LOMA 13:1-14 TON1884 - Bible AI

¹1 Koe aganofo, moe gaahi gaue kehekehe, oku totonu ke tau fai ki he bule 8 Koe fakamooni ki he fono ae ofa. 11 Koe uakai moe kona, moe gaahi gaue oe bouli, oku taegali aubito i he kuoga oe ogoogolelei. KE fakavaivai ae tagata kotoabe ki ke bule oku maoluga. He oku ikai ha bule kae mei he Otua: bea koe kau bule oku ai, oku tuutuuni ia e he Otua.

²Ko ia oku agatuu ki he bule, oku agatuu ki he tuutuuni ae Otua: bea ko kinautolu oku agatuu, te nau ma‘u kiate kinautolu ae tautea.

³He koe kau bule oku ikai koe fakailifia ki he gaahi gaue lelei, ka ki he kovi. Bea ko ho loto ke oua naa manavahe koe ki he bule? fai aia oku lelei, bea te ke ma‘u mei ai ae fakamalo:

⁴He koe tamaioeiki ae Otua ia kiate koe ki he lelei. Bea kabau oku ke fai aia oku kovi, ke ke manavahe; he oku ikai ke too noabe eia ae heleta: he koe tamaioeiki ia ae Otua, koe fai totogi ia ke tautea kiate ia oku fai kovi.

⁵Koia oku totonu ke mou fakavaivai, o ikai be naa ai ha tautea, ka koeuhi ko hono totonu.

⁶Koe mea koia ke mou atu ai ae tukuhau foki: he koe kau tamaioeiki ae Otua akinautolu, oku tokaga o fai mau ki he mea ni be.

⁷Koia ke atu ki he kakai kotoabe aia oku totonu: ae tukuhau kiate ia oku totonu ki ai ae tukuhau; koe totogi kiate ia oku aana totonu ae totogi; koe manavahe kiate ia oku aana totonu ae manavahe; moe fakaabaaba kiate ia oku aana totonu ae fakaabaaba.

⁸Oua naa taetotogi ha mea ki ha taha, ka mou feofaaki be kiate kimoutolu: he ko ia oku ofa ki ha toko taha, kuo fakamooni ia ki he fono.

⁹Koia foki, Oua naa ke tono fefine, Oua naa ke fakabo, Oua naa ke kaihaa, Oua naa ke fakamooni loi, Oua naa ke manumanu; bea ka ai mo ha fekau kehe, oku lau fakataha ia i he fekau ni, aeni, Ke ke ofa ki ho kaugaabi o hage be ko koe.

¹⁰Oku ikai fai e he ofa ha kovi ki hono kaugaabi: koia koe ofa ko hono fakamooni ia oe fono.

¹¹Bea ajili be i hoo mou ilo ae kuoga, kuo hokojia aubito ae feituulaa ke a ai mei he mohe: he oku ofi lahi eni ho tau fakamoui, i he e tau tomua tui.

¹²Kuo tei oji ae bo, oku ofi ae aho: koia ke tau liaki ae gaahi gaue oe bouli, bea tau ai ae mahafu oe māma.

¹³Ke tau felaka‘i o matamata lelei, o tāu moe aho; ikai i he katoaga kai moe faa kona, be i he feauaki moe agafa-kalielia, bea ikai i he fekeikei moe meheka.

¹⁴Ka ke ai ekimoutolu ae Eiki ko Jisu Kalaisi, bea oua naa tokonaki ma ae gaahi holi oe kakano.