LOMA 16:1-27 TON1884 - Bible AI

¹3 Oku loto a Baula ki he kaiga ke nau tala ene ofa ki ke toko lahi. 17 o ne ako‘i akinautolu ke nau vakai telia akinautolu oku fakatubu mavahevahe moe mea fakahe, 21 oku fakaha ene ofa ki he kaiga, bea toki fakaoji aki ae fakamalo moe fakafetai ki he Otua. OKU ou fakaogolelei atu kiate kimoutolu a Fibe, ko ho tau tuofefine, aia koe tauhi i he jiaji oku i Senikelea:

²Koeuhi ke mou ma‘u ia i he Eiki, o tāu moe kaiga maonioni, bea ke mou tokoni ia i he gaue kotoabe te mou aoga ai kiate ia: he kuo ne tokoni‘i ae toko lahi, bea mo au foki.

³Tala eku ofa kia Bisila mo Akuila, ko eku kauga gaue ia Kalaisi Jisu:

⁴(Akinaua naa na tuku hifo ho na kia koeuhi ko eku moui: bea oku ikai ko au be oku fakafetai kiate kinaua, ka koe gaahi jiaji kotoabe oe kakai Jenitaile).

⁵Bea ke tala atu eku ofa ki he jiaji oku i ho na fale. Tala eku ofa kia Ibeni-tusi, oku ou ofa ki ai, he koe uluaki fua ia kia Kalaisi i Akeia.

⁶Tala eku ofa kia Mele, aia naa ne fai ae gaue lahi maa mautolu.

⁷Tala eku ofa kia Anitalonika mo Junia, ko hoku kaiga, mo hoku kauga nofo fale fakabobula mo au, bea kuo na tonuga i he kau abosetolo, bea naa na tomua ia Kalaisi iate au.

⁸Tala eku ofa kia Amibelea, aia oku ou ofa ki ai i he Eiki.

⁹Tala eku ofa kia Uabane, ko ho tau tokoni ia Kalaisi, mo Siteki, aia oku ou ofa ki ai.

¹⁰Tala eku ofa kia Abeli koe ofeina e Kalaisi. Tala eku ofa kiate kinautolu oku i he fale o Alisitobulo.

¹¹Tala eku ofa kia Helotioni, ko hoku kaiga. Tala eku ofa kiate kinautolu oku i he fale o Naasisu, aia oku i he Eiki.

¹²Tala eku ofa kia Talaifina mo Talaifosa, oku na gaue i he Eiki. Tala eku ofa kia Besisi, koe ofeina, aia nae gaue lahi i he Eiki.

¹³Tala eku ofa kia Lufusi, kuo fili i he Eiki, bea ki he ene fa‘e, aia ko eku fa‘e foki.

¹⁴Tala eku ofa kia Asinikalito, mo Felekoni, mo Heamasi, mo Bataloba, mo Hemisi, moe kaiga oku iate kinautolu.

¹⁵Tala eku ofa kia Filoloko, mo Julia, mo Nilio, mo hono tuofefine, mo Olimiba, moe kaiga maonioni kotoabe oku iate kinautolu.

¹⁶Mou fetoutou fekita aki ae uma maonioni. Oku ofa atu kiate kimoutolu ae gaahi jiaji o Kalaisi.

¹⁷Bea koeni, oku ou kole kiate kimoutolu, e kaiga, mou fakailoga‘i akinautolu oku laga‘i ae gaahi mavahevahe moe gaahi tūkiaaga, oku taetāu moe akonaki kuo mou akonekina ai; bea mou alu meiate kinautolu.

¹⁸He ko kinautolu oku behe, oku ikai te nau tauhi ki ho tau Eiki ko Jisu Kalaisi, ka ko ho nau kete be; bea i he gaahi lea lelei moe talanoa fakalai oku nau oloa ai ae loto oe agatonu.

¹⁹He kuo ogo atu hoo mou talagofua ki he kakai kotoabe. Koia oku ou fiefia ai koeuhi ko kimoutolu: ka ko hoku loto ke mou boto ki he mea oku lelei, bea taeilo ki he kovi.

²⁰Bea koe Otua oe melino e vave ene fakavolu a Setani ki ho mou lalo va‘e. Koe ofa a ho tau Eiki ko Jisu Kalaisi ke iate kimoutolu. Emeni.

²¹Ko Timote ko eku kauga gaue, mo Lusio, mo Jesoni, mo Sosibeta, ko hoku gaahi kaiga, oku ofa atu kiate kimoutolu.

²²Ko au Teasio, kuou hiki ae tohi ni, oku ou ofa atu kiate kimoutolu i he Eiki.

²³Ko Keio, aia oku ne tauhi au, bea moe jiaji kotoa, oku ofa atu ia kiate kimoutolu. Ko Ilasito, koe tauhi oe kolo, oku ofa atu kiate kimoutolu, mo Kuatusi koe kaiga.

²⁴Koe ofa a ho tau Eiki ko Jisu Kalaisi ke iate kimoutolu kotoabe. Emeni.

²⁵Bea koeni, ke iate ia oku ne mafai ke fakatuu mau akimoutolu o tāu mo eku ogoogolelei, moe malaga aki a Jisu Kalaisi, o fakatatau moe fakaha oe mea fakalilolilo, aia nae tuku fufu be talu ae kamataaga o mamani,

²⁶Ka kuo fakaha lahi eni, bea i he gaahi tohi ae kau balofita, kuo fakailo atu ki he gaahi buleaga kotoabe, ke tubu ai ae talagofua oe tui, o fakatatau moe fekau ae Otua taegata:

²⁷Ke i he Otua boto taha be, ae fakamalo ia Jisu Kalaisi ke taegata. Emeni.