LUKE 2:1-52 TON1884 - Bible AI

¹1 Oku bule a Aokositusi ke tohi ae kakai. 6 Oku faele‘i a Kalaisi. 8 Oku fakaha iae, he agelo ki he kau tauhi manu. 13 Oku fakamalo ai ae kau agelo toko lahi. 21 Oku kamu a Kalaisi. 22 Oku fakamaa a Mele. 28 Oku kikite a Simione mo Ana kia Kalaisi: 40 oku tubulaki ia i he boto, 46 oku nau alea moe kau akonaki i he fale lotu lahi, 51 oku aganofo ia ki he ene mātua. BEA behe, nae fai ae fono e Sisa Aokositusi, i he gaahi aho koia, ke tohi ae kakai kotoabe oe buleaga.

²(Bea nae fuofua fai ae tohi ni i he bule a Kilinio i Silia.)

³Bea nae taki taha alu ae kakai kotoabe ki hono botu, ke tohi ai ia.

⁴Bea alu hake foki a Josefa mei Kaleli, mei he kolo ko Nasaleti, ki Jutea, ki he kolo o Tevita, oku ui ko Betelihema; (he naa ne oe fale moe faahiga o Tevita;)

⁵Ke tohi ia mo hono unoho ko Mele, nae fakanofo, kuo feitama ia.

⁶Bea nae lolotoga e na i ai, bea behe, kuo kakato hono gaahi aho ke faele ai ia.

⁷Bea faele‘i eia ae tama ko hono olo-boou, bea ne takatakai aki ia ae kofu, o fakatokoto ia i he aiaga‐kai oe manu; koeuhi nae ikai te nau hao i he fale talifonoga.

⁸Bea nae i he fonua koia ae kau tauhi sibi oku nofo i he goue, o leohi e nau faga sibi i he bouli.

⁹Bea iloage, nae tuu mai kiate kinautolu ae agelo ae Eiki, bea malama ae naunāu oe Eiki o takatakai akinautolu: bea naa nau manavahe aubito.

¹⁰Bea behe e he agelo kiate kinautolu, Oua e manavahe: vakai, he oku ou omi kiate kimoutolu ae ogoogolelei oe fiefia lahi, aia e hoko ki he kakai fulibe.

¹¹He kuo aloi kiate kimoutolu i he aho ni, i he kolo o Tevita, ae Fakamoui, aia ko Kalaisi koe Eiki.

¹²Bea koe fakailoga eni kiate kimoutolu; te mou ilo ae tamajii kuo takatakai aki ia ae kofu, bea tokoto ia i he aiaga‐kai oe manu.

¹³Bea fakafokifa be kuo i he agelo ae toko lahi oe kau agelo mei he lagi, o nau fakamalo ki he Otua, o behe,

¹⁴Fakafetai ki he Otua i oluga, bea i mamani ae melino, koe ofa ki he kakai.

¹⁵Bea behe, i he liliuage ae kau agelo ki he lagi meiate kinautolu, nae febeheaki e he kau tauhi sibi, Ke tau o eni ki Betelihema, o mamata ki he mea ni kuo fai, aia kuo fakaha mai e he Eiki kiate kitautolu.

¹⁶Bea naa nau omi fakavave, o ilo a Mele, mo Josefa, moe tama oku tokoto i he aiaga‐kai oe manu.

¹⁷Bea kuo nau mamata, bea nau ogoogoa ae lea nae fakaha kiate kinautolu i he tama ni.

¹⁸Bea ofo ai akinautolu kotoabe nae fanogo i he gaahi mea koia nae fakaha e he kau tauhi sibi kiate kinautolu.

¹⁹Ka nae faoa e Mele ae gaahi mea ni kotoabe ki hono loto, o fifili ki ai.

²⁰Bea nae liu mai ae kau tauhi sibi, o fakamalo mo fakafetai ki he Otua, koeuhi koe gaahi mea kotoabe kuo nau fanogo mo mamata ai, o hage koia ne fakaha kiate kinautolu.

²¹Bea i he ene kakato ae aho e valu. nae kamu ae tama, bea ui hono huafa ko JISU, aia nae fakahigoa e he agelo kae teeki tuituia ia i he manāva.

²²Bea kuo hili ae gaahi aho oe na fakamaa, o fakatatau ki he fono a Mosese, naa nau omi ia ki Jelusalema ke atu ia ki he Eiki;

²³(O hage koia kuo tohi i he fono ae Eiki, Koe tama kotoabe, ae olo-boou, e ui ia koe tabu ki he Eiki;)

²⁴Bea ke atu ae feilaulau, o fakatatau mo ia oku fakaha mai i he fono ae Eiki, Koe ogo kulukulu, be koe lube mui e ua.

²⁵Bea vakai, nae i Jelusalema ae tagata, ko Simione hono higoa; bea nae agatonu ae tagata koia mo faa lotu, mo tatali ki he fiemalieaga o Isileli: bea nae iate ia ae Laumalie Maonioni.

²⁶Bea nae fakaha mai kiate ia e he Laumalie Maonioni, e ikai mate ia, kae oua ke ne mamata ki he Kalaisi ae Eiki.

²⁷Bea ha‘u ia i he Laumalie ki he fale lotu lahi; bea i he omi ae tamajii ko Jisu e he ene mātua, ke fai kiate ia o fakatatau ki hono aga oe fono,

²⁸Naa ne toki too hake ia i hono nima, bea fakafetai ki he Otua, o ne behe,

²⁹E Eiki, koeni, oku ke tukuage a hoo tamaioeiki ke fonoga i he fiemalie, o hage ko hoo folofola:

³⁰He kuo mamata a hoku mata ki hoo fakamoui,

³¹Aia kuo ke teuteu i he ao oe kakai kotoabe;

³²Koe māma ke fakamāma aki ae Jenitaile, moe nāunāu o hoo kakai ko Isileli.

³³Bea ofo a Josefa mo ene fa‘e i he gaahi mea koia nae fakaha iate ia.

³⁴Bea tabuaki‘i e Simione akinaua, o ne behe ki he ene fa‘e ko Mele, Vakai, kuo fokotuu ae tamajii ni koe tūkiaaga moe toetuuaga oe toko lahi i Isileli; bea koe fakailoga ke lea kovi ki ai;

³⁵Koeuhi ke ha ai ae gaahi mahalo oe loto oe toko lahi: (io, e tui bea aji ae heleta i ho laumalie foki.)

³⁶Bea nae i ai ae fefine balofita ko Ana, koe ofefine o Fanueli, i he faahiga o Asa: nae lahi hono motua, bea naa na nonofo mo hono unoho i he ta‘u e fitu talu ene tāuboou;

³⁷Ka ka nofo ai be ia koe fefine ia kuo mate hono unoho, bea kuo valugofulu ma fa ae ta‘u o ene motua, bea nae ikai mahui ia mei he fale lotu lahi, ka naa ne gaue i he aukai moe faa lotu i he bo moe aho.

³⁸Bea i he ene ha‘u o feouga mo ia, naa ne atu foki ae fakafetai ki he Eiki, o ne fakaha ia kiate kinautolu kotoabe nae tatali ki he huhui i Jelusalema.

³⁹Bea hili e na fai ae gaahi mea kotoabe, o fakatatau ki he fono ae Eiki, naa nau foki mai ki Kaleli, ki ho na kolo ko Nasaleti.

⁴⁰Bea tubu ae tamajii, bea malohi i he laumalie, bea fonu ia i he boto: bea nae iate ia ae ofa ae Otua.

⁴¹Bea nae alu ene mātua i he ta‘u kotoabe ki Jelusalema, ki he katoaga oe Lakaatu.

⁴²Bea kuo hogofulu ma ua hono ta‘u, bea nau o hake ki Jelusalema, o hage ko hono aga oe katoaga.

⁴³Bea kuo nau fakaoji ae gaahi aho, ka i he e nau liliu mai, nae nofo be ae tama ko Jisu i Jelusalema: bea nae ikai ilo e Josefa mo ene fa‘e.

⁴⁴Ka nae mahalo akinaua oku i he fonoga ia, bea fonoga i he aho e taha; bea toki kumi ia i ho na kaiga moe kau fonoga.

⁴⁵Bea i he ikai te na ilo ia, naa na foki atu ki Jelusalema, ko hono kumi.

⁴⁶Bea behe, kuo hili ae aho e tolu, bea na toki ilo ia i he fale lotu lahi, oku nofo i he haohaoga oe kau akonaki, o fakafanogo kiate kinautolu, mo faka-fehui kiate kinautolu.

⁴⁷Bea ko kinautolu kotoabe nae fanogo kiate ia, naa nau ofo i he ene boto mo ene tali ae fehui.

⁴⁸Bea i he e na mamata kiate ia, ne na ofo ai aubito: bea behe e he ene fa‘e kiate ia, Tama, koeha kuo ke fai behe ai kiate kimaua? vakai, ko hoo tamai mo au kuo ma kumi koe i he mamahi.

⁴⁹Bea behe eia kiate kinaua, Koeha oku mo kumi ai au? ikai te mo ilo oku aaku ke fai ae gaue a eku Tamai?

⁵⁰Ka nae ikai te na ilo hono uhiga oe lea ne ne lea aki kiate kinaua.

⁵¹Bea alu hifo ia mo kinaua, o hoko ki Nasaleti, bea aganofo ia kiate kinaua: ka nae fao e he ene fa‘e ae gaahi lea ni kotoabe ki hono loto.

⁵²Bea tubulaki ae boto ia Jisu moe lahi, bea nae ofeina ia e he Otua moe tagata.