LUTE 1:1-22 TON1884 - Bible AI

¹1 Oku hiki e Elimeleki i he hoge ki Moabe, bea mahaki ai ia. 4 Koe ma‘u unoho a ene fānau i he ogo fefine Moabe, bea mahaki mo kinaua foki. 6 Oku toe ha‘u a Naomi ki hono fonua. 8 O ne kole eia ki he ene ogo tama i he fono ke nofo. 14 Oku nofo a Ooba, ka oku ha‘u a Lute mo ia. 19 Oku na hoko ki Betelihema, bea fiemalie ai ae kaiga. BEA nae hoko o behe, i he gaahi aho nae bule ai ae kau fakamāu, nae to ae hoge ki he fonua. Bea koe tagata e toko taha o Betelihema‐juta nae alu ia ke āunofo i he fonua o Moabe, aia, mo hono unoho, mo hono ogo foha e toko ua.

²Bea koe higoa oe tagata ko Elimeleki, bea koe higoa o hono unoho ko Naomi, bea koe higoa o hono ogo foha ko Maloni mo Kilioni, koe kau Ifalemi o Betelihema‐juta. Bea naa nau ha‘u ki he fonua ko Moabe, o nofo i ai.

³Bea nae bekia a Elimeleki koe unoho o Naomi; bea nae nofo be ia mo ene ogo tama.

⁴Bea naa na omi ho na unoho mei he kau fefine Moabe; koe higoa oe toko taha ko Ooba, bea ko hono higoa oe toko taha ko Lute: bea naa nau nonofo i ai i he ta‘u e hogofulu nai.

⁵Bea nae bekia ai a Maloni mo Kilioni fakatouojibe; bea nae too behe mei he fefine a ene ogo tama mo hono unoho.

⁶Bea nae tuu hake ia mo ene ogo taahine i he fono, koeuhi ke hiki ia mei he fonua ko Moabe: he kuo ne ogo‘i i he fonua ko Moabe kuo aahi e Jihova ki hono kakai i he foaki kiate kinautolu ae mea kai.

⁷Koia naa ne alu atu ai mei he botu nae i ai ia, mo ene ogo taahine i he fono mo ia; bea naa nau alu atu be i he hala ke fonoga ki he fonua o Juta.

⁸Bea nae behe e Naomi ki he ene ogo taahine i he fono, Mo o fakatouoji be o foki atu taki taha ki he fale o ene fa‘e: ke fai ofa a Jihova kiate kimoua, o hage koia kuo mo fai ki he bekia, bea mo au.

⁹Ke tuku e Jihova ke mo ilo ae fiemalie fakatouoji be i he fale o ho mo unoho. Bea nae toki uma ia kiate kinaua; bea naa na hiki ho na le‘o, o tagi.

¹⁰Bea naa na behe kiate ia, Koe mooni te ma o mo koe ki ho kakai.

¹¹Bea nae behe e Naomi, A eku ogo taahine mo foki atu: koeha te tau o ai mo au? he oku kei toe ha tama i hoku fatu, koeuhi ke na hoko ko ho mo unoho?

¹²Mo foki atu a eku ogo taahine, bea alu i ho mo hala: he kuou motua fau ke toe ma‘u ha unoho. Ka neu behe e au, Oku ou amanaki lelei, bea ka ne ma‘u e au ha unoho he bo ni foki, be au fanau‘i ae tama tagata;

¹³He te mo tatali ki ai ke oua ke na tubu? te mo faa tatali ki ai, bea oua naa ma‘u ha unoho? e ikai, a eku ogo taahine; he oku ou mamahi lahi koeuhi ko kimoua i he ene mafao mai ae nima o Jihova kiate au.

¹⁴Bea naa na hiki hake ho na le‘o, o toe tagi: bea uma a Ooba ki he ene fa‘e i he fono; ka nae bikitai a Lute kiate ia.

¹⁵Bea behe eia, Vakai, kuo toe liu atu a ho tokoua i he fono ki hono kakai, bea ki hono gaahi otua: ke ke foki koe o muimui atu ki ho tokoua i he fono.

¹⁶Bea nae behe e Lute, Oua naa ke kole keu liaki koe, be keu foki mei he eku muimui iate koe: he koe botu oku ke alu ki ai, te ta o ai; bea koe botu te ke mohe ai, te ta mohe ai: ko ho kakai e hoko ko hoku kakai, bea ko ho Otua ko hoku Otua:

¹⁷Koe botu te ke mate ai, teu mate ai, bea teu tanu i ai: ke fai behe e Jihova kiate au, bea lahi hake, o kabau e ai ha mea te ta mavae ai mo koe ka koe mate be.

¹⁸Bea i he ene vakai oku loto malohi be ia ke na o mo ia, nae tuku ene kei lea ki ai.

¹⁹Bea koia, naa na o ai ke na hoko ki Betelihema. Bea i he e na hoko ki Betelihema, bea behe, nae gatū ae kolo kotoabe koeuhi ko kinaua, bea nau febeheaki, Ko Naomi eni?

²⁰Bea nae behe eia kiate kinautolu, Oua naa ui au ko Naomi, kae ui au ko Mala: he kuo fai fakamamahi lahi kiate au e he Mafimafi.

²¹Naaku alu kitua kuou fonu, bea kuo toe omi au e Jihova ki abi kuou maha: bea koe umaa hoo mou ui au ko Naomi, he kuo tukuakii au e Jihova, bea kuo fakamamahi‘i au e he Mafimafi?

²²Koia nae liu mai a Naomi, mo Lute koe fefine Moabe, ko ene tama i he fono nae ha‘u mo ia, aia nae ha‘u mei he fonua ko Moabe: bea naa na hoko ki Betelihema i he kamataga oe ututa‘u baale.