LOMA 4:1-25 TON1884 - Bible AI

¹1 Koe lau ae tui a Ebalahame kiate ia koe maonioni. 13 Koe ma u eia mo hono hako ae talaofa i he tui be. 16 Koe tamai a Ebalahame a nautolu kotoabe oku tui. 24 E lau e tau tui kiate kitautolu foki koe maonioni. BEA ka koia, bea te tau behe nae ma‘u ae ha e he e tau tamai ko Ebalahame, i he aga fakajino?

²He kabau nae fakatonuhia‘i a Ebalahame e he gaahi gaue, kuo ne ma‘u ae boleaga kae ikai i he ao oe Otua.

³He oku behe e he tohi koeha? Nae tui a Ebalahame ki he Otua, bea nae lau ia kiate ia koe maonioni.

⁴Bea koeni, oku ikai lau ae totogi kiate ia oku gaue koe foaki ofa, ka koe mea totonu.

⁵Ka ko ia oku ikai ke gaue, kae tui be kiate ia oku ne fakatonuhia‘i ae taelotu, oku lau ene tui koe maonioni.

⁶O hage koe fakamatala foki e Tevita ae monuia ae tagata, aia oku lau ki ai e he Otua ae maonioni tae ha gaue,

⁷O behe, Oku monuia akinautolu kuo fakamolemolea e nau gaahi taemaonioni, bea kuo ufiufi e nau gaahi agahala.

⁸Oku monuia ae tagata e ikai lau ki ai e he Eiki ha agahala.

⁹Koe monuia eni ki he kamu be, be ki he taekamu foki? he oku mau behe, koe tui a Ebalahame nae lau kiate ia koe maonioni.

¹⁰Bea nae lau fakafefe ia? i he ene i he kamu, be i he taekamu? Nae ikai i he kamu, kae i he taekamu.

¹¹Bea nae ma‘u eia ae fakailoga oe kamu, koe fakamooni oe maonioni i he ene tui, oku heeki ai kamu ia: koeuhi ke hoko ia koe tamai a nautolu kotoabe oku tui, ne ogo be te nau tae kamu; bea koeuhi ke lau ae maonioni kiate kinautolu foki:

¹²Bea koe tamai ia oe kamu kiate kinautolu nae ikai oe kamu be, ka oku nau muimui foki i he lakaga tui oe tau tamai ko Ebalahame, i he heeki ai ke kamu ia.

¹³He koe talaofa, ke hoko ia koe tagata hoko a mamani, nae ikai kia Ebalahame, be ki hono hako, i he fono, ka i he maonioni oe tui.

¹⁴He kabau koe kakai hoko akinautolu oku i he fono, ta koe vaiga be ae tui, bea oku fakataeaoga moe talaofa foki:

¹⁵Koeuhi oku tubu i he fono ae houhau: he ka ikai ha fono, oku ikai foki ha fai hala.

¹⁶Koia, oku mei he tui ia, koeuhi ke i he aloofa be; koeuhi ke tuu mau ae talaofa ki he hako kotoabe; ikai kiate kinautolu be oku oe fono, ka kiate kinautolu foki oku oe tui a Ebalahame; aia koe tamai a tautolu kotoabe,

¹⁷(O hage koia kuo tohi, Kuou tuutuuni koe koe tamai ae gaahi kakai lahi,) i he ao oe Otua aia naa ne tui ki ai, aia oku ne fakaake ae mate, bea ne lea ki he gaahi mea koia kuo ikai, o hage kuo ai ia.

¹⁸Bea naa ne amanaki, ka kuo ikai hano tuuga o ene amanaki, bea tui, ke ne hoko koe tamai ae gaahi kakai lahi, o fakatatau mo ia nae lea aki, E behe be ho hako.

¹⁹Bea i he ikai vaivai ia i he tui, nae ikai te ne tokaga ki hono jino oona kuo mate, he kuo teau nai ae ta‘u o ene motua, be koe mate ae manāva o Sela:

²⁰Nae ikai lotolotoua ia i he taetui ki he talaofa ae Otua; ka nae malohi ia i he tui, o ne fakaogoogolelei ae Otua;

²¹O ne matuaki ilo loto, koe mea kuo ne talaofa ai, e mafai foki eia ke fakamooni.

²²Koia foki nae lau ai ia kiate ia koe maonioni.

²³Koeni, nae ikai ke tohi kuo lau ia kiate ia, koeuhi ko ia be;

²⁴Ka koeuhi ko kitautolu foki, aia e lau ia ki ai, o kabau te tau tui kiate ia naa ne fokotuu hake ho tau Eiki ko Jisu mei he mate;

²⁵Aia nae takuage koeuhi koe tau gaahi agahala, bea nae fokotuu hake ia koeuhi ko ho tau fakatonuhia.