LOMA 6:1-23 TON1884 - Bible AI

¹1 Oku ikai lelei i he e tau moui ke fai agahala, 2 he oku tau mae ki ai, 3 aia oku ha i he e tau babitaiso. 12 Oua naa tuku ke kei bule ae agahala, 18 koeuhi kuo tau tukuage akitautolu ki he gaue ae maonioni, 23 bea koeuhi koe totogi oe agahala koe mate. BEA ka koia, bea te tau behe koeha? Te tau kei fai agahala kae tubu-laki ae ofa?

²E ikai aubito. E fefe e tau kei moui i he agahala ka kuo tau mate ki ai?

³Ikai oku mou ilo ko kitautolu kotoabe nae babitaiso kia Jisu Kalaisi, naa tau babitaiso ki he ene bekia?

⁴Bea koia, kuo tau tanu fakataha mo ia i he babitaiso ki he mate: koeuhi ke hage hono fokotuu a Kalaisi mei he mate e he malohi oe tamai, ke behe foki e tau felaka‘i i he moui foou.

⁵He kabau kuo tau to fakataha mo ia i he tatau o ene bekia, te tau i he tatau foki o ene toetuu:

⁶O ilo eni, ko ho tau motua tagata kuo tamate‘i fakataha mo ia, koeuhi ke fakaauha ae jino oe agahala, koeuhi ke oua naa tau toe tauhi ae agahala.

⁷He ko ia oku mate, kuo movete ia mei he agahala.

⁸Koeni, kabau oku tau mate fakataha mo Kalaisi, oku tau tui te tau moui fakataha foki mo ia:

⁹I he e tau ilo kuo fokotuu a Kalaisi mei he bekia, bea e ikai toe bekia ia; e ikai toe bule‘i ia e he mate.

¹⁰He ko ene mate, koe mate tuo taha be koeuhi koe agahala: ka ko ene moui, koe moui ia ki he Otua.

¹¹Bea ke behe foki ae lau akimoutolu koe mate mooni ki he agahala, ka koe moui ki he Otua i ho tau Eiki ko Jisu Kalaisi.

¹²Koia ke oua naa tuku ke bule ae agahala i ho mou jino mategofua, ke mou talagofua ki ai i hono gaahi holi.

¹³Bea oua naa mou atu ho mou gaahi kubu‘i jino koe mea gaue aki i he taemaonioni ki he agahala: kae atu akimoutolu ki he Otua, o tāu mo kinautolu kuo hao mei he mate, bea mo ho mou gaahi kubu‘i jino koe mea gaue aki i he maonioni ki he Otua.

¹⁴He koeuhi e ikai bule‘i akimoutolu e he agahala: he oku ikai te mou moulaloa ki he fono, ka ki he ofa.

¹⁵Bea fefe ai? te tau fai agahala, koeuhi oku ikai te tau moulaloa ki he fono, ka ki he ofa? E ikai aubito.

¹⁶Ikai oku mou ilo ko ia ia te mou atu akimoutolu koe kau tamaioeiki ke talagofua ki ai, ko ene kau tamaioeiki akimoutolu oku mou talagofua ki ai; be koe agahala ki he mate, be koe talagofua ki he maonioni?

¹⁷Naa mou nofo koe kau tamaioeiki ki he agahala, kae fakafetai ki he Otua, i hoo mou talagofua mei he loto ki he aga oe akonaki nae atu kiate kimoutolu.

¹⁸Koia koe mea i he fakatauataina mei he agahala, kuo mou hoko ai o talagofua ki he maonioni.

¹⁹Oku ou lea o hage be koe tagata, koe mea i he vaivai o ho mou kakano: o hage naa mou tukuage ho mou gaahi kubu‘i jino koe kau tamaioeiki ki he aga fakalielia, bea moe fai agakovi ke fai kovi; ke behe eni hoo mou tuku atu ho mou gaahi kubu‘i jino koe kau tamaioeiki ki he agatonu ke fai maonioni.

²⁰He koeuhi i hoo mou nofo koe kau tamaioeiki ki he agahala, naa mou ataatā mei he maonioni.

²¹Ka koeha ae fua ne mou ma‘u i he gaahi mea koia oku mou ma ai ni? he koe gataaga oe gaahi mea koia koe mate.

²²Ka koeni, i hono fakatauataina akimoutolu mei he agahala, bea hoko koe kau tamaioeiki ki he Otua, kuo ai ho mou fua koe maonioni, bea ko hono gataaga koe moui taegata.

²³He koe totogi oe agahala koe mate; ka koe moui taegata koe foaki ofa ia ae Otua ia Jisu Kalaisi ko ho tau Eiki.