LOMA 7:1-25 TON1884 - Bible AI

¹1 Oku gata hono bule‘i e he fono ae tagata oka mate. 4 Bea oku tau mate ki he fono. 7 Ka oku ikai he hala ae fono, 12 ka oku maonioni, mo agatonu, mo lelei, 16 aia oku ou fakamooni ki ai, bea oku ou loto mamahi i he ikai teu faa fai ki ai. E KAIGA, ikai oku mou ilo, (he oku ou lea kiate kinautolu oku ilo ae fono,) koeuhi oku bule‘i e fono ae tagata i he lolotoga be ene moui?

²He koe fefine aia oku ai hono unoho, kuo nootaki e he fono ki hono unoho i he lolotoga ene moui; bea kabau kuo mate hono unoho, kuo movete ai ia mei he fono o hono unoho.

³Bea koia, kabau e mali ia moe tagata kehe, i he lolotoga ae moui a hono unoho, e ui ia koe tono tagata: bea kabau e mate hono unoho, kuo tauataina ai ia mei he fono koia; bea kabau e mali ia mo ha tagata kehe, oku ikai koe tono tagata ia.

⁴Koia, e hoku kaiga, kuo mate foki akimoutolu ki he fono i he jino o Kalaisi; koeuhi ke mou mali mo ha taha, io, kiate ia kuo fokotuu mei he mate, koeuhi ke tubu iate kitautolu ae fua ki he Otua.

⁵He nae lolotoga e tau i he aga fakakakano, koe gaahi holi oe agahala, aia nae mei he fono, ne gaue ia i ho tau gaahi kubu‘i jino, ke fakatubu ae fua ki he mate.

⁶Ka koeni, kuo fakahaofi akitautolu mei he fono, he kuo mate ia ne tau moua ki ai; koeuhi ke tau tauhi i he fakafoou oe loto, kae ikai i he matai tohi kuo motua.

⁷Bea ka koia, bea te tau behe koeha? Koe agahala ae fono? Ikai aubito. He ka ne taeoua ae fono, ne ikai teu ilo ae agahala: he nae ikai teu ilo ae holi kovi, o ka ne ikai behe e he fono, Oua naa ke manumanu.

⁸Ka koe agahala, i he ene mea gaue aki ae fono, ne fakatubu iate au ae gaahi holi kovi kotoabe. He nae mate ae agahala i he ikai ai ae fono.

⁹He naaku moui i mu‘a tae i ai ae fono: kae i he hoko mai ae fekau, ne ake ae agahala, beau mate ai.

¹⁰Bea koe fekau nae tuutuuni koe mouiaga, neu ilo‘i ia koe mateaga.

¹¹He koe agahala, i he ene mea gaue aki ae fekau, ne kākā‘i au, bea ne tamate‘i aki au.

¹²Bea koeni, oku maonioni ae fono, bea maonioni, mo agatonu, mo lelei ae fekau.

¹³Bea ka koia, bea kuo hoko aia oku lelei koe mateaga kiate au? Ikai aubito. Ka koe agahala, koeuhi ke ha ai ia koe agahala, ne ne mea gaue aki aia oku lelei, keu mate ai au; koeuhi ke ha i he fekau koe agahala koe fugani i he mea oku kovi.

¹⁴He oku tau ilo oku fakalaumalie ae fono: ka oku ou fakakakano, kuo fakatau au ke moulaloa ki he agahala.

¹⁵He koia oku ou fai, oku ikai teu loto ki ai: bea koia oku ou loto ki ai, koia oku ikai teu fai; ka koia oku ou fehia ki ai, koia ia oku ou fai.

¹⁶Bea kabau oku ou fai aia oku ikai teu loto ki ai, oku ou fakamooni ki he fono oku lelei ia.

¹⁷Bea koeni, oku ikai ko au oku kei fai ia, ka koe agahala oku ne nofoia au.

¹⁸He oku ou ilo oku ikai ha mea lelei e nofoia au i hoku kakano: oku iate au ae loto fiefai; ka ko hono mafai o ia oku lelei oku ikai teu ilo‘i.

¹⁹He koe lelei oku ou loto ki ai, oku ikai teu fai: ka koe kovi oku ikai teu loto ki ai, koia ia oku ou fai.

²⁰Bea koeni, kabau oku ou fai aia oku ikai teu loto ki ai, bea oku ikai ko au be oku kei fai ia, ka koe agahala oku ne nofoia au.

²¹Koia oku ou ilo‘i ha fono iate au, koeuhi o kau ka fie fai lelei, oku ofi kiate au ae kovi.

²²He oku malie ae tagata i loto iate au i he fono ae Otua:

²³Ka oku ou mamata ki he fono e taha i hoku gaahi kubu‘i jino, oku ne tau‘i ae fono o hoku loto, mo ne fakabobula‘i au ki he fono oe agahala aia oku i hoku gaahi kubu‘i jino.

²⁴Oiaue, ko au, koe tagata malaia! kohai te ne fakamoui au mei he jino oe mate ni?

²⁵Oku ou fakafetai ki he Otua ia Jisu Kalaisi ko ho tau Eiki. Bea koeni, oku ou tauhi e au aki ae loto ae fono ae Otua; ka koe fono oe agahala aki ae kakano.