LUKE 20:1-47 TON1884 - Bible AI

¹1 Oku fakaha e Kalaisi ene bule i he ene fehui ki he babitaiso a Jone. 9 Koe fakatātā oe goue vaine. 19 Ki he tukuhau kia Sisa. 27 Oku ne fakaha ae toetuu ki he kau Satusi. 41 Koe foha fefe o Tevita a Kalaisi. 45 Oku ne taofi ene kau akoga ke nau vakai ki he kau tagata tohi. BEA behe, koe aho e taha i he gaahi aho koia, i he ene akonaki ki he kakai i he fale lotu lahi, mo malaga aki ae ogoogolelei, nae ha‘u ae kau taulaeiki lahi moe kau tagata tohi bea moe mātua,

²Mo nau lea kiate ia, o behe, Tala mai kiate kimautolu be koe bule fe oku ke fai ai ae gaahi mea ni? bea kohai ia ne ne tuku ae bule ni kiate koe?

³Bea lea ia, o beheage kiate kinautolu, Teu fehui foki kiate kimoutolu ha mea e taha; bea tala mai kiate au:

⁴Koe babitaiso a Jone, nae mei he lagi ia, be mei he tagata?

⁵Bea nau fealeleaaki, o behe, Kabau te tau behe, Mei he lagi; te ne behe mai, Koeha nae ikai ai te mou tui kiate ia?

⁶Bea kabau te tau behe, Mei he tagata; e lijigi aki ae maka akitautolu e he kakai kotoabe: he oku nau ilo bau koe balofita a Jone.

⁷Bea naa nau beheage, kuo ikai te nau ilo be nae meife ia.

⁸Bea behe e Jisu kiate kinautolu, Bea e ikai teu tala kiate kimoutolu be koe bule fe oku ou fai ai ae gaahi mea ni.

⁹Bea naa ne kamata lea aki ae fakatātā ni ki he kakai; Koe tagata e toko taha naa ne to ae goue vaine, o ne tuku ia ki he kau tauhi goue, bea fonoga mamao ia o fuoloa ai.

¹⁰Bea hokojia ae toukai, bea ne fekau ae tamaioeiki ki he kau tauhi goue, koeuhi ke nau omi kiate ia ha fua oe goue vaine: ka nae teia ia e he kau tauhi goue, o nau kabuji ia tae haane mea.

¹¹Bea toe fekau eia ae tamaioeiki e taha: bea naa nau teia foki ia, bea lahi e nau fai kovi kiate ia, mo nau kabuji tae haane mea.

¹²Bea toe fekau eia a hono toko tolu: bea naa nau teia foki ia, o nau li ia kituaa.

¹³Bea toki behe e he eiki oe goue vaine, Koeha teu fai? Teu fekau atu hoku foha ofaaga: hei ilo ka nau ka mamata ai te nau fakaabaaba kiate ia.

¹⁴Ka kuo mamata ki ai ae kau tauhi goue, bea nau fealeleaaki, o behe, Ko eni ae foha hoko: ha‘u ke tau tamate‘i ia, kae atautolu ae tofia.

¹⁵Bea naa nau li ia kituaa goue vaine, o tamate‘i ia. Bea koeha e fai e he eiki oe goue vaine kiate kinautolu?

¹⁶E ha‘u ia o fakaauha ae kau tauhi goue koia, bea tuku ae goue ki he kakai kehe. Bea i he e nau fanogo ai, naa nau behe, Ke oua aubito.

¹⁷Bea vakai atu eia kiate kinautolu, o ne behe, Ka koeha eni kuo tohi, Koe maka nae liaki e he kau tufuga, kuo hoko ia koe fugani maka tuliki?

¹⁸Ko ia ia e to ki he maka koia, e mafejifeji ai ia; ka ko ia e to ki ai ia, e momoji ia o efu.

¹⁹Bea nae holi ae kau taulaeiki lahi moe kau tagata tohi i he feituulaa be koia ke nau buke ia; ka naa nau manavahe ki he kakai: he naa nau ilo kuo ne lea aki ae fakatātā ni kiate kinautolu.

²⁰Bea naa nau lamaji ia, o nau fekau atu ae kau mataki ke nau fai fakafieagatonu, koeuhi ke nau femioekina ia i he ene lea, ka nau tukuage ai ia ki he malohi moe bule ae bule.

²¹Bea naa nau fehui kiate ia, o behe, Eiki, oku mau ilo oku ke lea mo ako totonu, bea oku ikai te ke fai filifili-manako, ka oku ke akonaki aki ae hala oe Otua i he mooni.

²²Oku gofua ke mau atu ae tukuhau kia Sisa, be ikai?

²³Ka nae ilo eia e nau kākā, bea ne behe kiate kinautolu, Koeha oku mou ahiahi‘i ai au?

²⁴Fakaha mai ae tenali. Koe mata moe tohi ahai oku i ai? Bea nau lea, o beheage, A Sisa.

²⁵Bea behe eia kiate kinautolu, Koia atu kia Sisa ae gaahi mea a Sisa, bea ki he Otua ae gaahi mea ae Otua.

²⁶Bea nae ikai te nau faa femioekina ia, i he ene gaahi lea i he ao oe kakai: bea naa nau ofo i he ene lea, mo nau fakalogo be.

²⁷Bea nae toki ha‘u ae niihi oe Satusi, akinautolu oku behe oku ikai ha toetuu; o nau fehui kiate ia,

²⁸O behe, Eiki, nae tohi e Mosese kiate kimautolu, Kabau e mate ae tokoua o ha tagata, ka oku ai hono unoho, bea mate ia tae haane fānau, ke ma‘u e hono tokoua a hono unoho, o fakatubu ae hako ki hono tokoua.

²⁹Bea nae ai ae kaiga e toko fitu: bea ma‘u e he uluaki ae unoho, bea mate ia tae haane fānau.

³⁰Bea ma‘u ia e he toko ua ko hono unoho, bea mate ia tae haane fānau.

³¹Bea ma‘u ia e hono toko tolu; bea behe be o a‘u ki hono toko fitu: ka naa nau mate tae haa nau fānau.

³²Bea mate fakamui foki ae fefine.

³³Koia i he toetuu koe unoho ohai ia iate kinautolu? he nae ma‘u ia e he toko fitu ko ho nau unoho.

³⁴Bea lea a Jisu, o beheage kiate kinautolu, Koe fānau a mamani oku mali bea foaki ke mali:

³⁵Ka ko kinautolu e aoga ke ma‘u ae mama koia, moe toetuu mei he mate, e ikai te nau fakamau be foaki ke fakamau:

³⁶Bea e ikai te nau toe mate: he koe fānau ae Otua akinautolu o hage koe kau agelo; moe fānau oe toetuu.

³⁷Ka koe fokotuu oe mate, nae fakaha ia e Mosese, mei he uluakau, i he ene ui ae Eiki koe Otua o Ebalahame, moe Otua o Aisake, moe Otua o Jekobe.

³⁸He oku ikai koe Otua ia oe mate, ka koe moui: he oku moui kotoabe kiate ia.

³⁹Bea leaage ae niihi oe kau tagata tohi, o behe, Eiki, kuo ke lea totonu.

⁴⁰Bea hili ia nae ikai te nau faa fai mo ha fehui kiate ia.

⁴¹Bea behe eia kiate kinautolu, Oku fefe e nau lau ko Kalaisi koe foha o Tevita?

⁴²Kae behe e Tevita: he tohi oe gaahi Same, Nae folofola a Jihova ki hoku Eiki, Nofo koe ki hoku nima toomatau,

⁴³Kae oua keu gaohi ho gaahi fili ko ho tuugava‘e.

⁴⁴Koia nae ui ia e Tevita koe Eiki, bea ko hono foha fefe ia?

⁴⁵Bea toki behe eia ki he ene kau akoga, i he ao oe kakai kotoabe,

⁴⁶Vakai ki he kau tagata tohi, akinautolu oku nau manako ke alu moe kofu fakatōtōlofa, mo nau leleiia i he fetaba i he gaahi botu fakatau, moe nofoaga maoluga i he gaahi fale lotu, moe botu lelei i he gaahi katoaga;

⁴⁷Oku nau faao ae gaahi fale oe kau fefine kuo mate ho nau unoho, mo fai fakaloloa ae gaahi lotu i he kākā: e ma‘u ekinautolu ni ae malaia lahi.