MAAKE 8:1-38 TON1884 - Bible AI

¹1 Oku fafaga e Kalaisi ae kakai i he ene gaue mana: 10 e ikai tuku ha falailoga ki he kau Falesi: 14 oku ne valoki ene kau akoga ke nau vakai telia ae mea fakatubu ae kau Falesi moe mea fakatubu a Helota: 22 oku ne fakaa ae tagata kui: 27 o ne fakaha ko ia koe Kalaisi, aia nae behe e bekia mo toe tuu: 34 bea ne ako ke faa kataki ae fakataga koeuhi koe ogoogolelei. IHE gaahi aho koia nae fuu toko lahi aubito ae kakai, bea nae ikai haa nau mea ke kai, bea ui e Jisu a ene kau akoga, o ne behe kiate kinautolu,

²Oku ou ofa mamahi ki he kakai, koeuhi oku aho tolu e nau iate au, bea oku ikai haa nau mea ke kai:

³Bea kabau teu fekau ke nau alu fiekaia ki ho nau gaahi fale, te nau bogia i he hala: he ko ho nau niihi kuo ha‘u mei he mamao.

⁴Bea beheage ene kau akoga kiate ia, E ma‘u meife e ha taha ae ma ke fakamakona aki akinautolu ni i heni i he toafa?

⁵Bea fehui ia kiate kinautolu, Oku fiha hoo mou foi ma? Bea nau behe, Oku fitu.

⁶Bea fekau eia ki he kakai ke nau nofo ki lalo ki he kelekele; bea ne too ae foi ma e fitu, o ne fakafetai, mo tofitofi, bea age ki he ene kau akoga ke tufaki; bea naa nau tufaki ia i he ao oe kakai.

⁷Bea naa nau ma‘u moe gaahi ika iki: bea ne ne tabuaki, mo fekau ke tufaki foki ia.

⁸Bea naa nau kai, o makona: bea nau tanaki ae toega kai koe kato e fitu.

⁹Bea ko kinautolu nae kai, koe toko fa afe nai: bea nae fekau eia ke nau alu.

¹⁰Bea heka vaka leva ia mo ene kau akoga, o ha‘u ki he botu o Tala-manuta.

¹¹Bea aluage ae kau Falesi, o kamata fakafehui kiate ia, mo kumi iate ia ha fakailoga mei he lagi, ko hono ahiahi‘i.

¹²Bea mafulu lahi ia i hono laumalie, mo behe, Koeha oku kumi ai e he toutagata ni ha fakailoga? koe mooni oku ou tala atu kiate kimoutolu, E ikai tuku ha fakailoga ki he toutagata ni.

¹³Bea alu ia iate kinautolu, o toe heka vaka, mo alu ki he kau vai e taha.

¹⁴Bea kuo galo i he kau akoga ke ave ha ma, bea koe foi ma be taha nae i he vaka mo kinautolu.

¹⁵Bea naa ne nainai kiate kinautolu, o behe, Tokaga, bea vakai telia ae mea fakatubu ae kau Falesi, bea moe mea fakatubu a Helota.

¹⁶Bea fealeleaaki ai akinautolu, o behe, Koe mea i he e tau tae omi ha ma.

¹⁷Bea kuo ilo ia e Jisu, bea behe eia kiate kinautolu, Koeha oku mou alea ai, i he ikai haa mou ma? oku heeki ai te mou mamata, be ilo? oku kei fefeka ho mou loto?

¹⁸Oku mou mata, kae ikai te mou mamata? bea teliga, kae ikai ogo‘i? bea oku ikai te mou manatu?

¹⁹I he eku tofitofi ae foi ma e nima ki he toko nima afe, nae fiha ae kato nae bito i he toega ne mou ave? Bea nau behe kiate ia, E hogofulu ma ua.

²⁰Bea koe fitu ki he toko fa afe, nae fiha ae kato nae bito i he toega ne mou ave? Bea nau behe, E fitu.

²¹Bea behe eia kiate kinautolu, Koeha nai oku ikai ai te mou ilo?

²²Bea ha‘u ia ki Betesaita: bea naa nau omi kiate ia ae tagata kui, o nau kole kiate ia ke ne ala ki ai.

²³Bea buke eia ae nima oe tagata kui, o tataki ia kitua mei he botu kakai; bea kuo ne aanu ki hono mata, mo ai hono nima kiate ia, bea ne fehui kiate ia, be oku ne mamata ki ha mea.

²⁴Bea haga hake ia, o ne behe, Oku ou mamata ki he kakai oku hage koe gaahi akau, oku eveeva.

²⁵Bea hili ia, bea ne toe ai hono nima ki hono mata, bea fekau kiate ia ke ne haga hake: bea nae moui ia, o ne mamata totonu ki he kakai kotoabe.

²⁶Bea ne fekau ia ki hono fale, mo ne behe, Oua naa ke alu ki he botu kakai, be tala ia ki ha taha i he botu kakai.

²⁷Bea alu atu a Jisu, mo ene kau akoga, ki he gaahi botu kakai o Sesalia i Filibai: bea fehui eia ki he ene kau akoga i he hala, o ne behe kiate kinautolu, Oku behe e he kakai be konai au?

²⁸Bea nau beheage, Ko Jone koe Babitaiso: kae behe e he niihi, Ko Ilaija; bea behe e he niihi, Koe taha oe kau balofita.

²⁹Bea behe eia kiate kinautolu, Ka oku behe ekimoutolu kohai au? Bea lea a Bita, o beheage kiate ia, Ko koe, koe Kalaisi.

³⁰Bea fekau eia kiate kinautolu ke oua naa nau fakaha ia ki ha taha.

³¹Bea kamata fakaha eia kiate kinautolu, ae kataki e he Foha oe tagata ae gaahi mea lahi, bea jiaki ia e he mātua, moe kau taulaeiki lahi, moe kau tagata tohi, bea e tamate‘i ia, bea hili ae aho e tolu e toe tuu.

³²Bea naa ne lea ilogofua aki ae lea koia. Bea ave ia e Bita, o ne kamata valoki‘i ia.

³³Ka kuo tafoki ia ki mui, o vakai ki he ene kau akoga, bea valoki‘i eia a Bita, o behe, Alu ki hoku tua, Setani: he oku ikai te ke leleiia i he gaahi mea ae Otua, ka i he gaahi mea ae tagata.

³⁴Bea kuo ui eia ae kakai mo ene kau akoga foki, bea ne behe kiate kinautolu, Ko ia ia oku loto ke muimui iate au, ke ne jiaki eia ia, kae too ene kavega, o muimui iate au.

³⁵He ko ia ia oku loto ke kalofaki ene moui, e mole ia: ka ko ia ia e mole ene moui koeuhi ko au moe ogoogolelei, e ma‘u eia ia.

³⁶He koeha hono aoga ki ha tagata, o kabau e ma‘u eia a mamani kotoabe, kae mole hono laumalie oona?

³⁷Be koeha e foaki e ha tagata ke fetogi aki hono laumalie?

³⁸Ko ia ia e ma kiate au, mo eku gaahi lea, i he toutagata feauaki mo agahala ni, e ma foki ae Foha oe tagata iate ia, oka ha‘u ia i he nāunāu o ene Tamai, moe kau agelo maonioni.