MAAKE 3:1-35 TON1884 - Bible AI

¹1 Oku fakamoui e Kalaisi ae nima mate, 10 moe mahaki kehekehe; 11 oku ne lolomi ae kau laumalie uli: 13 oku ne fili a hono kau abosetolo e toko hogofulu ma toko ua: 22 oku ne fakaha oku ikai kau ia mo Belisibube: 31 oku ne fakaha be kohai hono tokoua, moe tuofefine, mo ene fa‘e. BEA toe hu ia ki he fale lotu; bea nae i ai ae tagata kuo mate hono nima.

²Bea naa nau lamaji ia, be te ne fakamoui ia i he aho sabate: ka nau fakakovi‘i ai ia.

³Bea behe eia ki he tagata nae nima mate, Tuu mai.

⁴Bea ne behe kiate kinautolu, Oku gofua ke fai lelei i he gaahi aho sabate, be koe fai kovi? ke fakamoui, be tamate‘i? Ka naa nau fakalagobe.

⁵Bea kuo vakai foli eia akinautolu kuo tubutamaki, he nae mamahi ia koeuhi koe fefeka o ho nau loto, bea ne behe ki he tagata, Mafao mai ho nima. Bea ne mafao atu ia: bea fakamoui hono nima o hage ko hono nima e taha.

⁶Bea nae alu kitua ae kau Falesi, o nau alea leva moe kau Helotiane kiate ia, be fefe‘i e nau tamate‘i ia.

⁷Ka nae alu a Jisu mo ene kau akoga ki he tahi: bea muimui kiate ia ae fuu toko lahi mei Kaleli mo Jutea,

⁸Bea nae ha‘u kiate ia, mei Jelusalema, mo Aitumia, moe tua Joatani, mo kinautolu nae ofi ki Taia mo Saitoni, ae fuu toko lahi i he e nau fanogo ki he gaahi mea lahi kuo ne fai.

⁹Bea nae fekau eia ki he ene kau akoga, ke ai ha vaka jii ke tatali kiate ia, koeuhi koe fuu toko lahi, elia naa nau fakaefihia‘i ia.

¹⁰He kuo ne fakamoui ae toko lahi; koia ne nau fakaefihia‘i ia, ka nau ala kiate ia, akinautolu nae mahaki.

¹¹Bea moe kau laumalie uli, i he e nau mamata kiate ia, naa nau to ki lalo i hono ao, bea tagi, o behe, Koe Alo koe oe Otua.

¹²Bea ne fekau malohi kiate kinautolu, ke oua naa nau fakaha ia.

¹³Bea nae alu hake ia ki he mouga, o ne ui kiate ia akinautolu nae loto ia ki ai: bea nau aluage kiate ia.

¹⁴Bea ne tuutuuni ae toko hogofulu ma toko ua, ke nau iate ia, bea koeuhi ke ne fekau atu akinautolu ke malaga,

¹⁵Bea ke ma‘u ae malohi ke fakamoui ae gaahi mahaki, mo kabuji ae kau tevolo:

¹⁶Ko Saimone naa ne fakahigoa ko Bita;

¹⁷Mo Jemesi koe foha o Sebeti, mo Jone koe tokoua o Jemesi; bea ne fakahigoa akinaua ko Boaneajesi, aia, Koe ogo foha oe mana:

¹⁸Mo Anitelu, mo Filibe, mo Bato-lomiu, mo Matiu, mo Tomasi, mo Jemesi koe foha o Alefiusi, me Tatiusi, mo Saimone koe Kenani,

¹⁹Mo Jutasi Isikaliote aia foki naa ne lavaki‘i ia: bea naa nau hu ki ha fale.

²⁰Bea toe fakataha ae kakai, koia nae ikai ai te nau faa fai e nau kai ma.

²¹Bea i he fanogo ki ai a hono kaiga, naa nau alu atu ko hono buke: he naa nau behe, Kuo vale ia.

²²Bea nae behe e he kau tagata tohi nae alu hifo mei Jelusalema, Oku iate ia a Belisibube, bea oku ne kabuji ae kau tevolo i he eiki oe kau tevolo.

²³Bea ne ui akinautolu, mo ne behe kiate kinautolu i he gaahi fakatātā, E faa kabuji fefe e Setani a Setani?

²⁴Bea kabau e feiteitani ha buleaga, e ikai tuu mau ae buleaga koia.

²⁵Bea kabau e feiteitani ha fale, e ikai tuu mau ae fale koia.

²⁶Bea kabau e agatuu a Setani kiate ia, mo feiteitani, e ikai tuu mau ia, kae gata ai ia.

²⁷E ikai ha taha te ne faa hu ki he fale oe toko taha malohi, mo kaihaaji ene gaahi koloa, ka i he ene tomua ha‘i ae toko taha malohi; bea te ne toki kaihaaji ene koloa.

²⁸Koe mooni oku ou tala atu kiate kimoutolu, E fakamolemole ae gaahi hia kotoabe ae fānau ae tagata, moe lohiaki‘i aia kotoabe te nau lohi aki:

²⁹Ka koe lohiaki‘i oe Laumalie Maonioni e ikai fakamolemolea o lauikuoga, ka oku tuutamaki ia ki he malaia taegata:

³⁰Koeuhi nae behe ekinautolu, Oku iate ia ae laumalie uli.

³¹Bea nae toki ha‘u a hono kaiga mo ene fa‘e, o nau tutuu itua, bea nau fekau kiate ia.

³²Bea behe kiate ia e he kakai naa nau nofo o kabui ia, Vakai, ko hoo fa‘e mo ho kaiga oku itua, ko e nau kumi koe.

³³Bea lea ia, o beheage kiate kinautolu, Kohai eku fa‘e mo hoku kaiga?

³⁴Bea vakai foli eia akinautolu naa nau nofo o kabui ia, mo ne behe, Vakai, ko eku fa‘e mo hoku kaiga!

³⁵He ko ia te ne fai ae finagalo oe Otua, ko hoku tokoua ia, mo hoku tuofefine, mo eku fa‘e.