LOMA 2:1-29 TON1884 - Bible AI

¹1 Ko kinautolu oku fai agahala, mo nau valoki ki ai i ha kakai niihi, oku ikai te nau faa fakatonuhia ai akinautolu, 6 bea ikai aubito te nau faa hao mei he fakamāu ae Otua. 14 E ikai faa hao ae Jenitaile, 17 be koe Jiu, 25 ko kinautolu e ikai aoga ki ai e nau kamu, o kabau e ikai te nau fai ki he fono. KOIA, e tagata, akoe oku ke fakamāu, e ikai te ke hao koe: he koe mea koia oku ke fakamāu ai ha taha, oku ke fakamāu‘i ai koe; he ko koe oku ke fakamāu, oku ke fai ae gaahi mea behe.

²Ka oku tau ilo bau oku tāu moe fai totonu ae fakamāu ae Otua kiate kinautolu oku fai ae gaahi mea behe.

³Bea ko koe, e tagata, oku ke fakamāu‘i akinautolu oku fai ae gaahi mea behe, ka oku ke fai behe be ekoe, oku ke mahalo te ke hao koe mei he fakamāu ae Otua?

⁴Be oku ke loto manuki ki he lahi faufau o ene agalelei, moe faa kataki, moe kataki ofa; o ikai te ke ilo koe agalelei ae Otua koe mea ke tataki koe ki he fakatomala?

⁵Ka i ho loto fefeka moe taefakatomala, oku ke fokotuu ai maau ae houhau ki he aho oe houhau, moe fakaha oe fakamāu totonu ae Otua;

⁶Aia te ne atu ai ki he tagata taki taha o fakatatau ki he ene gaahi gaue:

⁷Koe moui taegata kiate kinautolu oku kumi ki he ogoogo lelei, moe hakeaki‘i, moe moui taemate, i he fakakukafi mau ai be i he fai lelei:

⁸Ka koe mamahi moe houhau kiate kinautolu oku agatuu, bea ikai talagofua ki he mooni, kae talagofua ki he taemaonioni,

⁹Koe tautea moe feiga ki he laumalie oe tagata kotoabe oku fai kovi, o muomua ki he Jiu, bea ki he Jenitaile foki;

¹⁰Ka koe ogoogo lelei, moe hakeaki‘i, moe fiemalie, ki he tagata kotoabe oku fai lelei, o muomua ki he Jiu, bea ki he Jenitaile foki:

¹¹He oku ikai i he Otua ha filifilimanako ki he tagata.

¹²He ko kinautolu kotoabe kuo agahala tae ha fono, e auha foki tae ha fono: bea ko kinautolu kotoabe kuo agahala kuo ai ae fono, e fakamāu aki akinautolu ae fono;

¹³(He oku ikai tonuhia i he ao oe Otua ae kau fanogo ki he fono, ka koe kau fai ki he fono e fakatonuhia‘i.

¹⁴Koeuhi i he fai mei ho nau loto e he gaahi Jenitaile, ae gaahi mea i he fono, ka oku ikai iate kinautolu ae fono, bea ko kinautolu ni oku ikai ma‘u ae fono, koe fono akinautolu kiate kinautolu:

¹⁵Akinautolu oku fakaha hono uhiga oe fono kuo tohi togi i ho nau loto, bea fakamooni mo ho nau loto foki, bea oku fakahala‘i be fakatonuhia‘i akinautolu e he e nau gaahi fakakaukau;)

¹⁶I he aho e fakamāu ai e he Otua ia Jisu Kalaisi ae gaahi mea fufu i he kakai, o fakatatau ki he eku ogoogolelei.

¹⁷Vakai, oku ui koe koe Jiu, bea oku ke falala ki he fono, bea oku ke vikiviki i he Otua,

¹⁸Bea oku ke ilo hono finagalo, bea oku ke faa ilo‘i moe gaahi mea oku fai kehekehe, he kuo akonekina koe mei he fono;

¹⁹Bea oku ke bole koe tataki koe oe kui, koe māma kiate kinautolu oku i he bouli.

²⁰Koe fakahinohino oe vale, koe akonaki oe kau valevale, oku ke ma‘u ae jino oe ilo moe mooni i he fono.

²¹Koia ko koe oku ke akonaki‘i ae taha kehe, oku ikai te ke akonaki‘i koe? ko koe oku ke malaga ke oua naa kaihaa, oku ke kaihaa ekoe?

²²Ko koe oku ke behe, oua naa tono fefine, oku ke tono fefine ekoe? ko koe oku ke fehia ki he gaahi tamabua, oku ke kaihaa mei he mea tabu mooni?

²³Ko koe oku ke vikiviki ki he fono, ikai oku ke fakaogokovi‘i ekoe ae Otua i hoo maumau‘i ae fono?

²⁴He koe mea iate kimoutolu oku lauikovi ae huafa oe Otua i he kakai Jenitaile, o hage koia kuo tohi.

²⁵He oku aoga mooni ae kamu, o kabau oku ke fai ki he fono: bea kabau oku ke ke maumau‘i ae fono, oku liliu ai hoo kamu koe taekamu.

²⁶Koia kabau e fai e he taekamu ae aga maonioni oe fono, ikai e lau ai ene taekamu koe kamu?

²⁷Bea kabau e fai ki he fono e he taekamu aia ko e tau aga be, ikai te ne fakamau‘i koe, akoe oku iate koe ae tohi moe kamu, ka oku ke maumau‘i be ae fono?

²⁸He oku ikai koe Jiu, aia oku behe itua be; bea oku ikai koe kamu, aia oku itua i he kakano:

²⁹Ka koe Jiu ia, aia oku behe i loto; bea koe kamu oku oe loto ia, i he laumalie, kae ikai i he tohi; bea oku ikai mei he kakai hono fakamalo, ka mei he Otua.