LOMA 14:1-23 TON1884 - Bible AI

¹3 Oku ikai lelei ke fefakaaga aki be i he gaahi mea taemahuiga: 13 kae vakai ke oua naa fakatubu ai ae he: 15 he oku fakaha e he abosetolo i he gaahi mea lahi oku ikai gofua ia. KO ia oku vaivai i he tui mou ma‘u, kae ikai i he fakakikihi taeaoga.

²He oku tui ae toko taha oku gofua ene kai ki he gaahi mea kotoabe: ka koe toko taha oku vaivai, oku kai mei he goue be.

³Ke oua naa manuki aia oku kai kiate ia oku ikai kai; bea oua naa fakamāu aia oku ikai kai kiate ia oku kai: he kuo ma‘u ia e he Otua.

⁴Kohai koe, oku ke fakamāu‘i ae tamaioeiki ae tagata kehe? oku i he ene eiki be aana a ene tuu be higa. Io, e boubou hake ia: he oku mafai e he Otua ke fakatuu mau ia.

⁵Oku manako e he tagata e taha ki he aho e taha i he aho e taha: ka koe taha kehe oku manako be ia ki he aho kotoabe. Ke fifili bau be ae tagata kotoabe i hono loto oona.

⁶Ko ia oku ne tokaga ki he aho, oku ne tokaga ki ai koeuhi koe Eiki; bea ko ia oku ikai tokaga ki he aho, oku ikai tokaga ki ai ia koeuhi koe Eiki. Ko ia oku kai, oku ne kai koeuhi koe Eiki, bea oku ne atu ae fakafetai ki he Otua; bea ko ia oku ikai te ne kai, oku ikai te ne kai koeuhi koe Eiki, bea oku ne atu ae fakafetai ki he Otua.

⁷He oku ikai ha taha iate kitautolu oku moui kiate ia be, bea oku ikai ha taha oku mate kiate ia be.

⁸He kabau oku tau moui, oku tau moui ki he Eiki; bea kabau oku tau mate, oku tau mate ki he Eiki: koia, ka tau ka moui, be mate, oku ae Eiki akitautolu.

⁹He ko eni ae mea nae bekia ai a Kalaisi, mo toe tuu, o toe moui, koeuhi ke Eiki ia ki he mate moe moui.

¹⁰Ka koeha oku ke fakamāu ai ho tokoua? bea koeha oku ke manuki ai ki ho tokoua? he te tau tutuu kotoabe i he fakamāuaga o Kalaisi.

¹¹He kuo tohi, Oku behe e he Eiki, Ko au oku ou moui, e beluki ae tui kotoabe kiate au, bea e vete ae elelo kotoabe ki he Otua.

¹²Koia te tau fakamatala atu taki taha kotoabe ia ki he Otua.

¹³Koia ke oua naa tau kei fefaka-māuaki akitautolu: kae fakamāu mu‘a eni, koeuhi ke oua naa ai e ha taha ha tūkiaaga be ha mea ke fakahiga aki a hono tokoua.

¹⁴Oku ou ilo, bea kuou ma‘u bau mei he Eiki ko Jisu, koeuhi oku ikai ha mea oku taemaa tungaa be: ka ko ia oku ne lau ha mea koe taemaa, oku taemaa ia kiate ia.

¹⁵Bea kabau oku mamahi ho tokoua koeuhi koe mea kai, oku ikai ai te ke laka o tāu moe ofa. Oua naa ke fakaauha ia aki hoo mea kai, aia nae bekia ai a Kalaisi.

¹⁶Koia ke oua naa tuku ke lauikovi‘i a hoo mou lelei.

¹⁷He koe buleaga oe Otua, oku ikai koe mea kai be koe inu; ka koe maonioni, moe melino, moe fiefia i he Laumalie Maonioni.

¹⁸Bea koia oku ne tauhi a Kalaisi i he gaahi mea ni, oku aoga ia ki he Otua, bea lelei ki he kakai.

¹⁹Koia ke tau tuli ki he gaahi mea fakamelino, meo gaahi mea te tau felagaaki hake ai akitautolu.

²⁰Oua naa ke maumau ae gaue ae Otua koeuhi koe mea kai. Koe mooni oku gofua ae mea kotoabe; ka koe kovi ia ki he tagata koia oku ne kai ke fakahala‘i.

²¹Oku lelei ke oua naa kai kakano, be inu uaine, be fai ha mea e humu ai ho tokoua, be tūkia ai, be vaivai ai.

²²Oku iate koe ae tui? ma‘u ia kiate koe i he ao oe Otua. Oku monuia ia oku ikai ke valoki‘i ia e hono loto i he mea koia oku ne fai.

²³Ka ko ia oku lotolotoua, oku halaia ia, o kabau te ne kai, koeuhi oku ikai kai ia i he tui: he koia oku ikai i he tui, koe agahala ia.