MAAKE 6:1-56 TON1884 - Bible AI

¹Oku fehia ae kakai oe fonua o Kalaisi kiate ia. 7 Oku ne tuku ki he toko hogofulu ma toko ua ne malohi ki he kau tevolo. 14 Koe mahalo kehekehe kia Kalaisi. 27 Oku tutuu ae ulu o Jone koe Babitaiso, 29 bea tanu ia. 30 Oku liliu ae kau abosetolo mei he e nau malaga. 34 Koe mea mana oe foi ma e nima moe ika e ua. 48 Oku eveeva a Kalaisi i ke fukahi taki: 53 o ne fakamoui kotoabe nae ala kiate ia. BEA nae alu ia mei ai, o ha‘u ki hono fonua; bea muimui a ene kau akoga kiate ia.

²Bea hokojia ae aho sabate, bea kamata ako ia i he fale lotu; bea ofo ae toko lahi i he fanogo kiate ia, o nau behe, Kuo ma‘u meife e he tagata ni ae gaahi mea ni? bea koeha ae boto ko eni kuo tuku kiate ia, aia kuo fai ae e hono nima ae gaahi gaue lahi behe?

³Ikai koe tufuga eni, koe tama a Mele, bea koe tokoua o Jemesi, mo Jose, mo Jute, mo Saimone? bea ikai oku i heni mo kitautolu a hono gaahi tuofefine? Bea naa nau tūkia iate ia.

⁴Ka nae behe e Jisu kiate kinautolu, Oku ikai ke majiva fakaabaaba ha balofita, ka i hono fonua, mo hono kaiga, mo hono fale.

⁵Bea nae ikai te ne mafai i ai ha gaue lahi, ka naa ne hilifaki hono nima ki he toko jii be nae mahaki, o ne fakamoui.

⁶Bea nae ofo ia koe mea i he e nau taetui. Bea alu fakatakamilo ia i he gaahi botu kakai, o akonaki.

⁷Bea ne ui ae toko hogofulu ma toko ua, o ne fua fekau ke nau o, o tautau toko ua, oea ne foaki kiate kinautolu ae malohi ki he kau laumalie uli;

⁸Mo fekau eia kiate kinautolu ke oua te nau ave ha mea i ho nau fonoga, ka koe tokotoko be; oua naa ai ha kato, be ha ma, be ha baaga i he noo:

⁹Kae tobuvae aki ae teka; bea oua naa ai ae kofu tua e ua.

¹⁰Bea ne behe kiate kinautolu, Koe botu koia te mou hu ai ki ha fale, mou nofo ai be kae oua ke mou toki o i he botu koia.

¹¹Bea ko kinautolu e ikai ma‘u akimoutolu, be fanogo kiate kimoutolu, oka mou ka alu ai, mou tutui ae efu i ho mou va‘e, koe fakamooni kiate kinautolu. Koe mooni oku ou tala kiate kimoutolu, E katakigofua a So-toma mo Komola i he aho fakamāu, i he kolo koia.

¹²Bea naa nau alu atu, o malaga ke fakatomala ae kakai.

¹³Bea nau kabuji ae kau tevolo toko lahi, bea tākai aki ae lolo, mo fakamoui ae toko lahi nae mahaki.

¹⁴Bea fanogo ki ai ae tu‘i ko Helota; (he kuo mafola atu hono higoa;) bea behe eia, Kuo toe tuu mei he mate a Jone koe Babitaiso, bea koia oku ha ai ae gaahi gaue lahi meiate ia.

¹⁵Bea behe e he niihi, Ko Ilaija ia. Bea behe e he niihi, Koe balofita ia, be oku hage ko ha taha i he kau balofita.

¹⁶Ka i he fanogo ki ai a Helota, bea behe eia, Ko Jone ia, aia neu tutuu hono ulu: kuo toe tuu ia mei he mate.

¹⁷He nae fekau atu e Helota, ke buke a Jone, o ha‘i ia i he fale fakabobula, koe mea ia Helotiasi, koe unoho o hono tokoua ko Filibe: he kuo na fakamau mo ia.

¹⁸He nae behe e Jone kia Helota, Oku ikai gofua hao ma‘u ae unoho o ho tokoua.

¹⁹Koia nae ita a Helotiasi kiate ia, o ne loto ke tamate‘i ia; ka nae ikai ke ne mafai ia:

²⁰He nae manavahe a Helota kia Jone, ko ene ilo koe tagata agatonu ia, mo maonioni, bea naa ne malu‘i ia; bea i he ene fanogo kiate ia, naa ne fai ae gaahi mea lahi, mo ne fanogo i he fiefia.

²¹Bea nae hokojia ae aho lelei, koe aho fakamanatu ki he fanau‘i o Helota, bea ne fai ai ae katoaga ma a hono gaahi houeiki, moe gaahi eiki tau, moe gaahi eiki o Kaleli;

²²Bea kuo ha‘u ki ai ae taahine ae Helotiasi koia, o mee, bea malieia ai a Helota mo kinautolu naa nau nonofo, bea behe e he tu‘i ki he taahine, Kole mai kiate au aia oku ke loto ki ai, bea teu foaki ia kiate koe.

²³Bea ne fuakava kiate ia, Ka iloga ha mea te ke kole kiate au, teu foaki ia kiate koe, o a‘u ki hono vaeua malie o hoku buleaga.

²⁴Bea alu atu ia, o ne behe ki he ene fa‘e, Koeha teu kole? Bea beheage eia, Koe ulu o Jone koe Babitaiso.

²⁵Bea toe ha‘u leva ia ki he tu‘i, bea ne kole, o behe, Ko hoku loto ke ke foaki mai kiate au anaiage, ae ulu o Jone koe Babitaiso, i ha ibu.

²⁶Bea mamahi lahi ae tu‘i; ka koe mea i he ene fuakava, bea koeuhi ko kinautolu naa nau nonofo mo ia, nae ikai te ne faa fakafiji kiate ia.

²⁷Bea kouna leva e he tu‘i ae tagata tamate, o fekau ke omi hono ulu: bea alu ia, o tutuu hono ulu i he fale fakabobula,

²⁸O ne omi hono ulu i ha ibu, mo atu ki he taahine: bea age ia e he taahine ki he ene fa‘e.

²⁹Bea i he fanogo ki ai a ene kau akoga, naa nau omi, o ave hono jino o fakatokoto ia i he fonualoto.

³⁰Bea fakataha ae kau abosetolo kia Jisu, o nau fakamatala kiate ia ae gaahi mea kotoabe, aia kuo nau fai, mo ia kuo nau ako aki.

³¹Bea behe eia kiate kinautolu, Mou omi akimoutolu be ki ha botu lala, o mālōlō jii: he nae toko lahi nae faa fealuaki, bea nae ikai ke nau ataatā ke fai e nau kai.

³²Bea nau o fakalilolilo i he vaka ki he botu lala.

³³Bea mamata ae kakai ki he e nau alu, bea ilo ia e he toko lahi, bea nau felele‘i uta ki ai mei he kolo kotoabe, o muomua kiate kinautolu, bea fakataha ai kiate ia.

³⁴Bea kuo tuu ki uta a Jisu, o ne vakai kuo toko lahi ae kakai, nae manavaofa ia kiate kinautolu, koeuhi kuo nau tatau moe faga sibi tae ha tauhi: bea ne kamata ako kiate kinautolu ae gaahi mea lahi.

³⁵Bea kuo tei oji ae aho, bea ha‘u ene kau akoga kiate ia, o behe, Koe botu lala eni, bea kuo teitei oji ae aho:

³⁶Fekau ke nau o, koeuhi ke nau alu ki he tukuuta, moe gaahi botu kakai oku tuu takatakai, ke nau fakatau maa nautolu ae ma: he oku ikai haa nau mea ke kai.

³⁷Bea lea eia, o behe kiate kinautolu, Mou atu ha mea ke nau kai. Bea nau behe kiate ia, Te mau o, o fakatau ma aki ae tenali e uageau, mo atu ke nau kai?

³⁸Bea behe eia kiate kinautolu, Koe foi ma e fiha oku iate kimoutolu? alu o vakai. Bea kuo nau ilo, bea nau behe, Oku nima, moe ika e ua.

³⁹Bea ne fekau kiate kinautolu ke nau bule ke nofo kotoabe ki lalo ki he mohuku mauiui, o tautau toko lahi.

⁴⁰Bea naa nau nofo ki lalo o fakaotu, o tautau toko teau, mo tautau toko nimagofulu.

⁴¹Bea kuo too eia ae foi ma e nima moe ika e ua, bea haga hake ia ki he lagi, o ne tabuaki, mo ne tofitofi ae gaahi foi ma, o age ki he ene kau akoga ke tufaki kiate kinautolu; bea ne tufaki moe ika e ua kiate kinautolu kotoabe.

⁴²Bea naa nau kai kotoabe, o makona.

⁴³Bea nau ave ae kato e hogofulu ma ua kuo bito i he toega kai, moe ika.

⁴⁴Bea ko kinautolu nae kai i he gaahi foi ma, koe tagata e toko nima afe nai.

⁴⁵Bea bule leva eia ke heka ki vaka a ene kau akoga, o muomua ki he botu e taha ki Betesaita, kae fekau eia ke alu ae kakai.

⁴⁶Bea kuo fekau atu akinautolu, nae alu ia ki he mouga ke lotu ai.

⁴⁷Bea kuo hoko ae efiafi, kuo i he vaha ae vaka, kae i uta toko taha be ia.

⁴⁸Bea mamata ia oku nau ogojia i he tauaalo; he nae tokai ae matagi kiate kinautolu: bea kuo ofi hono fa oe leo oe bo, bea aluage ia kiate kinautolu, o ne haele i he fukahi tahi, bea hage ka mole be ia iate kinautolu.

⁴⁹Ka i he e nau mamata oku haele ia i he fukahi vai, naa nau mahalo koe laumalie ia, o nau kalaga ai:

⁵⁰He naa nau mamata kotoabe kiate ia, bea nau ilifia. Bea leaage leva ia kiate kinautolu, o ne behe, Mou fiemalie: he ko au; bea oua e manavahe.

⁵¹Bea alu hake ia kiate kinautolu ki vaka; bea malu leva ae matagi: bea fakatumutumu lahi fakamanavahe akinautolu o taefaalaua i ho nau loto, mo ofo ai.

⁵²He nae ikai te nau manatu ki he gaahi foi ma: he kuo fefeka ho nau loto.

⁵³Bea kuo nau hoko atu, o nau a‘u ki he fonua ko Kenesaleti, bea tau ki uta.

⁵⁴Bea kuo nau ha‘u mei he vaka, bea ilo leva ia ekinautolu.

⁵⁵Bea nau felele‘i i he botu fonua kotoa koia mo nau fata fano be i he gaahi mohega akinautolu nae mahaki, ki he botu naa nau fanogo oku i ai ia.

⁵⁶Bea nae iloga haa ne alu ki he gaahi botu kakai, be ki he gaahi kolo, be ki he tukuuta, naa nau fakatokoto ae mahaki i he gaahi hala, bea nau kole kiate ia ke nau ala ki he kaba be o hono kofu: bea iloga akinautolu kotoabe nae ala ki ai, nae fakamoui akinautolu.