MAAKE 11:1-33 TON1884 - Bible AI

¹1 Oku heka asi a Kalaisi o haele ki Jelusalema: 12 oku ne tukitala’i ae akau taefua: 15 oku ne fakamaa ae fale lotu lahi: 20 o ne eginaki ene kav akoga ke tuu mau i he tui, mo fakamolemolea ho nau gaahi fili: 27 oku ne fakaha ae gofua o ene gaahi gaue mei he fakamooni o Jone, koe tagata nae fekau mei he Otua. BEA kuo nau ofi ki Jelusalema, o hoko ki Betefeji, mo Betani, i he mouga oe Olive, bea ne fekau atu ene akoga e toko ua,

²O ne behe kiate kinaua, Mo o ki he botu kakai oku hagatonu mai: bea ka mo ka hu ki ai, te mo ilo leva ae uhiki oe asi kuo nootaki, oku heeki heka ai ha tagata; vevete ia, mo taki mai.

³Bea ka behe e ha taha kiate kimoua, Koeha oku mo fai ai eni? mo beheage, Oku aoga ia ki he Eiki; bea te ne tuku leva ke omi ia ki heni.

⁴Bea naa na o, o na ilo ae uhiki oe asi oku nootaki itua i he mataba, i he botu oe tefito’i hala; bea na vevete ia.

⁵Bea behe e he niihi nae tuu i ai kiate kinaua, Koeha a moua oku mo vete ai ae uhiki oe asi?

⁶Bea naa na lea kiate kinautolu o hage koia nae fekau e Jisu: bea nae tuku akinaua ke na o.

⁷Bea naa na omi ae uhiki kia Jisu, bea na ai ki ai ho na gaahi kofu; bea heka ia ki ai.

⁸Bea folahi e he toko lahi ho nau gaahi kofu i he hala; bea tutuu hifo e he niihi ae uluulu’i akau, o falikiliki aki ae hala.

⁹Bea ko kinautolu nae muomua, mo kinautolu nae muimui, naa nau kalaga, o behe, Hosana; Oku monuia ia oku ha’u i he huafa o Jihova:

¹⁰Ke monuia ae buleaga oe tau tamai ko Tevita, aia oku ha’u i he huafa o Jihova: Hosana i he fugani maoluga.

¹¹Bea hoko a Jisu ki Jelusalema, bea hu ki he fale lotu lahi: bea kuo vakai foli eia ae mea kotoabe i ai, bea kuo hokojia ae efiafi, naa nau o ki Betani moe toko hogofulu ma toko ua.

¹²Bea bogibogi ai, i he e nau ha’u mei Betani, nae fiekaia ia:

¹³Bea jio mamao atu ia ki he akau koe fiki oku lau, bea alu ia, o kumi be te ne ilo ai ha fua be ikai: bea i ne ene hoko ki ai, nae ikai te ne ilo ha mea ka koe lau be; he nae kei tuai ae toukai fiki.

¹⁴Bea lea a Jisu, o beheage ki ai, Gata i heni ke oua naa toe kai e ha taha ha fua iate koe o lauikuoga. Bea fanogo ki ai ene kau akoga.

¹⁵Bea naa nau ha’u ki Jelusalema: bea hu a Jisu ki he fale lotu lahi, o ne kamata kabuji kitua akinautolu nae fefakatauaki i he fale lotu lahi, mo ne filihi ae gaahi balebale oe kau fetogi baaga, moe gaahi nofoa o nautolu nae fakatau lube;

¹⁶Bea nae ikai tuku eia ke alu ha taha mo ene kavega i he fale lotu lahi.

¹⁷Bea ako ia, o ne behe kiate kinautolu, Ikai kuo tohi, Ko hoku fale e ui koe fale lotu ki he kakai kotoabe? ka kuo mou gaohi ia koe ana oe kau kaihaa.

¹⁸Bea fanogo ki ai ae kau tagata tohi moe kau taulaeiki lahi, bea nau fifili be fefe’i e nau tamate’i ia: he naa nau manavahe kiate ia, koeuhi kuo ofo ae kakai fulibe i he ene akonaki.

¹⁹Bea kuo hokojia ae efiafi, ne alu ia mei he kolo.

²⁰Bea bogibogi ai, i he e nau liu mai, ne nau vakai ki he akau koe fiki kuo mate mei hono aka.

²¹Bea fakamanatu e Bita, o ne behe kiate ia, Eiki, vakai, koe fiki naa ke tukitala’i kuo mate ia.

²²Bea lea a Jisu, o beheage kiate kinautolu, Mou ma’u ae tui ki he Otua.

²³He oku ou tala mooni atu kiate kimoutolu, Ko ia ia te ne behe ki he mouga ni, Hiki koe, bea li koe ki he tahi; bea ikai fakataetaetui hono loto, ka oku ne tui e hoko ae gaahi mea oku ne lea aki, e hoko aia kotoabe oku ne lea ki ai.

²⁴Koia oku ou behe ai kiate kimoutolu, Koe mea kotoabe oku mou holi ki ai, oka mou ka lotu, tui oku mou ma’u ia, bea te mou ma’u.

²⁵Bea oka mou ka tuu o lotu, fakamolemole, o kabau oku mou koviia i ha taha; koeuhi ke fakamolemolea e hoo mou Tamai oku i he lagi hoo mou gaahi hia.

²⁶Bea ka ikai te mou fakamolemole, bea e ikai fakamolemolea e hoo mou Tamai oku i he lagi hoo mou gaahi agahala.

²⁷Bea naa nau toe ha’u ki Jelusalema: bea i he ene haele i he fale lotu lahi, nae ha’u kiate ia ae kau taulaeiki lahi, moe kau tagata tohi, moe mātua,

²⁸O nau behe kiate ia, Koe bule fe oku ke fai ai ae gaahi mea ni? bea kohai ia naa ne tuku kiate koe ae bule ke fai ae gaahi mea ni?

²⁹Bea lea a Jisu, o ne beheage kiate kinautolu, Teu fehui kiate kimoutolu foki ki he mea e taha, bea mou tala mai kiate au, bea teu tala atu ai kiate kimoutolu ae bule koia oku ou fai ai ae gaahi mea ni.

³⁰Koe babitaiso a Jone, nae mei he lagi ia? be mei he tagata? Tala mai.

³¹Bea nae fealeleaaki akinautolu, o behe, Kabau te tau behe, Mei he lagi; bea e behe mai eia, Koeha nae ikai ai te mou tui kiate ia?

³²Ka tau ka behe, Mei he tagata; oku tau manavahe ki he kakai: he oku nau behe kotoabe, koe balofita mooni a Jone.

³³Bea ne nau lea, o beheage kia Jisu, Oku ikai te mau ilo. Bea lea a Jisu, o behe kiate kinautolu, Bea e ikai teu tala atu kiate kimoutolu ae bule koia oku ou fai ai ae gaahi mea ni.