MAAKE 4:1-41 TON1884 - Bible AI

¹Koe fakatātā oe tutui, 14 mo hono fakamatala. 21 Ke tau fakamāma ae kakai kehe. 26 Koe fakatātā oe tega nae tubu fakalilolilo be. 30 koe tega‘i musita. 35 Oku loloni e Kalaisi ae taufa i tahi. BEA toe kamata akonaki ia i he matātahi: bea kuo katoa kiate ia ae fuu kakai, koia ne heka ai ia ki he vaka, o nofo i tahi: bea nae i uta o ofi ki tahi ae kakai kotoabe.

²Bea ne akonaki aki akinautolu ae mea kehekehe i he fakatātā, o ne behe kiate kinautolu i he ene akonaki,

³Fanogo; Vakai, nae alu atu ae tagata tutui ke tutui:

⁴Bea i he ene tutui, nae mokulu ae tega niihi i he vee hala, bea ha‘u ae faga manu buna oe atā, o kai o oji ia.

⁵Bea mokulu ae niihi ki he botu makamaka, nae jii ai ae kelekele; bea tubu leva ia, koeuhi nae ikai matolu ae kelekele:

⁶Ka i he alu hake ae laa, nae vela ai ia; bea koeuhi nae ikai hano aka, ne mate ia.

⁷Bea mokulu ae niihi ki he akau talatala, bea tubu hake ae akau talatala, o fakakājia ia, bea ikai ai hano fua.

⁸Bea mokulu ae niihi ki he kelekele lelei, bea tubu hake ae fua o lahi; o taki tolugofulu ae niihi, bea taki onogofulu ae niihi, bea taki teau ae niihi.

⁹Bea behe eia kiate kinautolu, Ko ia oku teliga ogo, ke ogo‘i ia.

¹⁰Bea kuo toko taha be fa, bea ko gunautolu nae iate ia moe toko hogofulu ma toko ua, naa nau fehui kiate ia ki he fakatātā.

¹¹Bea behe eia kiate kinautolu, Kuo tuku kiate kimoutolu ke mou ilo ae mea lilo oe buleaga oe Otua: ka oku fai ae gaahi mea ni kotoabe i he fakatātā kiate kinautolu oku itua:

¹²Koeuhi oku nau a o mamata, kae ikai ilo; bea oku nau fanogo mo ogo, kae ikai tokaga; telia naa iloage kuo liliu ai akinautolu, bea fakamolemole ai e nau gaahi hia.

¹³Bea behe eia kiate kinautolu, Oku ikai te mou ilo ae fakatātā ni? bea te mou ilo fefe ae gaahi fakatātā kotoabe?

¹⁴Koe tagata tutui oku ne tutui ae folofola.

¹⁵Ko kinautolu eni i he vee hala, aia oku tutui ki ai ae folofola; bea kuo nau fanogo, bea ha‘u leva a Setani, o ave ae folofola nae tutui ki ho nau loto.

¹⁶Bea ko kinautolu eni foki kuo tutui i he botu makaia; i he e nau fanogo ki he folofola oku nau ma‘u leva ia i he fiefia;

¹⁷Ka oku ikai ha aka iate kinautolu, koia oku nau ma‘u ai ia o fuonounou: bea ka tubu ae mamahi be ae fakataga, koeuhi koe folofola, oku higa leva akinautolu.

¹⁸Bea ko kinautolu eni kuo tutui ki he akau talatala; oku nau fanogo ki he folofola,

¹⁹Ka koe tokaga ki mamani, moe kākā oe koloa, moe hu ae holi lahi ki he gaahi mea kehekehe, oku kājia ai ae folofola, bea taefua ai ia.

²⁰Bea ko kinautolu eni kuo tutui ki he kelekele lelei; oku nau fanogo ki he folofola, bea ma‘u ia, bea tubu ai ae fua, koe taki tolugofulu ae niihi, bea taki onogofulu ae niihi, bea taki teau ae niihi.

²¹Bea behe eia kiate kinautolu, Oku omi koa ha māma ke tuku i he lalo buha fua, be i lalo mohega? kae ikai ke fokotuu ki he tuuga māma?

²²He oku ikai ha mea oku ufiufi, e tae fakaha; bea oku ikai ha mea fakalilolilo, e tae iloa.

²³Koe tagata koia oku teliga ogo, ke ogo‘i ia.

²⁴Bea behe eia kiate kinautolu, Tokaga ki he mea oku mou fanogo ki ai: he koe mea fuofua te mou fua aki, e toe fua aki kiate kimoutolu: bea e foaki fakalahi kiate kimoutolu oku tokaga.

²⁵He ko la oku ne ma‘u, e toe foaki kiate ia: bea ko ia oku ikai ke ma‘u, e too meiate ia aia oku ne ma‘u.

²⁶Bea behe eia, Koe buleaga oe Otua oku tatau moe tega nae li e ha tagata ki he kelekele;

²⁷Bea mohe ia, mo tuu hake, i he bo moe aho, bea moui ae tega o tubu hake, oku ikai te ne ilo be oku fefe.

²⁸He oku tubu i he kelekele ae fua oona be; koe uluaki koe muka, bea hoko moe fua, bea toki hoko moe uite kuo motua.

²⁹Bea ka motua ae fua, oku ne ai leva ae hele tuuji, koeuhi kuo hoko ae ututa‘u.

³⁰Bea behe eia, Te tau fakatatau ki he ha ae buleaga oe Otua? be koeha ha fakatātā te tau fakatatau ia ki ai?

³¹Oku tatau ia moe tega‘i musita, aia oka tutui ki he kelekele, oku jii taha be i he gaahi tega kotoabe oku i he kelekele:

³²Ka kuo tutui ia, bea tubu hake, o hoko o lahi i he faahiga ahau iki kotoabe, bea tubu ia o vaavaa lalahi: koia oku faa nofo ae faga manu oe atā i hono malumalu.

³³Bea i he gaahi fakatātā behe o lahi, naa ne lea aki ae lea kiate kinautolu, o fakatatau ki he e nau faa fanogo.

³⁴Bea nae ikai te ne lea kiate kinautolu ka i he fakatātā be: bea i he e nau nonofo ko kinautolu be, naa ne fakamatala ae mea kotoabe ki ke ene kau akoga.

³⁵Bea kuo efiafi i he aho koia, naa ne behe kiate kinautolu, Ke tau o ki he kau vai e taha.

³⁶Bea kuo nau fekau ke alu ae kakai, bea nau ave ia i he ene kei i he vaka. Bea nae folau mo ia ae gaahi vaka iki.

³⁷Bea nae tubu ae fuu matagi lahi, bea feohofi ae gaahi beau ki he vaka, bea goto ai.

³⁸Bea naa ne i he taumuli oe vaka, o mohe ki he oluga: bea naa nau fafagu ia, o behe kiate ia, Eiki, oku ikai te ke tokaga‘i te tau mate?

³⁹Bea tuu hake ia, o lolomi ae matagi, mo ne behe ki he tahi, Fiemalie, bea ke toka lelei. Bea nae malu ae matagi, o matuaki tofuki.

⁴⁰Bea behe eia kiate kinautolu, Koeha oku mou manavajii behe ai? koeha oku ikai ai haa mou tui?

⁴¹Bea naa nau manavahe lahi aubito, mo nau febeheaki, Kohai ae tagata ni, ke talagofua behe ae matagi moe tahi kiate la?