He oku hage oku i ho tau jino be taha ae gaahi kubu lahi, ka oku ikai fai ae gaue tatau be e he kubu kotoabe:

⁵Oku behe foki akitautolu, koe toko lahi, ka koe jino be taha ia Kalaisi, bea oku tau feaogaaki fakataha ae kubu kotoabe.

⁶Koia i he e tau ma‘u ae gaahi foaki oku fai kehekehe, o tāu moe ofa kuo foaki kiate kitautolu, kabau koe kikite, tau fai ia o fakatatau mo hono lahi oe tui;

⁷Be koe tauhi, tau fai ae tauhi: be ko ia oku akonaki, ke fai ene akonaki;

⁸Be ko ia oku ekinaki, ke ne ekinaki: ko ia oku foaki, ke fai ia o agatotonu; ko ia oku bule, ke faa fai ia; ko ia oku fai ofa, ke fai i he fiefie fai.

⁹Ke taemalualoi ae ofa. Fehia ki he mea oku kovi; biki mau ki he mea oku lelei.

¹⁰Ke mou feofaaki akimoutolu i he ofa fakakaiga; o mou felotoleleiaki i he fefakaabaabaaki kiate kimoutolu;

¹¹Oua naa fakabikobiko i he gaue: ka mou loto vela; o tauhi ki he Eiki;

¹²O fiefia i he amanaki lelei; bea faa kataki i he mamahi; bea fai mau o fakakukafi i he lotu;

¹³Tufaki ki he majiva oe kaiga maonioni; tuli ki he agaofa.

¹⁴Tabuaki akinautolu oku fakataga akimoutolu: tabuaki‘i, bea oua naa kabea.

¹⁵Fiefia mo kinautolu oku fiefia, bea tagi mo kinautolu oku tagi.

¹⁶Ke felototahaaki akimoutolu. Oua naa tokaga ki he gaahi mea maoluga, kae tataki akimoutolu ki he gaahi mea māulalo. Bea oua naa mou fieboto iate kimoutolu.

¹⁷Oua naa totogi ae kovi aki ae kovi ki ha taha. Fifili ki he gaahi mea oku lelei i he ao oe kakai kotoabe.

¹⁸Bea kabau e faa lava‘i, mou moui melino be moe kakai kotoabe.

¹⁹Ae kaiga ofeina, oua naa mou fai ae totogi koeuhi ko kimoutolu, ka mou fakaataatā ki he houhau: he kuo tohi, Oku aaku ae totogi; oku behe e he Eiki, teu totogi be eau.

²⁰Koia kabau oku fiekaia ho fili, fafaga ia; kabau oku fieinu, atu ha inu kiate ia: koeuhi i hoo fai behe, te ke fokotuu ae malala‘i afi ki hono ulu.

²¹Oua naa ikuna koe e he kovi, kae ikuna ae kovi aki ae lelei.