MAAKE 5:1-43 TON1884 - Bible AI

¹Oku kabuji e Jisu ae lijione oe laumalie uli, 13 oku nau hu ki he faga buaka. 25 Oku ne fakamoui ae fefine nae au, 35 oku ne fokotuu moui ae ofefine o Jailosi. BEA naa nau tuku mai ki he kau vai e taha oe tahi, ki he fonua oe kakai Kataline.

²Bea kuo ha‘u ia mei he vaka, bea fakafetaulaki leva kiate ia ae tagata mei he gaahi faitoka, bea nae iate ia ae laumalie uli,

³Bea nae nofo be ia i he gaahi faitoka; bea nae ikai ha tagata te ne faa ha‘i aki ia ae gaahi ukamea fihifihi:

⁴He koeuhi kuo liuga lahi hono ha‘i aki ae gaahi ukamea fakama‘u moe gaahi ukamea fihifihi, bea kuo ne motumotuhi ae gaahi ukamea fihifihi, bea motumotu moe gaahi ukamea faka-ma‘u: bea kuo ikai faa fakalalata ia e ha taha.

⁵Bea nae i he gaahi mouga ia moe gaahi faitoka mau ai be, i he bo moe aho, o ne tagi ai, mo ne tafatafa‘i aki ia ae gaahi maka.

⁶Ka i he ene mamata mei he mamao kia Jisu, naa ne lele o hu kiate ia.

⁷O tagi le‘o lahi, o ne behe, Koeha au kiate koe, Jisu, koe Alo oe fugani Otua maoluga? oku ou hu totoaki kiate koe i he Otua, ke oua naa ke fakamamahi‘i au.

⁸(He naa ne behe kiate ia, Ha‘u kitua mei he tagata, akoe koe laumalie uli.)

⁹Bea ne fehui kiate ia, Kohai ho higoa? Bea beheage eia, Ko Lijione hoku higoa; he oku mau toko lahi.

¹⁰Bea ne kole fakamatoato kiate ia ke oua naa ne kabuji akinautolu mei he fonua.

¹¹Bea nae i ai, o ofi ki he gaahi mouga, ae faga buaka lahi nae fafaga.

¹²Bea kole e he kau laumalie kotoabe kiate ia, o behe, Fekau akimautolu ki he faga buaka, koeuhi ke mau hu ki ai.

¹³Bea tuku leva e Jisu ke nau fai ia. Bea alu atu ae kau laumalie uli, o hu ki he faga buaka: bea felele‘i o oho ae faga buaka i he botu tahifohifo ki tahi, (naa nau toko ua afe nai;) bea melemo i he tahi.

¹⁴Bea feholaki akinautolu nae tauhi ae faga buaka, o fakaha ki he kolo, bea moe tukuuta. Bea naa nau aluage ke mamata ki he mea kuo fai.

¹⁵Bea nau ha‘u kia Jisu, o mamata kiate ia nae ulujino ai ae laumalie uli, o ne ma‘u ae lijione, oku nofo ia, kuo kofu, bea boto hono loto: bea nau manavahe

¹⁶Bea ko kinautolu nae mamata ki ai, naa nau fakaha kiate kinautolu ae mea nae hoko kiate ia nae ulujino ai ae tevolo, bea moe mea ki he faga buaka.

¹⁷Bea nau kole leva kiate ia ke ne alu i ho nau fonua.

¹⁸Bea kuo alu ia ki vaka, bea ko ia nae ulujino ai ae tevolo ne kole kiate ia ke na nonofo.

¹⁹Ka nae ikai loto ki ai a Jisu, ka naa ne behe, Alu ki ho abi ki ho kaiga, mo fakaha kiate kinautolu ae gaahi mea lahi kuo fai e he Eiki maau, mo ene manavaofa kiate koe.

²⁰Bea ne alu ia, o fua fakaha i Tikabolisi ae gaahi mea lahi kuo fai e Jisu maana: bea ofo ai kotoabe.

²¹Bea kuo toe folau a Jisu i he vaka ki he kau vai e taha, bea katoa ai kiate ia ae kakai toko lahi: bea kuo ofi ia ki tahi.

²²Bea vakai, nae aluage ae toko taha oe kau bule oe fale lotu, ko Jailosi hono higoa; bea i he ene mamata kiate ia, naa ne to hifo ki hono va‘e,

²³O ne kole fakamatoato kiate ia, o behe, Ko hoku ofefine jii oku tei mate: ha‘u, o hili ho nima kiate ia, koeuhi ke moui ai: bea e moui ia.

²⁴Bea naa na o mo Jisu; bea muimui kiate ia ae kakai toko lahi, o fakaefihia ia.

²⁵Bea koe fefine e toko taha, nae hogofulu ma ua ae ta‘u oe au toto iate ia,

²⁶Bea kuo lahi ae mea kuo ne kataki i he kau faitoo toko lahi, bea kuo fakaoji eia a ene mea kotoabe, bea ikai fakaaau ki mua, kae ajili be hono mahaki.

²⁷Kuo fanogo ia kia Jisu, bea ha‘u moe fonoga mei mui, o ala ki hono kofu:

²⁸He kuo behe eia, Kabau teu ala be ki hono kofu, teu moui ai.

²⁹Bea matuu fakafokifa be ae au a hono toto; bea ne ogo‘i i hono jino kuo fakamoui ia mei he mahaki koia.

³⁰Bea kuo ilo loto e Jisu kuo alu atu iate ia ae malohi, bea ne tafoki ia ki he kakai, mo ne behe, Kohai nae ala ki hoku kofu?

³¹Bea beheage ene kau akoga kiate ia Oku ke vakai ki he toko lahi oku fakaefi koe, bea oku ke behe, Kohai kuo ala kiate au?

³²Bea vakai foli eia ke mamata kiate ia kuo ne fai ae mea ni.

³³Ka kuo ilo e he fefine aia kuo fai kiate ia, bea ha‘u ia, oku manavahe mo tetetete, o to ki lalo i hono ao, o ne tala kiate ia ae mooni kotoabe.

³⁴Bea ne behe kiate ia, Ofefine, kuo fakamoui koe e hoo tui; alu i he fiemalie, bea ke moui mei hoo mahaki.

³⁵Kae lolotoga ene lea, moe ha‘u ae niihi mei he fale oe bule oe fale lotu, o nau behe, Kuo bekia ho ofefine: koeha oku ke kei fakafiu ai ae eiki?

³⁶Bea kuo fanogo leva e Jisu ki he lea nae lea aki, bea behe eia ki he bule oe fale lotu, Oua te ke manavahe, ka ke tui be.

³⁷Bea nae ikai tuku eia ke muimui ha toko taha kiate ia, ka ko Bita, mo Jemesi, mo Jone koe tokoua o Jemesi.

³⁸Bea hoko ia ki he fale oe bule oe fale lotu, o mamata ki he maveuveu, mo kinautolu nae tagi mo tagilāulāu lahi.

³⁹Bea kuo hu ia ki loto fale, mo ne behe kiate kinautolu, Koeha oku mou maveuveu, mo tagi ai? oku ikai mate ae taahine, ka oku mohe be.

⁴⁰Ka naa nau kakata manuki kiate ia. Bea kuo fekau eia ke nau alu kotoabe kitua, bea ne ave ae tamai moe fa‘e ae taahine, mo kinautolu nae iate ia, bea nau hu ki he botu oku tokoto ai ae taahine.

⁴¹Bea ne buke ae nima oe taahine, mo ne behe kiate ia, Talita kiumi; aia ko hono uhiga, Taahine, oku ou behe kiate koe, Tuu hake.

⁴²Bea tuu hake leva ae taahine, o eveeva; he kuo hogofulu ma ua hono ta‘u. Bea nae ofo ai akinautolu i he ofo lahi.

⁴³Bea ne fekau malohi kiate kinautolu ke oua naa ilo ia e ha taha; mo ne fekau ke atu ha mea kai kiate ia.